ഓടുന്ന ബസില് ഡ്രൈവര് ഹൃദയാഘാതം മൂലം കുഴഞ്ഞുവീണ് മരിച്ചു; സ്റ്റിയറിങ് തിരിച്ച് ബസ് ഇടിപ്പിച്ച് നിര്ത്തി യാത്രക്കാരന്, പരുക്കുപറ്റാതെ യാത്രക്കാര്
മാവേലിക്കര: ഓടുന്ന ബസില് ഡ്രൈവര് ഹൃദയാഘാതം മൂലം കുഴഞ്ഞുവീണ് മരിച്ചു. ബസ് കടകളിലേക്ക് ഇടിച്ചുകയറി. കെ.എസ്.ആര്.ടി.സി. മാവേലിക്കര ഡിപ്പോയിലെ ഡ്രൈവര് ചെന്നിത്തല മുപ്പത്തഞ്ചില് സി. പ്രദീപാ(51)ണ് മരിച്ചത്.
ഹരിപ്പാട്-പത്തനിതിട്ട സംസ്ഥാനപാതയില് മാവേലിക്കര നടക്കാവില് ഇന്നലെ രാവിലെ 8.22-നായിരുന്നു അപകടം. ഡ്രൈവര് കുഴഞ്ഞുവീണതോടെ നിയന്ത്രണം നഷ്ടപ്പെട്ട ബസ് യാത്രക്കാരിലൊരാളാണ് സ്റ്റിയറിങ് തിരിച്ച് കടകളുടെ ഭാഗത്തേക്ക് ഇടിച്ചുകയറ്റി നിര്ത്തിയത്. പ്രദീപിനെ മാവേലിക്കര ജില്ലാ ആശുപത്രിയിലും തുടര്ന്ന് പരുമലയിലെ സ്വകാര്യാശുപത്രിയിലും പ്രവേശിപ്പിച്ചെങ്കിലും രക്ഷിക്കാനായില്ല.
പത്തനംതിട്ട-ആലപ്പുഴ ചെയിന് സര്വീസ് നടത്തുന്ന ബസില് ഇരുപതോളം യാത്രക്കാരുണ്ടായിരുന്നു. ആര്ക്കും പരുക്കില്ല. പ്രദീപിനു മുമ്പും ഹൃദയാഘാതമുണ്ടായിട്ടുണ്ടെന്ന് കെ.എസ്.ആര്.ടി.സി. അധികൃതര് അറിയിച്ചു.
ബസ് ഇടിച്ച് സ്ഥാപനങ്ങളുടെ ബോര്ഡുകളും മതിലും തകര്ന്നു. ചെന്നിത്തല പഞ്ചായത്ത് മുന് വൈസ് പ്രസിഡന്റ് ജയകുമാരിയാണ് പ്രദീപിന്റെ ഭാര്യ.മക്കള്: അക്ഷയ് പ്രദീപ്, ആര്ഷ പ്രദീപ്. മരുമകന്: സൂരജ്. സംസ്കാരം ഇന്ന് ഉച്ചകഴിഞ്ഞ് രണ്ടിന് വീട്ടുവളപ്പില്.
YOU MAY BE INTERESTED
LATEST NEWS
- 'കുലംകുത്തികളെ കാലം വര്ഗ്ഗവഞ്ചകരെന്ന് വിളിക്കും'; ജി.സുധാകരന്റെ വീടിന് മുന്നില് ബാനര്, സുരക്ഷ കൂട്ടി
- സ്ഥാനാര്ഥിയെ നിര്ത്തില്ല; ജി. സുധാകരന് പിന്തുണ നല്കാന് യു.ഡി.എഫ്.
- വിറപ്പിച്ച് ജി. സുധാകരന്; വീഴാതിരിക്കാന് ചടുലനീക്കങ്ങളുമായി സി.പി.എം.; വ്യക്തിയുടെ 'ഈഗോ'യ്ക്കുമുന്നില് പാര്ട്ടി മുട്ടുമടക്കില്ലെന്ന് അണികളെ ബോധ്യപ്പെടുത്തും
- ‘ഭുവനേശ്വരന് ആക്രമിക്കപ്പെട്ടപ്പോഴും മരിച്ചപ്പോഴും പാര്ട്ടിയില്നിന്ന് ആരും സഹായിച്ചില്ല, തമിഴ്നാട്ടിലും ബംഗാളിലും കോണ്ഗ്രസുമായി സഖ്യമുണ്ടാക്കിയില്ലേ?’: ജി. സുധാകരന്
- വയനാട് തുരങ്കപാത നിര്മാണം; പ്രകൃതിസംരക്ഷണ സമിതിയുടെ അപ്പീലിനെതിരേ തടസഹര്ജി നല്കി സര്ക്കാര്; സുപ്രീം കോടതിയുടെ ഇടപെടല് നീട്ടിവയ്പ്പിക്കല് ലക്ഷ്യം
