ഒരുമയുടെ സൗജന്യ സാറ്റ് ഡയഗ്നോസ്റ്റിക് പരീക്ഷയും ശില്പശാലയും

ഹ്യൂസ്റ്റണിലെ സ്റ്റാഫോർഡിൽ ഐക്യത്തിന്റെയും സംസ്കാരത്തിന്റെയും പ്രത്യാശയുടെയും ഒരു ദീപസ്തംഭം ഒരുമ സ്റ്റാഫോർഡിന്റെ ഹൃദയഭാഗത്ത്, ഊർജ്ജസ്വലവും വൈവിധ്യപൂർണ്ണവുമായ ഹ്യൂസ്റ്റൺ സമൂഹത്തിനുള്ളിൽ, ഐക്യത്തിന്റെയും വിദ്യാഭ്യാസത്തിന്റെയും പങ്കിട്ട ലക്ഷ്യത്തിന്റെയും
പ്രതീകമായി ഒരുമ ഉയർന്നുവരുന്നു. നമ്മൾ ഒന്നാകുമ്പോൾ, നാമെല്ലാവരും മികച്ചവരാകും എന്ന ലളിതവും എന്നാൽ ആഴമേറിയതുമായ വിശ്വാസത്തിൽ സ്ഥാപിതമായ ഒരു സാംസ്കാരികവും വിദ്യാഭ്യാസപരവുമായ സംഘടനയാണ് ഒരുമ. മതപരമോ ജാതിപരമോ രാഷ്ട്രീയമോ ആയ ബന്ധങ്ങളിൽ നിന്ന് മുക്തമായി, ഓരോ വ്യക്തിയെയും വിലമതിക്കുകയും, ഓരോ സംസ്കാരത്തെയും ബഹുമാനിക്കുകയും, ഓരോ ശബ്ദത്തെയും വിലമതിക്കുകയും ചെയ്യുന്ന ഒരു നിഷ്പക്ഷവും സ്വാഗതാർഹവുമായ ഇടമായി ഒരുമ നിലകൊള്ളുന്നു. റിവർസ്‌റ്റോൺ യുണൈറ്റഡ് മലയാളി അസോസിയേഷൻ ഉന്നത വിദ്യാഭ്യാസ പരിശീലന രംഗത്തെ പ്രമുഖർ ആയ രാമാനാ സ്റ്റഡി ഗ്രൂപ്പും ചേർന്ന്സംഘടിപ്പിച്ച സൗജന്യ സാറ്റ് ഡയഗ്നോസ്റ്റിക് പരീക്ഷയും , ശില്പശാലയും ഇക്കഴിഞ്ഞ ഫെബ്രുവരി മാസം 28 ആം തിയതി ഉച്ച തിരിഞ്ഞു മിസ്സോറി സിറ്റിയിലുള്ള അപ്പന ബസാർ
ഓഡിറ്റോറിയത്തിൽ വെച്ച് നടത്തപ്പെട്ടു. ചടങ്ങിന് മുന്നോടിയായി ഒരുമ പ്രസിഡണ്ട് ഡോ: ജോസ് തൈപ്പറമ്പിൽ അദ്ധ്യക്ഷത വഹിച്ച യോഗത്തിൽ, സാറ്റ് പരീക്ഷ മാർഗ്ഗരേഖകൾ, ഉന്നത വിദ്യാഭ്യാസവും അമേരിക്കൻ തൊഴിൽ സാധ്യതകളും തുടങ്ങിയ വിഷയങ്ങളിൽ രാമാനാ ഗ്രൂപ്പ് ചെയർമാൻ ശ്രീ രാമാനാ അറ്റ്മകുരു പ്രഭാഷണം നടത്തി. വൈസ് പ്രസിഡണ്ട് ലൂണ വിക്ടർ എല്ലാവർക്കും ചടങ്ങിലേക്ക് സ്വാഗതം നേർന്നു .ജോയിന്റ് സെക്രട്ടറി ലിസ്സി, എക്സിക്യൂട്ടീവ് അംഗങ്ങളായ വിധു അജയ്, മാത്യു ചെറിയാൻ, ഡിസ്‌നി ജോൺ, ജോൺ ആന്റണി, മേരി ജേക്കബ് , സെബാസ്റ്റ്യൻ
തോമസ് , മാത്യു ചാണ്ടപ്പിള്ള, പ്രസിഡന്റ് കൗൺസിലിന് വേണ്ടി ജിൻസ് മാത്യു എന്നിവർ ആശംസകളും , സെക്രട്ടറി റോബി ജേക്കബ്
കൃതജ്ഞതയും രേഖപ്പെടുത്തി. അച്ചടക്കത്തോടും അതിലുപരി ഏകാഗ്രതയോടും കൂടി മുന്ന് മണിക്കൂർ നീണ്ടു നിന്ന സാറ്റ് മാതൃക
പരീക്ഷ വിദ്യാർത്ഥികൾ പൂർത്തിയാക്കി.

