മകരവിളക്കിന്‌ പ്രത്യേക സുരക്ഷ

ശബരിമല: മകരവിളക്ക്‌ കാലത്തെ തിരക്ക്‌ കണക്കിലെടുത്ത്‌ സുരക്ഷാസംവിധാനം ശക്‌തമാക്കാന്‍ പോലീസ്‌. സുജിത്‌ ദാസാണ്‌ മകരവിളക്ക്‌ തീര്‍ഥാടന കാലയളവില്‍ സന്നിധാനം പോലീസ്‌ സ്‌പെഷല്‍ ഓഫീസര്‍. സന്നിധാനത്ത്‌ പോലീസ്‌, കമാന്‍ഡോകള്‍, കേന്ദ്രസേന ഉള്‍പ്പടെ 2500 സുരക്ഷാ ജീവനക്കാര്‍ ഇക്കാലയളവില്‍ ഉണ്ടാകും. എഡി.ജി.പി: എസ്‌.ശ്രീജിത്ത്‌ ശബരിമല പോലീസ്‌ ചീഫ്‌ കോ-ഓര്‍ഡിനേറ്ററായി ക്രമീകരണങ്ങള്‍ക്ക്‌ നേതൃത്വം നല്‍കും.
13ന്‌ 35,000 പേര്‍ക്കും മകരവിളക്ക്‌ ദിവസം 30,000 പേര്‍ക്കുമാണ്‌ വെര്‍ച്വല്‍ ക്യൂ വഴി ദര്‍ശനം. ഈ ദിവസങ്ങളില്‍ 2000 വീതം സ്‌പോട്ട്‌ ബുക്കിങ്ങും ഉണ്ടാകും. മകരജ്യോതി കാണാന്‍ കഴിയുന്ന ഇടങ്ങളില്‍ പോലീസിന്റെ പ്രത്യേക സുരക്ഷയുണ്ടാകും.