പശ്ചിമേഷ്യന് സംഘര്ഷം: കൂപ്പുകുത്തി രൂപ, ഡോളറിനെതിരെ 42 പൈസയുടെ നഷ്ടം
ന്യൂഡല്ഹി: അമേരിക്കയും ഇസ്രയേലും സംയുക്തമായി ഇറാനെതിരെ സൈനിക നീക്കം ആരംഭിച്ച പശ്ചാത്തലത്തില് ഡോളറിനെതിരെ കൂപ്പുകുത്തി രൂപ. ഡോളറിനെതിരെ 42 പൈസയുടെ നഷ്ടത്തോടെ 91.50 എന്ന നിലയിലാണ് രൂപ ക്ലോസ് ചെയ്തത്. പശ്ചിമേഷ്യന് സംഘര്ഷത്തിന്റെ പശ്ചാത്തലത്തില് ക്രൂഡ് ഓയില് വില കുതിച്ചുയര്ന്നതും അമേരിക്കന് കറന്സിയുടെ ആവശ്യകത വര്ധിച്ചതുമാണ് രൂപ കൂപ്പുകുത്താന് കാരണമെന്ന് വിപണി വിദഗ്ധര് അഭിപ്രായപ്പെട്ടു.
ഇന്ത്യന് ഓഹരി വിപണിയില് വിദേശ നിക്ഷേപകര് വില്പ്പനക്കാരായി മാറിയതും രൂപയെ സ്വാധീനിച്ചു. വെള്ളിയാഴ്ച ഡോളറിനെതിരെ 17 പൈസയുടെ ഇടിവാണ് രൂപയ്ക്ക് ഉണ്ടായത്. 91.08ലാണ് രൂപ ക്ലോസ് ചെയ്തത്. പശ്ചിമേഷ്യന് സംഘര്ഷത്തെ തുടര്ന്ന് ആഗോള വിപണിയില് നിലനില്ക്കുന്ന ആശങ്കയും രൂപയെ സ്വാധീനിക്കുന്നുണ്ട്.
അതിനിടെ ഓഹരി വിപണിയും നഷ്ടത്തില് ക്ലോസ് ചെയ്തു. സെന്സെക്സ് 1048 പോയിന്റ് നഷ്ടത്തോടെ 80,238ലാണ് വ്യാപാരം അവസാനിച്ചത്. നിഫ്റ്റി 312 പോയിന്റിന്റെ നഷ്ടമാണ് നേരിട്ടത്. 24,865 പോയിന്റിലാണ് നിഫ്റ്റി ക്ലോസ് ചെയ്തത്. എച്ച്ഡിഎഫ്സി ബാങ്ക്, റിലയന്സ്, ലാര്സന്, ഐസിഐസിഐ ബാങ്ക്, ഭാരതി എയര്ടെല് ഓഹരികളാണ് പ്രധാനമായി നഷ്ടം നേരിട്ടത്.
YOU MAY BE INTERESTED
LATEST NEWS
- തെറ്റ് ചെയ്തിട്ടില്ല, പാര്ട്ടിയില് നിന്നും പുറത്താക്കരുത് ; പാര്ട്ടിക്ക് വിശദീകരണ കത്ത് നല്കി എ. പത്മകുമാര്
- സംസ്ഥാനങ്ങള്ക്ക് അധിക മണ്ണെണ്ണ അനുവദിച്ചു ; പാചകവാതകപ്രതിസന്ധിയില് ബദല്മാര്ഗ്ഗവുമായി കേന്ദ്രം
- 'കുലംകുത്തികളെ കാലം വര്ഗ്ഗവഞ്ചകരെന്ന് വിളിക്കും'; ജി.സുധാകരന്റെ വീടിന് മുന്നില് ബാനര്, സുരക്ഷ കൂട്ടി
- സ്ഥാനാര്ഥിയെ നിര്ത്തില്ല; ജി. സുധാകരന് പിന്തുണ നല്കാന് യു.ഡി.എഫ്.
- വിറപ്പിച്ച് ജി. സുധാകരന്; വീഴാതിരിക്കാന് ചടുലനീക്കങ്ങളുമായി സി.പി.എം.; വ്യക്തിയുടെ 'ഈഗോ'യ്ക്കുമുന്നില് പാര്ട്ടി മുട്ടുമടക്കില്ലെന്ന് അണികളെ ബോധ്യപ്പെടുത്തും
