പുനര്ജനി അന്വേഷണത്തില് പ്രതിപക്ഷത്തിന് അങ്കലാപ്പ്: ബിനോയ് വിശ്വം
കട്ടപ്പന: വി.ഡി. സതീശനെതിരായ പുനര്ജനി അന്വേഷണത്തില് പ്രതിപക്ഷത്തിന് അങ്കലാപ്പെന്നു ബിനോയ് വിശ്വം. പുനര്ജനിയെപ്പറ്റി ഒരു വാക്ക് വന്നപ്പോള്തന്നെ കോണ്ഗ്രസിലെ എല്ലാ ഗ്രൂപ്പുകളും ഒന്നായി. ആ പാര്ട്ടിയില് ഇപ്പോള് അങ്കലാപ്പാണ്. പുനര്ജനിയുടെ ഫലമായി അന്വേഷണം ഉണ്ടായാല് ആരൊക്കെ പിടിക്കപ്പെടുമെന്ന് അവര്ക്കറിയില്ല. എന്നാല്, അത് കോണ്ഗ്രസ് പാര്ട്ടിയെ ഒന്നായി ബാധിക്കുമെന്ന് അവര്ക്കറിയാം. അതുകൊണ്ടുമാത്രമാണ് കോണ്ഗ്രസ് പാര്ട്ടിയില് ഈ അങ്കലാപ്പ്. എല്.ഡി.എഫിന് ഇലക്ഷന് സ്റ്റണ്ടിന്റെ കാര്യമില്ല. ജനങ്ങളെ കണ്ട് മുന്നോട്ടുപോകാനുള്ള ഉറപ്പ് എല്.ഡി.എഫിനുണ്ട്. അതുകൊണ്ട് ഉറപ്പായും എല്.ഡി.എഫ്. മൂന്നാമൂഴത്തില് വരുമെന്നും അദ്ദേഹം പറഞ്ഞു.
അന്വേഷണം പ്രളയം തകര്ത്ത പറവൂരിനെ റീബില്ഡ് ചെയ്തതിന്: സതീശന്
ബത്തേരി: പ്രളയം തകര്ത്ത പറവൂരിനെ റീബില്ഡ് ചെയ്തതിനാണ് പുനര്ജനിക്കെതിരേയുള്ള അന്വേഷണമെന്ന് പ്രതിപക്ഷ നേതാവ് വി.ഡി. സതീശന്. സി.ബി.ഐയെക്കൊണ്ട് അന്വേഷിപ്പിക്കണമെന്നും തന്നെ അറസ്റ്റ് ചെയ്യിക്കണമെന്നുമാണ് സി.പി.എമ്മും സര്ക്കാരും ആഗ്രഹിക്കുന്നതെങ്കില് അതു ചെയ്യട്ടെയെന്നും അദ്ദേഹം മാധ്യമങ്ങളോടു പറഞ്ഞു.
LATEST NEWS
- കോണ്ഗ്രസ് പട്ടികയില് അനിശ്ചിതത്വം .കണ്ണൂര്, കോന്നി, കൊച്ചി... തര്ക്കം തീരുന്നില്ല
- കുന്നപ്പിള്ളിക്ക് മോശം സമയം, ഹൈക്കമാന്ഡ് തുണച്ചില്ല
- 10 ദിവസം എം.എല്.എ.; സ്ഥാനത്യാഗത്തിന്റെ മാതൃകയായി സി. ഹരിദാസ്
- കുട്ടനാട്ടില് ഡി.സി.സി. വൈസ് പ്രസിഡന്റ് വിമത സ്ഥാനാര്ഥി
- കൊച്ചി-സേലം പാചകവാതക പൈപ്പ് ലൈനില് ചോര്ച്ച
