അമ്മയും കുഞ്ഞും മരിച്ചനിലയില്‍

തൃശൂര്‍: അമ്മയും കുഞ്ഞും മരിച്ചനിലയില്‍. കുഞ്ഞിനെ കൊലപ്പെടുത്തിയ ശേഷം അമ്മ തൂങ്ങിമരിച്ചതാണെന്നാണ്‌ പ്രാഥമിക നിഗമനം.
അടാട്ട്‌ അമ്പലക്കാവിലാണ്‌ സംഭവം. ശില്‍പ (30), അക്ഷയജിത്ത്‌ (അഞ്ച്‌) എന്നിവരാണ്‌ മരിച്ചത്‌. ഇന്നലെ രാവിലെയാണ്‌ ഇരുവരെയും മരിച്ചനിലയില്‍ കണ്ടെത്തിയത്‌. ഭര്‍ത്താവ്‌ മോഹിത്‌ സ്വകാര്യ സ്‌ഥാപനത്തിലെ ജീവനക്കാരനാണ്‌. അസുഖമായതിനാല്‍ മോഹിത്‌ രണ്ടുദിവസമായി മറ്റൊരു മുറിയിലായിരുന്നു കിടന്നിരുന്നത്‌. രാവിലെ ശില്‍പ വാതില്‍ തുറക്കാത്തതിനാല്‍ മോഹിത്തിന്റെ അമ്മ വിവരമറിയിച്ചതിനെത്തുടര്‍ന്ന്‌ നാട്ടുകാരെത്തി ജനലിന്റെ ാസ്‌ തകര്‍ത്ത്‌ നോക്കിയപ്പോഴാണ്‌ മൃതദേഹങ്ങള്‍ കണ്ടത്‌. ആത്മഹത്യാക്കുറിപ്പ്‌ ലഭിച്ചിട്ടില്ലെന്നും ജീവനൊടുക്കുന്നുവെന്ന്‌ വെളിപ്പെടുത്തി ഫോണില്‍ റെക്കോര്‍ഡ്‌ ചെയ്‌തുവച്ചിട്ടുണ്ടായിരുന്നുവെന്നും നാട്ടുകാര്‍ പറഞ്ഞു. സാമ്പത്തികമായി കുടുംബത്തിന്‌ പ്രശ്‌നങ്ങളില്ലായിരുന്നുവെന്നും നാട്ടുകാര്‍ പറഞ്ഞു. ശില്‍പ പി.എസ്‌.സി. പരീക്ഷക്കായി തയ്യാറെടുക്കുകയായിരുന്നു. പേരാമംഗലം പോലീസ്‌ മേല്‍നടപടികള്‍ സ്വീകരിച്ചു.