ശില്പശാലയോടനുബന്ധിച്ചു ശ്രീ രാമാനയുടെ നേതൃത്വത്തിൽ വിദ്യാർത്ഥി-രക്ഷാകർതൃ സദസുമായി നടത്തിയ ആശയ സംവാദം ചടങ്ങിനെ മികവുറ്റതാക്കി. ഒരു സംഘടനയെന്ന നിലയിൽ ഒരുമയുടെ സമാഹരിക്കപ്പെടുന്ന മൂലധനത്തിന്റെ ഒരു ഭാഗം ഇത്തരം വിദ്യാഭ്യാസ സംബന്ധമായ സേവനങ്ങൾക്ക് വിനിയോഗിക്കാൻ അഭിമാനപൂർവ്വമായ തീരുമാനങ്ങൾ എടുക്കുമെന്ന് ട്രെഷറർ അജി ജോസഫ്, ജോയിന്റ് ട്രെഷറർ ജോസഫ് തോമസ് ഹ്യുസ്റ്റൺ എന്നിവർ വ്യക്തമാക്കി. ഇതുപോലെയുള്ള മാതൃക പരീക്ഷകളും സംവാദങ്ങളും കലാലയ ജീവിതത്തിലേക്ക് നടന്നടുക്കുന്ന വിദ്യാർത്ഥികൾക്ക്ഒ രളവുകോലും മാർഗനിർദേശവും ആയി മാറും എന്ന് സമാപന പ്രസംഗത്തിൽ ഡോ: ജോസ് തൈപ്പറമ്പിൽ പ്രസ്താവിച്ചു. നോർത്ത്
കരോലിന യിലുള്ള നിരവധി സെന്റേഴ്സും കേറ്റിയിലും, ഫ്രിസ്കോയിലും ഉള്ള രാമാനാ ഗ്രൂപ്പിന്റെ സ്റ്റഡി സെന്റേഴ്സും കൂടാതെ ഷുഗർലാന്റ് കേന്ദ്രമായി ഒരു സ്ഥാപനം തന്റെ ഒരുസ്വപ്നമാണെന്നു ചെയർമാൻ രാമാനാ അറ്റ്മകുരു സമാപന പ്രസംഗത്തിൽ വ്യക്തമാക്കി എന്ന്ജോ സഫ് തോമസ് ഹ്യുസ്റ്റൺ അറിയിച്ചു. അടുത്ത തലമുറയെ വളർത്തിയെടുക്കുക എന്ന ദർശനത്താൽ നയിക്കപ്പെടുന്ന ഒരുമ, വിദ്യാഭ്യാസം, സാംസ്കാരിക അവബോധം, സമൂഹ ഇടപെടൽ എന്നിവയിലൂടെ യുവാക്കളെ ശാക്തീകരിക്കുന്നതിന് സമർപ്പിതമാണ് - വ്യക്തികളെ മാത്രമല്ല, സമൂഹത്തിന്റെ ഘടനയെയും ശക്തിപ്പെടുത്തുന്നു. ഒരുമയുടെ കാതൽ ഐക്യമാണ് ശക്തിയെന്ന് വിശ്വസിക്കുന്നു. പരസ്പര ബഹുമാനം, പങ്കിട്ട അറിവ്, കൂട്ടായ സന്തോഷം എന്നിവ വളർത്തിയെടുക്കുന്നതിലൂടെ, സമൂഹങ്ങൾ സന്തോഷത്തിലും ധാരണയിലും ഒരുമിച്ച് വളരുന്ന ഒരു ഭാവി സൃഷ്ടിക്കാൻ സംഘടന പരിശ്രമിക്കുന്നു. “ഒന്നായാൽ നന്നായി നന്നായാൽ ഒന്നായി” എന്ന ശാശ്വതമുദ്രാവാക്യത്തോടെ, കൂടുതൽ തിളക്കമാർന്നതും ഏകീകൃതവുമായ ഒരു
നാളെയെ രൂപപ്പെടുത്തുന്നതിൽ കൈകോർക്കാൻ ഒരുമ കുടുംബങ്ങളെയും യുവാക്കളെയും സമൂഹത്തിലെ അംഗങ്ങളെയും ക്ഷണിക്കുന്നു. ഒരുമിച്ച്,
നമ്മൾ വളരുന്നു. ഒരുമിച്ച്, നമ്മൾ വിജയിക്കുന്നു. ഒരുമിച്ച് നമ്മള്‍ ഒന്നാകുന്നു .

വാർത്ത അയച്ചത്: ശങ്കരൻകുട്ടി, ഹ്യൂസ്റ്റൻ