മര്ക്കസ് യുനാനി മെഡിക്കല് കോളജിന് എയ്ഡഡ് പദവി; ശമ്പളം ഇനി സര്ക്കാര് ഖജനാവില്നിന്ന്, കാന്തപുരത്തെ കൂടെനിർത്താനുള്ള രാഷ്ട്രീയനീക്കമെന്നു വിമര്ശനം
തിരുവനന്തപുരം: നിയമസഭാ തെരഞ്ഞെടുപ്പ് പടിവാതിലിലെത്തി നില്ക്കെ കോഴിക്കോട് മര്ക്കസ് നോളജ് സിറ്റിയിലെ മര്ക്കസ് യുനാനി മെഡിക്കല് കോളജിന് എയ്ഡഡ് പദവി നല്കാന് സംസ്ഥാന മന്ത്രിസഭ തീരുമാനിച്ചു.
ഇതോടെ, കാന്തപുരം എ.പി. അബൂബക്കര് മുസല്യാരുടെ നേതൃത്വത്തിലുള്ള സുന്നി വിഭാഗത്തെ ഒപ്പം നിര്ത്താനുള്ള രാഷ്ട്രീയ നീക്കമാണിതെന്ന വിമര്ശനം ശക്തമായി. 2010ല് ആരംഭിച്ച മര്ക്കസ് യുനാനി മെഡിക്കല് കോളജിന് എയ്ഡഡ് പദവി നല്കുന്നതോടെ ഇവിടത്തെ അധ്യാപകരുടെയും ജീവനക്കാരുടെയും ശമ്പളമടക്കമുള്ള ചെലവുകള് സര്ക്കാര് ഖജനാവില്നിന്നു വഹിക്കേണ്ടിവരും.
വന് തുക ഫീസ് ഈടാക്കി പ്രവേശനം നടത്തുന്ന ഈ കോളജിന് എയ്ഡഡ് പദവി നല്കുന്നതു സംസ്ഥാനത്തിനു വലിയ സാമ്പത്തിക ബാധ്യത വരുമെന്നാണ് ഉയര്ന്നിട്ടുള്ള വിമര്ശനം. തെരഞ്ഞെടുപ്പ് മുന്നില് കണ്ടു രാഷ്ട്രീയ ലക്ഷ്യങ്ങളോടെയാണ് സര്ക്കാരിന്റെ ഈ തീരുമാനമെന്ന ആരോപണം പ്രതിപക്ഷം ഉന്നയിച്ചു കഴിഞ്ഞു.
കേരള സര്ക്കാര് നല്കിയ എന്.ഒ.സിയുടെ അടിസ്ഥാനത്തില് കോഴിക്കോട് പുതുപ്പാടിയില് പ്രവര്ത്തിക്കുന്ന ഈ സ്വാശ്രയ മെഡിക്കല് കോളജിനു കേരള യൂണിവേഴ്സിറ്റി ഓഫ് ഹെല്ത്ത് സയന്സസിന്റെ അഫിലിയേഷനും കേന്ദ്ര ആയുഷ് മന്ത്രാലയത്തിന്റെയും നാഷണല് കമ്മിഷന് ഫോര് ഇന്ത്യന് സിസ്റ്റം ഓഫ് മെഡിസിനിന്റെയും അംഗീകാരവുമുണ്ട്.
സുനില് ജെ. സണ്ണി
YOU MAY BE INTERESTED
LATEST NEWS
- 'കുലംകുത്തികളെ കാലം വര്ഗ്ഗവഞ്ചകരെന്ന് വിളിക്കും'; ജി.സുധാകരന്റെ വീടിന് മുന്നില് ബാനര്, സുരക്ഷ കൂട്ടി
- സ്ഥാനാര്ഥിയെ നിര്ത്തില്ല; ജി. സുധാകരന് പിന്തുണ നല്കാന് യു.ഡി.എഫ്.
- വിറപ്പിച്ച് ജി. സുധാകരന്; വീഴാതിരിക്കാന് ചടുലനീക്കങ്ങളുമായി സി.പി.എം.; വ്യക്തിയുടെ 'ഈഗോ'യ്ക്കുമുന്നില് പാര്ട്ടി മുട്ടുമടക്കില്ലെന്ന് അണികളെ ബോധ്യപ്പെടുത്തും
- ‘ഭുവനേശ്വരന് ആക്രമിക്കപ്പെട്ടപ്പോഴും മരിച്ചപ്പോഴും പാര്ട്ടിയില്നിന്ന് ആരും സഹായിച്ചില്ല, തമിഴ്നാട്ടിലും ബംഗാളിലും കോണ്ഗ്രസുമായി സഖ്യമുണ്ടാക്കിയില്ലേ?’: ജി. സുധാകരന്
- വയനാട് തുരങ്കപാത നിര്മാണം; പ്രകൃതിസംരക്ഷണ സമിതിയുടെ അപ്പീലിനെതിരേ തടസഹര്ജി നല്കി സര്ക്കാര്; സുപ്രീം കോടതിയുടെ ഇടപെടല് നീട്ടിവയ്പ്പിക്കല് ലക്ഷ്യം
