വയര്ലെസ് സന്ദേശത്തിലൂടെ നാടകീയ സ്ഥലംമാറ്റം; എസ്ഐക്കും എഎസ്ഐക്കും അടിയന്തര ട്രാന്സ്ഫര്
തിരുവനന്തപുരം: തിരുവനന്തപുരത്ത് സ്റ്റേഷന് ചുമതലയുണ്ടായിരുന്ന സബ് ഇന്സ്പെക്ടറെയും എഎസ്ഐയെയും അടിയന്തരമായി സ്ഥലംമാറ്റി. വയര്ലെസിലൂടെയാണ് ജില്ലാ പൊലീസ് മേധാവി സ്ഥലംമാറ്റ നിര്ദേശം നല്കിയത്. പൂവാര് സ്റ്റേഷനിലെ എസ്ഐ ജോസ്, എഎസ്ഐ ബിനു എന്നിവരെയാണ് സ്ഥലംമാറ്റിയത്.
പൂവാര് സ്റ്റേഷനിലെ എസ്എച്ച്ഒ അവധിയില് ആയിരുന്നതിനാല് എസ്ഐ ജോസിനായിരുന്നു ചുമതല നല്കിയിരുന്നത്. രാവിലെ പൊലീസിന്റെ വയര്ലെസിലൂടെയുള്ള മീറ്റിങ്ങിനിടെയാണ് എസ് പി സ്ഥലംമാറ്റ നിര്ദേശം നല്കിയത്. കൈക്കൂലി ആരോപണത്തെത്തുടര്ന്നാണ് പൊലീസുകാരുടെ അടിയന്തര സ്ഥലംമാറ്റമെന്നാണ് വിവരം.
മണ്ണുമാഫിയയുമായി ബന്ധപ്പെട്ട് എസ്ഐ ജോസിനെതിരെ ആരോപണം ഉയര്ന്നിരുന്നു. ഇതുമായി ബന്ധപ്പെട്ട് ഇന്റലിജന്സ് റിപ്പോര്ട്ട് എസ്പിക്ക് ലഭിച്ചിരുന്നു. ഇതിന്റെ അടിസ്ഥാനത്തിലാണ് ട്രാന്സ്ഫര് എന്നാണ് വിവരം. പൂവാര് സ്റ്റേഷന് ചുമതല ഒഴിയാനും, കിളിമാനൂര് സ്റ്റേഷനില് റിപ്പോര്ട്ട് ചെയ്യാനുമാണ് എസ്പി നിര്ദേശം നല്കിയത്.
YOU MAY BE INTERESTED
LATEST NEWS
- പ്രതിയെ പിടിക്കാൻ ശ്രമിക്കുന്നതിനിടെ പരപ്പനങ്ങാടി സിഐയ്ക്ക് കുത്തേറ്റു; ഇടതുകൈക്ക് പരിക്ക്
- യുഡിഎഫ് നേതാക്കന്മാര് തമ്മില് പോര് ; സ്ഥാനാര്ത്ഥിനിര്ണ്ണയം കഴിയാതെ കൊച്ചി ; പോസ്റ്റര് അടിച്ച് ദീപ്തി മേരി വര്ഗ്ഗീസ്
- നിയമസഭാ തെരഞ്ഞെടുപ്പില് സീറ്റ് ചോദിച്ചിട്ടില്ല ; ജയസാധ്യതയുള്ളവര്ക്ക് അവസരം നല്കണമെന്ന് എം.കെ. രാഘവന്
- സ്ഥിരതയില്ല, ഒരിടത്ത് ഇരിക്കുമ്പോള് മറ്റൊരിടത്ത് പോയി മത്സരിക്കും ; വട്ടിയൂര്കാവില് മൂന്നാംസ്ഥാനം കെ. മുരളീധരന് തന്നെ
- ലീഗിന്റെ സ്ഥാനാര്ത്ഥിപട്ടികയില് അതൃപ്തി പരസ്യമാക്കി ; രണ്ടത്താണിയെ ഇടതുപക്ഷത്ത് എത്തിക്കാന് നീക്കം
