SIR: 2002 ലെ പട്ടികയുമായി ബന്ധപ്പെടുത്തുവാൻ സാധിക്കാതിരുന്ന വോട്ടർമാരുടെ ഹിയറിംഗ് ജനുവരി 5 മുതൽ

ജില്ലയിൽ 2025 ഡിസംബർ 23 ന് പ്രസിദ്ധീകരിച്ച എസ്ഐആർ കരടു പട്ടികയിൽ ഉൾപ്പെട്ട വോട്ടർമാരിൽ 2002 ലെ എസ്ഐആർ പട്ടികയുമായി ബന്ധപ്പെടുത്തുവാൻ സാധിക്കാതിരുന്ന (അൺമാപ്ഡ്) വോട്ടർമാരുടെ ഹിയറിംഗ് ജനുവരി അഞ്ചിന് ആരംഭിക്കുമെന്ന് ജില്ലാ കളക്ടർ അറിയിച്ചു.

അൺമാപ്ഡ് വോട്ടർമാർ ഹിയറിംഗുമായി സഹകരിക്കണമെന്നും എല്ലാ അംഗീകൃത രാഷ്ട്രീയ പാർട്ടികളുടെയും ബൂത്ത് ലെവൽ ഏജൻ്റമാർ ഈ പ്രവർത്തി വിജയകരമായി പൂർത്തിയാക്കുവാൻ സഹകരിക്കണമെന്നും ജില്ലാ കളക്ടർ അഭ്യർത്ഥിച്ചു.ബിഎൽഒമാർ അത്തരം വോട്ടർമാർക്ക് നോട്ടീസുകൾ വിതരണം ചെയ്യും. ഹിയറിംഗിന് ഹാജരാകുന്നവർ തിരഞ്ഞെടുപ്പ് കമ്മിഷൻ നിശ്ചയിച്ച രേഖകളിൽ ഏതെങ്കിലും ഒരെണ്ണം ഹാജരാക്കണം. നിശ്ചയിച്ച തീയതിയിൽ ഹിയറിംഗിന് ഹാജരാകുവാൻ കഴിയാത്തവർ അതു സംബന്ധിച്ച അപേക്ഷ ബന്ധപ്പെട്ട ഇലക്ടറൽ രജിസ്ട്രേഷൻ ഓഫീസർ/അസി. ഇലക്ട്രറൽ രജിസ്ട്രേഷൻ ഓഫീസർക്ക് നൽകിയാൽ മറ്റൊരു തീയതി ലഭിക്കും.