സ്‌കൂൾ വാനും ട്രെയിനും കൂട്ടിയിടിച്ച സംഭവം: മരിച്ച വിദ്യാർത്ഥികളുടെ കുടുംബങ്ങൾക്ക് സഹായം പ്രഖ്യാപിച്ച് തമിഴ്‌നാട് മുഖ്യമന്ത്രി സ്റ്റാലിൻ

കടലൂർ ജില്ലയിലെ ശെമ്മൻകുപ്പത്ത് ചൊവ്വാഴ്ച രാവിലെ ലെവൽ ക്രോസിൽ സ്കൂൾ വാൻ പാസഞ്ചർ ട്രെയിനിൽ ഇടിച്ച് മരിച്ച രണ്ട് വിദ്യാർത്ഥികളുടെ കുടുംബങ്ങളെ തമിഴ്‌നാട് മുഖ്യമന്ത്രി എം കെ സ്റ്റാലിൻ അനുശോചനം അറിയിച്ചു.

മരിച്ച 12 വയസ്സുള്ള നിമിലേഷ്, 16 വയസ്സുള്ള ചാരുമതി എന്നീ വിദ്യാർത്ഥികളുടെ കുടുംബങ്ങൾക്ക് 5 ലക്ഷം രൂപ വീതം നഷ്ടപരിഹാരം മുഖ്യമന്ത്രി പ്രഖ്യാപിച്ചു. കൂട്ടിയിടിയിൽ പരിക്കേറ്റ് ചികിത്സയിൽ കഴിയുന്ന ഓരോ വിദ്യാർത്ഥിക്കും ഒരു ലക്ഷം രൂപ വീതവും അദ്ദേഹം പ്രഖ്യാപിച്ചു.