2025 എന്റെ ജീവിതത്തിലെ ഏറ്റവും കഠിനമായ ഒരു വര്ഷമായിരുന്നു, ദുര്ബലമായ ഏകാന്തതയിലേക്ക് ഞാന് എത്തി; ശാലിന് സോയ
2025 എന്ന വര്ഷം കടന്നു പോകുമ്പോള് പലരും ഏതൊക്കെ അവസ്ഥകളാണ് തരണം ചെയ്തു വന്നത് എന്നതിനെ കുറിച്ചാണ് സംസാരിക്കുന്നത്. വ്യക്തി ജീവിതത്തിലും പ്രൊഫഷണല് ജീവിതത്തിലും ഒരുപാട് വെല്ലുവിളികള് നിറഞ്ഞ വര്ഷമായിരുന്നു 2025 എന്നാണ് ഭൂരിപക്ഷം ആളുകള്ക്കും പറയാനുള്ളത്. പ്രശ്നങ്ങളെ അതിജീവിച്ചു മുന്നോട്ടു വന്നതുകൊണ്ടു തന്നെ കുറച്ചുകൂടെ കരുത്താര്ജ്ജിക്കാന് കഴിഞ്ഞു എന്ന് പറയുന്ന സെലിബ്രിറ്റികളുമുണ്ട്.
എല്ലാം കഴിഞ്ഞു വന്നിട്ടും ഞാന് ജീവനോടെ ഉണ്ടോ എന്ന അവസ്ഥയിലാണ് ശാലിന് സോയ . അത്രയേറെ മോശമായിരുന്നു 2025 എന്ന് നടി പറയുന്നു. ഇന്സ്റ്റഗ്രാം പോസ്റ്റിലാണ് തന്റെ ഒരു വര്ഷത്തെ കുറിച്ച് നടി സംസാരിക്കുന്നത്.
2025, എന്റെ ജീവിതത്തിലെ ഇതുവരെയുള്ളതില് ഏറ്റവും കഠിനമായ ഒരു വര്ഷം. ഈ വര്ഷം എനിക്ക് എന്താണ് സംഭവിച്ചതെന്ന് ഇപ്പോഴും എനിക്ക് ശരിക്കും മനസ്സിലാകുന്നില്ല. ഒരിക്കലും സംഭവിക്കുമെന്ന് ഞാന് കരുതുന്നില്ല. എന്റെ ഏറ്റവും ദുര്ബലമായ ഏകാന്തതയിലേക്ക് ഞാന് എത്തി. പക്ഷേ ഞാന് ഇപ്പോഴും ഇവിടെയുണ്ട്. അതെങ്ങനെയെന്ന് എനിക്കറിയില്ല. അല്ലെങ്കില് എന്തുകൊണ്ടാവും, പക്ഷേ ഞാന് ഇപ്പോഴും ഇവിടെയുണ്ട് എന്നതാണ് യാഥാര്ത്ഥ്യം. 2025 ന് വിട- എന്നാണ് ശാലിന്റെ പോസ്റ്റ്.
കൃത്യമായി എന്താണ് സംഭവിച്ചത് എന്ന് ശാലിന് പോസ്റ്റില് പറയുന്നില്ല. മലയാളത്തില് ഓട്ടോഗ്രാഫ് എന്ന സീരിയലിലൂടെ തുടക്കം കുറിച്ച ശാലിന്, പിന്നീട് സിനിമകളിലേക്ക് കടക്കുകയായിരുന്നു. മലയാളത്തില് അനിയത്തി വേഷങ്ങളിലൂടെയും മറ്റും സജീവമാവുമ്പോഴാണ് തമിഴില് നിന്നും അവസരം വന്നത്. 2023 ല് പുറത്തിറങ്ങിയ കണ്ണകി എന്ന ചിത്രത്തിലെ അഭിനയത്തിന് ഏറെ പ്രശംസയും അംഗീകാരവും നടിയെ തേടിയെത്തി. അതിന് പിന്നാലെയാണ് തമിഴകത്ത് സജീവമായത്.
2024 ല് പുറത്തിറങ്ങിയ നരേന്ദ്രന്സ് ഹണിമൂണ് ന്നെ വെബ് സീരീസിലാണ് നടി ഏറ്റവുമൊടുവില് അഭിനയിച്ചത്. 2025 ല് പുതിയ സിനിമകളോ വെബ് സീരീസുകളോ ഒന്നും ശാലിന് സോയയ്ക്ക് ഉണ്ടായിരുന്നില്ല. അതേ സമയം തമിഴ് മിനിസ്ക്രീനില് നടി സജീവമായിരുന്നു. സമയല് എക്സ്പ്രസ് സീസണ് 2 യിലൂടെ തമിഴ് പ്രേക്ഷകരുമായി കൂടുതല് അടുത്തുകൊണ്ടിരിക്കുകയാണ് ശാലിന് സോയ.
YOU MAY BE INTERESTED
LATEST NEWS
- മാനവരാശിയുടെ നിലനില്പിനു തന്നെ ഭീഷണിയാകുന്ന ചില വിശ്വാസപ്രമാണങ്ങൾ ...... പൊളിച്ചെഴുത്തിൻ്റെ കാഹളം മുഴക്കിയെത്തുന്ന ആക്ഷൻ ക്രൈം ത്രില്ലർ കിരാത മാർച്ച് 27-ന് തീയേറ്ററുകളിൽ
- ' തിയേറ്ററില് വര്ക്കായില്ല, പക്ഷേ ആ ചിത്രം വിരാട് കോഹ്ലിയ്ക്ക് ഇഷ്ടമാണെന്നും മാച്ചിന് മുമ്പ് കാണാറുണ്ടെന്നും പറഞ്ഞു' ; പ്രിയദര്ശന്
- ' പ്രമാണിമാരോടും ഉന്നതന്മാരോടും ഒരു നീതി, സാധാരണ മനുഷ്യരോട് മറ്റൊരു നീതി' ; മുഖ്യമന്ത്രിയോട് നടന് പ്രേം കുമാര്
- ' മരുന്ന് ഉപേക്ഷിച്ചാല് എനിക്ക് അപസ്മാരം വരും, ആരും കാണാതിരിക്കാന് ഞാന് ബാത്ത്റൂമില് പോയി കതക് അടച്ച് ഇരിക്കും' ; ഫാത്തിമ സന ഷെയ്ഖ്
- ' ആട് സിനിമയില് ഡ്യൂഡ് അല്ല ചെയ്യാന് ആഗ്രഹിച്ചത് മറ്റൊരു കഥാപാത്രം, പക്ഷെ മിഥുന് സമ്മതിച്ചില്ല' ; വിനായകന്
