‘പ്രിയപ്പെട്ട ലാലേട്ടന്’; മോഹന്ലാലിന് മെസിയുടെ ഓട്ടോഗ്രാഫ്
മലയാളത്തിന്റെ പ്രിയതാരം മോഹന്ലാലിന് ലോക ഫുട്ബോള് സൂപ്പര്താരം ലയണല് മെസിയുടെ ഓട്ടോഗ്രാഫ്. മോഹന്ലാല് തന്നെയാണ് ഈ സന്തോഷവാര്ത്ത ആരാധകര്ക്കായി പങ്കുവെച്ചത്.
‘പ്രിയപ്പെട്ട ലാലേട്ടന്’ എന്നെഴുതിയാണ് മെസി ഓട്ടോഗ്രാഫ് ഒപ്പിട്ടത് മോഹന്ലാലിന്റെ ഏറ്റവും പ്രിയപ്പെട്ട ഫുട്ബോളറാണ് അര്ജന്റീനന് താരമായ ലയണല് മെസി. രാജീവ് മാങ്ങോട്ടിലും രാജേഷ് ഫിലിപ്പുമാണ് ഈ നിമിഷം മോഹന്ലാലിനായി സമ്മാനിച്ചത്.
‘ജീവിതത്തിലെ ചില നിമിഷങ്ങള് വാക്കുകള് കൊണ്ട് പറയാന് പറ്റാത്തത്ര ആഴമുളളതാണ്. അവ എന്നെന്നും നിങ്ങളോടൊപ്പം നിലനില്ക്കും. ഇന്ന് ആ നിമിഷങ്ങളില് ഒന്ന് ഞാന് അനുഭവിച്ചു. സമ്മാനപ്പൊതി അഴിക്കുമ്പോള് എന്റെ ഹൃദയമിടിപ്പ് കൂടുന്നുണ്ടായിരുന്നു. ഇതിഹാസം ലയണല് മെസി ഒപ്പിട്ട ഒരു ജഴ്സി. അതാ എന്റെ പേര്, അദ്ദേഹത്തിന്റെ സ്വന്തം കൈപ്പടയില് എഴുതിയിരിക്കുന്നു.
മെസിയെ വളരെക്കാലമായി ആരാധിക്കുന്ന ഒരാള്ക്ക് കളിക്കളത്തിലെ അദ്ദേഹത്തിന്റെ മികവിന് മാത്രമല്ല, എളിമയ്ക്കും , സഹാനുഭൂതിക്കും, ഇത് ശരിക്കും സവിശേഷമായിരുന്നു. ഡോ. രാജീവ് മാങ്ങോട്ടില്, രാജേഷ് ഫിലിപ്പ് എന്നീ രണ്ട് പ്രിയ സുഹൃത്തുക്കളില്ലാതെ അവിശ്വസനീയമായ നിമിഷം സാധ്യമാകുമായിരുന്നില്ല. എന്റെ ഹൃദയത്തിന്റെ അടിത്തട്ടില് നിന്ന് നന്ദി’ മോഹന്ലാല് കുറിച്ചു.
സത്യന് അന്തിക്കാട് സംവിധാനം ചെയ്യുന്ന ഹൃദയപൂര്വം സിനിമയുടെ സെറ്റില് എത്തിയാണ് ജഴ്സി ഇവര് മോഹന്ലാലിന് കൈമാറിയത്. അപ്രതീക്ഷിതമായി ലഭിച്ച ഈ സമ്മാനം മോഹന്ലാലിന്റെ മാത്രമല്ല സത്യന് അന്തിക്കാടിനെ അടക്കം അത്ഭുതപ്പെടുത്തി.
LATEST NEWS
- ' നിങ്ങളുടെ വാക്കുകള് എന്നെ സ്പര്ശിക്കുകയും ആവേശം നല്കുകയും ചെയ്തു' ; അല്ലു അര്ജുന് മറുപടിയുമായി മാധവന്
- ‘പാലക്കാട് ജയിച്ചാല് മമ്മൂട്ടിയെ കൊണ്ടുവരാമെന്ന വാഗ്ദാനം പിഷാരടി നൽകിയിട്ടുണ്ട്; പക്ഷേ രണ്ടാമത്തെ ഉറപ്പ് പറയാൻ എനിക്ക് ലജ്ജയുണ്ട്...’ ശാരദക്കുട്ടി
- ' അഭിമാനം നല്കുന്ന നിമിഷങ്ങള്, ആവേശത്തോടെ കൈയടിക്കാന് തോന്നി' ; ' ധുരന്ധര് 2' നെ പ്രശംസിച്ച് അല്ലു അര്ജുന്
- ‘‘കൈ കോടുത്ത്...കൈ വീശി...കൈ അടിച്ച്...കൈ കോർത്ത്...കൈ കൂപ്പി....’’ പ്രചരണത്തിലെ റോഡ് ഷോ ദൃശ്യങ്ങള് പങ്കിട്ട് രമേഷ് പിഷാരടി; പിഷാ‘റെഡി’യെന്ന് കമന്റ്
- ‘അനുവാദമില്ലാതെ ഹിന്ദി പതിപ്പ് ഇറക്കി; മൊഴിമാറ്റിയതിനെക്കുറിച്ച് യാതൊരു അറിവുമില്ല; അശ്ലീലമാണെന്ന് അറിഞ്ഞപ്പോള് പ്രതിഷേധമറിയിച്ചു...’ വിവാദത്തിൽ പ്രതികരിച്ച് നോറ ഫത്തേഹി
