ഗവര്ണര്ക്ക് ഓണക്കോടി കൈമാറി മന്ത്രിമാര്; ഓണം വാരാഘോഷത്തിലേക്ക് ക്ഷണം
തിരുവനന്തപുരം: സര്ക്കാര് സംഘടിപ്പിക്കുന്ന ഓണം വാരാഘോഷ പരിപാടിയില് ഗവര്ണര് രാജേന്ദ്ര ആര്ലേക്കര് പങ്കെടുക്കും. സര്ക്കാറിന് വേണ്ടി മന്ത്രിമാരായ പി എ മുഹമ്മദ് റിയാസും വി ശിവന്കുട്ടിയും ഗവര്ണറെ രാജ്ഭവനിലെത്തി ക്ഷണിച്ചു. ഇതോടെയാണ് ഗവര്ണര് പരിപാടിയില് പങ്കെടുക്കുമെന്ന് അറിയിച്ചത്.
സര്ക്കാര്-രാജ്ഭവന് ഏറ്റുമുട്ടല് തുടരുന്നതിനിടെ ഓണം വാരാഘോഷത്തിന് ഗവര്ണറെ ക്ഷണിക്കാത്തത് സംബന്ധിച്ച് വിവാദം ഉയര്ന്നിരുന്നു. ഇതിനിടെയാണ് മന്ത്രിമാര് വൈകീട്ട് ഗവര്ണറെ രാജ്ഭവനിലെത്തി ക്ഷണിച്ചത്. ഗവര്ണര്ക്ക് ഓണക്കോടി കൈമാറിയെന്നും ഗവര്ണര് പരിപാടിയില് പങ്കെടുത്ത് ഓണം ഘോഷയാത്രയുടെ ഫ്ലാഗ് ഓഫ് നിര്വഹിക്കുമെന്ന് അറിയിച്ചതായും മന്ത്രി പി എ മുഹമ്മദ് റിയാസ് പറഞ്ഞു.
നാളെ മുതല് ഈ മാസം ഒമ്പത് വരെയാണ് ഓണം വാരാഘോഷം. നാളെ വൈകുന്നേരം മുഖ്യമന്ത്രി പിണറായി വിജയനാണ് ആഘോഷങ്ങള്ക്ക് തിരിതെളിക്കുക. സംവിധായകനും നടനുമായ ബേസില് ജോസഫ്, തമിഴ് നടന് ജയം രവി എന്നിവര് മുഖ്യാതിഥികളായിരിക്കും. മൂന്ന് വേദികളിലായി നടക്കുന്ന ആഘോഷപരിപാടികളില് ആയിരത്തോളം പരമ്പരാഗത കലാകാരന്മാര് അണിനിരക്കും.
LATEST NEWS
- ചരിത്രത്തിലെ ഏറ്റവും കഴിവുകെട്ട ആരോഗ്യമന്ത്രി, ഇടതുഭരണം ആരോഗ്യമേഖലയെ തകര്ത്തു: രാജീവ് ചന്ദ്രശേഖര്
- വനിതാക്കരുത്തില് ബി.ജെ.പി, കോണ്ഗ്രസില് മുറുമുറുപ്പ്; ശോഭാ സുരേന്ദ്രന് മത്സരിക്കുന്ന പാലക്കാട് എല്.ഡി.എഫിനും യു.ഡി.എഫിനും ദുര്ബല സ്ഥാനാര്ഥികള്, 'ഡീല്' വിവാദം
- രാഹുല് മാങ്കൂട്ടത്തിലിന്റെ ജാമ്യം റദ്ദാക്കണം, ആദ്യ പരാതിക്കാരിയുടെ ഹര്ജി; ഹൈക്കോടതിയുടേത് നിരീക്ഷണങ്ങള്, സര്ക്കാര് മൗനം പാലിക്കും
- ചരിത്രത്തിലെ ഏറ്റവും വലിയ ഊര്ജ സുരക്ഷാ ഭീഷണി; വീട്ടിലിരുന്ന് ജോലി ചെയ്യുക, വാഹനം സാവധാനമോടിക്കുക; ശിപാര്ശയുമായി രാജ്യാന്തര ഊര്ജ ഏജന്സി
- പൊന്നാനി സീറ്റ് നിഷേധം , വിഭാഗീയത കത്തിനിൽക്കേ സ്ഥാനം ഒഴിഞ്ഞ് ടി എം സിദ്ദിഖ്; ആരോഗ്യകാരണങ്ങളാലെന്ന് വിശദീകരണം
