ജമ്മു കശ്മീരിലെ കിഷ്ത്വാറിൽ ഏറ്റുമുട്ടൽ; രണ്ട് ഭീകരരെ വധിച്ച് സുരക്ഷാസേന

photo; representative image

ശ്രീനഗർ: ജമ്മു കശ്മീരിലെ കിഷ്ത്വാർ ജില്ലയിലുണ്ടായ ഏറ്റുമുട്ടലിൽ സുരക്ഷാസേന രണ്ട് ഭീകരരെ വധിച്ചതായി അധികൃതർ അറിയിച്ചു.സൈന്യം, പോലീസ്, സിആർപിഎഫ് എന്നിവർക്ക് ഭീകരരുടെ സാന്നിധ്യത്തെക്കുറിച്ച് വിവരം ലഭിച്ചതിനെത്തുടർന്നാണ് രാവിലെ 11 മണിയോടെ സംയുക്ത ഓപ്പറേഷൻ നടത്തിയത്.

'ഓപ്പറേഷൻ ത്രാഷി-I' എന്ന പേരിലായിരുന്നു ഓപ്പറേഷൻ. ഒരു മലയുടെ ചെരുവിൽ സ്ഥിതി ചെയ്യുന്ന മൺകട്ട കൊണ്ട് നിർമ്മിച്ച വീടിനുള്ളിൽ ഭീകരർ ഒളിവിൽ കഴിയുകയായിരുന്നു. സൈനികരെത്തിയതോടെ വെടിയുതിർക്കുകയായിരുന്നു. തുടർന്നാണ് ഏറ്റുമുട്ടലുണ്ടായത്.