കുടുംബത്തോടൊപ്പം ജോര്ജിയയില് അവധി ആഘോഷിച്ച് ടൊവിനോ; ചിത്രങ്ങള്
സിനിമ തിരക്കുകളിൽ നിന്നും ബ്രേക്ക് എടുത്ത് ഇടയ്ക്ക് കുടുംബത്തോടൊപ്പം യാത്രകൾ നടത്താൻ സമയം കണ്ടെത്തുന്ന താരമാണ് ടൊവിനോ തോമസ്. ഭാര്യയും മക്കളും മാത്രമല്ല, മാതാപിതാക്കളും സഹോദരനും സഹോദരിയും അവരുടെ കുടുംബവുമൊക്കെയായി സകുടുംബമാണ് ടൊവിനോയുടെ യാത്രകൾ.
ജോർജിയയിലാണ് ഈ വെക്കേഷൻ കാലം ടൊവിനോയും കുടുംബവും ആഘോഷിക്കുന്നത്. ഇപ്പോഴിതാ, ജോർജിയയിൽ നിന്നുള്ള ചിത്രങ്ങൾ പങ്കിടുകയാണ് താരം.
അതേസമയം, ടൊവിനോ തോമസിനെ നായകനാക്കി അനുരാജ് മനോഹര് ഒരുക്കുന്ന 'നരിവേട്ട' റിലീസിന് ഒരുങ്ങുകയാണ്. മേയ് 16നാണ് ചിത്രം റിലീസിനെത്തുന്നത്. ഇന്ത്യന് സിനിമാ കമ്പനിയുടെ ബാനറില് ഇന്ത്യ ജിസിസി ട്രേഡ് അംബാസിഡര് ഷിയാസ് ഹസ്സന്, യുഎഇയിലെ ബില്ഡിങ് മെറ്റീരിയല് എക്സ്പോര്ട്ട് ബിസിനസ് സംരംഭകന് ടിപ്പു ഷാന് എന്നിവര് ചേര്ന്നാണ് 'നരിവേട്ട' നിര്മിക്കുന്നത്. കേന്ദ്ര സാഹിത്യ ആക്കാദമി അവാര്ഡ് ജേതാവ് അബിന് ജോസഫാണ് ചിത്രത്തിന്റെ തിരക്കഥ. കേരള ചരിത്രത്തില് നടന്ന യഥാര്ത്ഥ സംഭവങ്ങളില് നിന്ന് പ്രചോദനമുള്ക്കൊണ്ട് ഒരുക്കിയ ചിത്രമാണിതെന്നാണ് സൂചന.
നരിവേട്ടയിലൂടെ പ്രശസ്ത തമിഴ് നടൻ ചേരന് ആദ്യമായി മലയാളത്തിലേക്ക് എത്തുകയാണ്. സുരാജ് വെഞ്ഞാറമൂട്, പ്രിയംവദ കൃഷ്ണ, ആര്യ സലിം, റിനി ഉദയകുമാര് എന്നിവരാണ് ചിത്രത്തിലെ മറ്റു താരങ്ങൾ. ഛായാഗ്രഹണം: വിജയ്, സംഗീതം: ജേക്സ് ബിജോയ്, എഡിറ്റര്: ഷമീര് മുഹമ്മദ്, സൗണ്ട് ഡിസൈന്: രംഗനാഥ് രവി എന്നിവരും നിർവ്വഹിക്കുന്നു.
LATEST NEWS
- ' നിങ്ങളുടെ വാക്കുകള് എന്നെ സ്പര്ശിക്കുകയും ആവേശം നല്കുകയും ചെയ്തു' ; അല്ലു അര്ജുന് മറുപടിയുമായി മാധവന്
- ‘പാലക്കാട് ജയിച്ചാല് മമ്മൂട്ടിയെ കൊണ്ടുവരാമെന്ന വാഗ്ദാനം പിഷാരടി നൽകിയിട്ടുണ്ട്; പക്ഷേ രണ്ടാമത്തെ ഉറപ്പ് പറയാൻ എനിക്ക് ലജ്ജയുണ്ട്...’ ശാരദക്കുട്ടി
- ' അഭിമാനം നല്കുന്ന നിമിഷങ്ങള്, ആവേശത്തോടെ കൈയടിക്കാന് തോന്നി' ; ' ധുരന്ധര് 2' നെ പ്രശംസിച്ച് അല്ലു അര്ജുന്
- ‘‘കൈ കോടുത്ത്...കൈ വീശി...കൈ അടിച്ച്...കൈ കോർത്ത്...കൈ കൂപ്പി....’’ പ്രചരണത്തിലെ റോഡ് ഷോ ദൃശ്യങ്ങള് പങ്കിട്ട് രമേഷ് പിഷാരടി; പിഷാ‘റെഡി’യെന്ന് കമന്റ്
- ‘അനുവാദമില്ലാതെ ഹിന്ദി പതിപ്പ് ഇറക്കി; മൊഴിമാറ്റിയതിനെക്കുറിച്ച് യാതൊരു അറിവുമില്ല; അശ്ലീലമാണെന്ന് അറിഞ്ഞപ്പോള് പ്രതിഷേധമറിയിച്ചു...’ വിവാദത്തിൽ പ്രതികരിച്ച് നോറ ഫത്തേഹി
