വി. ജോയി മത്സരരംഗത്ത്; എ.എ. റഹീമിന് സി.പി.എമ്മിന്റെ ജില്ലാ ചുമതല
തിരുവനന്തപുരം: സി.പി.എം തിരുവനന്തപുരം ജില്ലാ സെക്രട്ടറിയായി എ.എ. റഹീം എംപിയെ നിയോഗിച്ചു. നിലവിലെ ജില്ലാ സെക്രട്ടറി വി. ജോയിയെ വര്ക്കലയില്നിന്നു വീണ്ടും നിയമസഭാ തെരഞ്ഞെടുപ്പില് മത്സരിപ്പിക്കാന് തീരുമാനിച്ചതോടെയാണ് പാര്ട്ടി ജില്ലാനേതൃത്വത്തില് മാറ്റം വരുത്തിയത്. സംസ്ഥാന സെക്രട്ടറി എം.വി. ഗോവിന്ദന്റെ സാന്നിധ്യത്തില് ചേര്ന്ന ജില്ലാ സെക്രട്ടേറിയറ്റ് യോഗത്തിലാണു തീരുമാനം. ജില്ലാ സെക്രട്ടറിയുടെ താല്ക്കാലിക ചുമതല റഹീമിനു നല്കിയതായി മാര്ച്ച് ആറിന് നടക്കുന്ന ജില്ലാക്കമ്മിറ്റി യോഗം ഔദ്യോഗികമായി പ്രഖ്യാപിക്കും.
ജില്ലയിലെ നിയമസഭാംഗങ്ങളെ മുഴുവന് അതത് മണ്ഡലങ്ങളില്ത്തന്നെ വീണ്ടും മത്സരിപ്പിക്കാന് പാര്ട്ടി തീരുമാനിച്ചിരുന്നു. സംസ്ഥാന നേതൃത്വവും ഇത് അംഗീകരിച്ചു. എന്നാല് വി. ജോയിയുടെ കാര്യത്തില് മാത്രം അനിശ്ചിതത്വമുണ്ടായിരുന്നു. മണ്ഡലം നിലനിര്ത്താന് ജോയിതന്നെ സ്ഥാനാര്ത്ഥിയാകണമെന്നായിരുന്നു ജില്ലാക്കമ്മിറ്റിയുടെ നിലപാട്.
മൂന്നാം വട്ടവും സംസ്ഥാനഭരണം നിലനിര്ത്താന് തിരുവനന്തപുരം ജില്ലയിലെ മണ്ഡലങ്ങള് നിര്ണായകമാണെന്നാണ് സി.പി.എമ്മിന്റെ വിലയിരുത്തല്. വിജയസാധ്യത മുന്നിര്ത്തിയാണ് ജോയിക്കു വീണ്ടും അവസരം നല്കിയതെന്നു നേതൃത്വം വ്യക്തമാക്കുന്നു. മണ്ഡലത്തില് ജനപ്രിയനാണു ജോയി. അദ്ദേഹത്തിന്റെ വികസന പ്രവര്ത്തനങ്ങളും വോട്ടര്മാരുമായുള്ള വ്യക്തിബന്ധവും നിര്ണായക ഘടകങ്ങളായാണ് പാര്ട്ടി കാണുന്നത്.
വാമനപുരം നിയമസഭാംഗമായ ഡി.കെ. മുരളിയെ ജില്ലാ സെക്രട്ടറിയാക്കാമെന്ന ചര്ച്ചകളുണ്ടായിരുന്നെങ്കിലും, മണ്ഡലം ഉറപ്പിക്കാന് മുരളിതന്നെ മത്സരിക്കണമെന്ന അഭിപ്രായം പാര്ട്ടിയില് ശക്തമാകുകയായിരുന്നു. ഇതോടെയാണ് റഹീമിനെ ജില്ലാ സെക്രട്ടറിയാക്കാന് ധാരണയായത്. ചെറിയ രീതിയില് ഇപ്പോഴും വിഭാഗീയത അലട്ടുന്ന തിരുവനന്തപുരം ജില്ലയില് ഇരുവിഭാഗത്തിനും സ്വീകാര്യനാണു റഹീം. ഈ സാഹചര്യത്തിലാണ് പുതിയ നിയോഗം. മുഖ്യമന്ത്രി പിണറായി വിജയന്റെ പിന്തുണയും അദ്ദേഹത്തിനു ഗുണം ചെയ്തു. ഭാവിയില് ജില്ലാ സെക്രട്ടറിയുടെ പൂര്ണ ചുമതലയും റഹിമിനു നല്കിയേക്കും.
YOU MAY BE INTERESTED
LATEST NEWS
- സ്ഥാനാര്ഥിയെ നിര്ത്തില്ല; ജി. സുധാകരന് പിന്തുണ നല്കാന് യു.ഡി.എഫ്.
- ‘ഭുവനേശ്വരന് ആക്രമിക്കപ്പെട്ടപ്പോഴും മരിച്ചപ്പോഴും പാര്ട്ടിയില്നിന്ന് ആരും സഹായിച്ചില്ല, തമിഴ്നാട്ടിലും ബംഗാളിലും കോണ്ഗ്രസുമായി സഖ്യമുണ്ടാക്കിയില്ലേ?’: ജി. സുധാകരന്
- വയനാട് തുരങ്കപാത നിര്മാണം; പ്രകൃതിസംരക്ഷണ സമിതിയുടെ അപ്പീലിനെതിരേ തടസഹര്ജി നല്കി സര്ക്കാര്; സുപ്രീം കോടതിയുടെ ഇടപെടല് നീട്ടിവയ്പ്പിക്കല് ലക്ഷ്യം
- മുകുന്ദേട്ടാ ബി.ജെ.പി. വിളിക്കുന്നു ... സി.സി. മുകുന്ദനെ റാഞ്ചാന് ലക്ഷ്യമിട്ട് ബി.ജെ.പി,; ആശയക്കുഴപ്പത്തില് കോണ്ഗ്രസ്, പ്രാദേശിക തലത്തില് ശക്തമായ എതിര്പ്പ്
- ഇറാന്റെ പുതിയ പരമോന്നത നേതാവിന്റെ ആദ്യ സന്ദേശം പുറത്ത്; ഹോർമുസ് കടലിടുക്ക് അടച്ചിടുന്നത് തുടരും- മൊജ്തബ ഖമേനി
