കുടുംബത്തോടൊപ്പം സിംഗപ്പൂരില് അവധിക്കാലം ആഘോഷമാക്കി ടൊവിനോ; ചിത്രങ്ങള്
മലയാളികളുടെ പ്രിയപ്പെട്ട താരമാണ് ടൊവിനോ തോമസ്. മോഹൻലാൽ- പൃഥ്വിരാജ് ചിത്രം എമ്പുരാനിലാണ് ഒടുവിൽ പ്രേക്ഷകർ ടൊവിനോയെ കണ്ടത്. എമ്പുരാൻ തിയേറ്ററുകളിൽ വിജയകരമായി പ്രദർശനം തുടരുമ്പോൾ സിംഗപ്പൂരിൽ അവധിക്കാലം ആഘോഷിക്കുകയാണ് ടൊവിനോ.
ഭാര്യ ലിഡിയ, മക്കളായ ഇസ, ടഹാൻ എന്നിവരും ടൊവിനോയ്ക്ക് ഒപ്പമുണ്ട്.സിംഗപ്പൂർ യാത്രയിൽ നിന്നുള്ള ചിത്രങ്ങൾ പങ്കിട്ടിരിക്കുകയാണ് ടൊവിനോ ഇപ്പോൾ.
വർഷങ്ങൾ നീണ്ട പ്രണയത്തിനൊടുവിലാണ് ടൊവിനോ തോമസ് ലിഡിയയെ ജീവിതസഖിയാക്കുന്നത്.പ്ലസ് ടു കാലത്താണ് ഇരുവരും തമ്മിലുള്ള പ്രണയം തുടങ്ങിയത്. 2014ലാണ് ഇരുവരും വിവാഹിതരായത്.
സിനിമ തിരക്കുകളിൽ നിന്നു ഇടവേളയെടുത്ത് ഇടയ്ക്ക് കുടുംബത്തിനൊപ്പം യാത്ര ചെയ്യാൻ സമയം കണ്ടെത്താറുണ്ട് ടൊവിനോ. ടൊവിനോയുടെ സിംഗപ്പൂർ ചിത്രങ്ങൾക്കു താഴെ ഇതു ഞങ്ങളുടെ ടിനോവ അല്ലേ എന്നാണ് ആരാധകരുടെ കമന്റ്. എമ്പുരാൻ പ്രമോഷനിടയിൽ ടൊവിനോയ്ക്ക് വീണു കിട്ടിയ പേരാണ് ടിനോവ എന്നത്.
എമ്പുരാൻ കൊച്ചി പ്രമോഷനിടെ നിർമാതാവായ ഗോകുലം ഗോപാലൻ ആണ് ടൊവിനോ എന്ന പേരു തെറ്റി ടിനോവ എന്നു വിളിച്ചത്. തെറ്റിപ്പോയി എന്നു മനസ്സിലാക്കി ഉടനെ തിരുത്തുകയും ചെയ്തു. എന്നാൽ, അതോടെ ആരാധകരിൽ ഒരുകൂട്ടർ ടിനോവ എന്ന പേര് ഏറ്റെടുത്തിരിക്കുകയാണ്.
LATEST NEWS
- ' നിങ്ങളുടെ വാക്കുകള് എന്നെ സ്പര്ശിക്കുകയും ആവേശം നല്കുകയും ചെയ്തു' ; അല്ലു അര്ജുന് മറുപടിയുമായി മാധവന്
- ‘പാലക്കാട് ജയിച്ചാല് മമ്മൂട്ടിയെ കൊണ്ടുവരാമെന്ന വാഗ്ദാനം പിഷാരടി നൽകിയിട്ടുണ്ട്; പക്ഷേ രണ്ടാമത്തെ ഉറപ്പ് പറയാൻ എനിക്ക് ലജ്ജയുണ്ട്...’ ശാരദക്കുട്ടി
- ' അഭിമാനം നല്കുന്ന നിമിഷങ്ങള്, ആവേശത്തോടെ കൈയടിക്കാന് തോന്നി' ; ' ധുരന്ധര് 2' നെ പ്രശംസിച്ച് അല്ലു അര്ജുന്
- ‘‘കൈ കോടുത്ത്...കൈ വീശി...കൈ അടിച്ച്...കൈ കോർത്ത്...കൈ കൂപ്പി....’’ പ്രചരണത്തിലെ റോഡ് ഷോ ദൃശ്യങ്ങള് പങ്കിട്ട് രമേഷ് പിഷാരടി; പിഷാ‘റെഡി’യെന്ന് കമന്റ്
- ‘അനുവാദമില്ലാതെ ഹിന്ദി പതിപ്പ് ഇറക്കി; മൊഴിമാറ്റിയതിനെക്കുറിച്ച് യാതൊരു അറിവുമില്ല; അശ്ലീലമാണെന്ന് അറിഞ്ഞപ്പോള് പ്രതിഷേധമറിയിച്ചു...’ വിവാദത്തിൽ പ്രതികരിച്ച് നോറ ഫത്തേഹി
