ഇത്തവണ പോലീസ് നീക്കം പഴുതടച്ച്; രാഹുലിനെ പൊക്കിയത് ഉപതെരഞ്ഞെടുപ്പ് സമയത്തെ നീല ട്രോളി ബാഗ് തപ്പിയ അതേ ഹോട്ടലില്നിന്ന്
പാലക്കാട്: ഉപതെരഞ്ഞെടുപ്പ് സമയത്തെ നീല ട്രോളി ബാഗ് വിവാദത്തിന്റെ കേന്ദ്രബിന്ദുവായിരുന്ന അതേ കെ.പി.എം. റീജന്സി ഹോട്ടലില്നിന്നുതന്നെ ഇത്തവണ രാഹുല് മാങ്കൂട്ടത്തിലിനെ പോലീസ് പൊക്കി! പാലക്കാട്ടെത്തിയ രാഹുല് ദിവസങ്ങളായി പോലീസ് നിരീക്ഷണത്തിലായിരുന്നു.
അഞ്ച് പോലീസുകാര് ചേര്ന്ന് രാഹുലിനെ ഹോട്ടലില്നിന്ന് കൊണ്ടുപോകുന്നതിന്റെ സി.സി. ടിവി ദൃശ്യങ്ങളും ഇന്നലെത്തന്നെ പുറത്തുവന്നു. രാഹുല് താമസിച്ചിരുന്ന 2002-ാം നമ്പര് മുറിയുടെ രണ്ട് താക്കോലുകളും പോലീസ് കസ്റ്റഡിയിലാണ്. 2024 നവംബര് അഞ്ചിന് അര്ദ്ധരാത്രിയാണ് ഇതേ ഹോട്ടലില് പോലീസ് പരിശോധനയ്ക്കെത്തിയത്. നീല ട്രോളി ബാഗില് രാഹുല് പണം കൊണ്ടുവന്നിട്ടുണ്ടെന്ന് ആരോപിച്ചായിരുന്നു നടപടി.
ഹോട്ടലില് താമസിച്ചിരുന്ന കോണ്ഗ്രസ് നേതാക്കളുടെ മുറികളിലും പരിശോധന നടന്നു. എന്നാല്, പണം കണ്ടെത്താന് കഴിഞ്ഞില്ല. വനിതാനേതാക്കളുടെ മുറിയില് രാത്രി നടത്തിയ പരിശോധന വിവാദമായതോടെ അന്ന് പോലീസ് പ്രതിരോധത്തിലായി.
എം.എല്.എയായശേഷം ഉയര്ന്ന ആദ്യരണ്ട് പരാതികളിലും രാഹുലിനെ തൊടാന് പോലീസിനു കഴിഞ്ഞില്ല. ഒളിവില് പോയതും കോടതി ഇടപെടലുമാണ് പോലീസിന്റെ കണക്കുകൂട്ടല് തെറ്റിച്ചത്. ഇത്തവണ പഴുതടച്ചായിരുന്നു പോലീസ് നീക്കം. ഡി.ജി.പിയും എ.ഡി.ജി.പി: എച്ച്. വെങ്കിടേഷും എ.ഐ.ജി: ജി. പൂങ്കുഴലിയും മാത്രം അറിഞ്ഞായിരുന്നു ആദ്യനീക്കങ്ങള്. മൂന്നാം ബലാത്സംഗപരാതിയില് എഫ്.ഐ.ആര്. രജിസ്റ്റര് ചെയ്തതിനു പിന്നാലെ രാഹുല് ഇന്റലിജന്സ് നിരീക്ഷണത്തിലായി.
എന്. രമേഷ്
YOU MAY BE INTERESTED
LATEST NEWS
- ഇന്ധനപ്രതിസന്ധിക്കിടയില് ആശ്വാസവാര്ത്ത : ഹോര്മുസ് കടന്ന് ഇന്ത്യന് കപ്പലുകളെത്തുന്നു
- രാജ്യസ്നേഹമില്ലാത്ത കോണ്ഗ്രസ്സുകാരെ ഇറാന് കപ്പല് മുങ്ങിയതിനെക്കുറിച്ച് മോദിയുടെ മേല് കയറണ്ട.. ഇന്ത്യ എല്ലാ സഹായവും ചെയ്തിരുന്നുവെന്ന് ഇറാന്
- കവടിയാര് കൊട്ടാരത്തില് വന് കവര്ച്ച: 2 കോടിയുടെ സ്വര്ണാഭരണങ്ങള് മോഷണം പോയി
- രണ്ടല്ല ഒന്നാണ്, ജനപ്രിയസിനിമകളുടെ സീനുകള് ചേര്ത്ത് പരിഹാസ പരസ്യം; യുഡിഎഫിനും എല്ഡിഎഫിനുമെതിരെ എന്ഡിഎ
- സ്ഥാനാര്ത്ഥിത്വത്തില് വിട്ടുവീഴ്ചയില്ല: അനുനയ നീക്കവുമായി രമേശ് ചെന്നിത്തല, നിലപാടില് ഉറച്ച് കെ. സുധാകരന്
