കാന്തപുരത്തിന്റെ ഇടപെടല്‍ നിമിഷപ്രിയയുടെ കാര്യത്തില്‍ വഴിത്തിരിവുണ്ടാക്കി’; ജോണ്‍ ബ്രിട്ടാസ്

യെമനിലെ ജയിലില്‍ കഴിയുന്ന മലയാളി നഴ്‌സ് നിമിഷപ്രിയയുടെ വധശിക്ഷ നീട്ടിവച്ചതില്‍ കാന്തപുരം അബൂബക്കര്‍ മുസ്ലിയാരുടെ ഇടപെടല്‍ ഫലപ്രദമായ ഒരു സാഹചര്യം സംജാതമാക്കി എന്ന് ജോണ്‍ ബ്രിട്ടാസ് എം പി. കാന്തപുരം അബൂബക്കര്‍ മുസ്ലിയാരുമായി ഇക്കാര്യം സംസാരിക്കുകയുണ്ടായെന്നും അദ്ദേഹത്തിന്റെ ഇടപെടല്‍ ഫലപ്രദമായ ഒരു സാഹചര്യം സംജാതമാക്കി എന്നാണ് ലഭിക്കുന്ന വിവരമെന്നും ജോണ്‍ ബ്രിട്ടാസ് പ്രതികരിച്ചു.

തലാലിന്റെ കുടുംബത്തെ കാര്യങ്ങള്‍ ബോധ്യപ്പെടുത്താനുള്ള ശ്രമങ്ങള്‍ തുടരുമെന്നും ഇതൊരു ഇടവേളയായി മാത്രം കാണണമെന്നും ബ്രിട്ടാസ് പറഞ്ഞു. ഈ വിഷയത്തില്‍ കാന്തപുരം അബൂബക്കര്‍ മുസ്ലിയാര്‍ നടത്തിയിട്ടുള്ള ഇടപെടല്‍ സംഭാവനയുടെ പ്രതീകം കൂടിയാണ്. ഈയൊരു വഴിക്ക് ഇത്രത്തോളം പുരോഗതി ഉണ്ടാക്കിയത് ഏതൊരു ഇന്ത്യക്കാരനും സന്തോഷം പകരുന്ന കാര്യമാണ് – അദ്ദേഹം കൂട്ടിച്ചേര്‍ത്തു.