വാളയാര് ആള്ക്കൂട്ട കൊലപാതകം: ഛത്തീസഗഡ് സ്വദേശിയെ വിചാരണ ചെയ്ത് മര്ദ്ദിക്കുന്ന ദൃശ്യങ്ങള് ശേഖരിച്ച് അന്വേഷണസംഘം, കൂടുതല് പേരെ പ്രതി ചേര്ക്കും
പാലക്കാട്: വാളയാര് ആള്ക്കൂട്ട കൊലപാതകത്തില് നിര്ണായക ദൃശ്യങ്ങള് അന്വേഷണസംഘം ശേഖരിച്ചു. ഛത്തീസഗഡ് സ്വദേശിയെ വിചാരണ ചെയ്ത് മര്ദ്ദിക്കുന്ന ദൃശ്യങ്ങളാണ് പ്രത്യേക അന്വേഷണ സംഘത്തിന് ലഭിച്ചത്. ദൃശ്യങ്ങള് പരിശോധിച്ച് കൂടുതല് പേരെ പ്രതി ചേര്ക്കും. ഈ കേസുമായി ബന്ധപ്പെട്ട് എട്ട് പേരെ പിടികൂടിയിരുന്നു. ഇനി ഏഴ് പേര് കൂടി പിടിയിലാവാനുണ്ട്. ഇവര് ഒളിവിലാണ്. ഇപ്പോള് ലഭിച്ച ദൃശ്യങ്ങളുടെ അടിസ്ഥാനത്തിലായിരിക്കും ഇവരെ കൂടി പ്രതി ചേര്ക്കുകയെന്ന് അന്വേഷണസംഘം അറിയിച്ചു.
അട്ടപ്പള്ളത്ത് ഛത്തീസ്ഗഡ് സ്വദേശി രാംനാരായണന് ഭാഗേലിനെ കൊലപ്പെടുത്തിയ സംഭവത്തില് മുന്ന് പ്രതികളെ കസ്റ്റഡിയില് വിട്ട് കിട്ടാന് പ്രത്യേക അന്വേഷണ സംഘം ജൂഡീഷ്യല് ഒന്നാം ക്ലാസ് കോടതിയില് അപേക്ഷ നല്കി. കേസില് കഴിഞ്ഞ ദിവസം അറസ്റ്റിലായ അട്ടപ്പള്ളം സ്വദേശികളായ ജഗദീഷ് കുമാര്, വിനോദ് കുമാര്, ഷാജി എന്നിവരെ കസ്റ്റഡിയില് കിട്ടാനാണ് അപേക്ഷ നല്കിയത്. ഇവരെ ഉടന് കസ്റ്റഡിയില് വാങ്ങി ചോദ്യം ചെയ്യുന്നതോടെ കൂടുതല് വിവരം ലഭിക്കും.
കഴിഞ്ഞയാഴ്ച ഒന്ന് മുതല് അഞ്ച് വരെ പ്രതികളെ കസ്റ്റഡിയിലെടുത്ത് ചോദ്യം ചെയ്തിരുന്നു. 17ന് വൈകീട്ടാണ് രാം നാരായണനെ അട്ടപ്പള്ളത്ത് മോഷണക്കുറ്റം ആരോപിച്ച് ആള്ക്കൂട്ടം ക്രൂരമായി മര്ദ്ദിച്ചത്. ജില്ലാ ആശുപത്രിയില് ചികിത്സയിലിരിക്കെ മരിച്ചു. കേസില് ഇതുവരെ ഏഴ് പേരെ അറസ്റ്റ് ചെയ്തിട്ടുണ്ട്. വരുംദിവസങ്ങളില് കൂടുതല് അറസ്റ്റുണ്ടാകുമെന്ന് ക്രൈംബ്രാഞ്ച് ഡിവൈ.എസ്.പി: എം. ഗോപകുമാര് പറഞ്ഞു.
YOU MAY BE INTERESTED
LATEST NEWS
- രണ്ടല്ല ഒന്നാണ്, ജനപ്രിയസിനിമകളുടെ സീനുകള് ചേര്ത്ത് പരിഹാസ പരസ്യം; യുഡിഎഫിനും എല്ഡിഎഫിനുമെതിരെ എന്ഡിഎ
- സ്ഥാനാര്ത്ഥിത്വത്തില് വിട്ടുവീഴ്ചയില്ല: അനുനയ നീക്കവുമായി രമേശ് ചെന്നിത്തല, നിലപാടില് ഉറച്ച് കെ. സുധാകരന്
- ഖാര്ഗ് ദ്വീപില് വീണ്ടും യുഎസ് ആക്രമണം: ഭൂരിഭാഗം എണ്ണ കേന്ദ്രങ്ങളും തകര്ത്തെന്ന് ഡൊണാള്ഡ് ട്രംപ്
- അലുവ അതുലിന്റെ കൊലപാതകം: മുഴുവന് പ്രതികളും പിടിയില്
- പാചകവാതകക്ഷാമം: 'വാര് റൂം' തുറന്ന് സംസ്ഥാനസര്ക്കാര്; വാണിജ്യ സിലിണ്ടറില് ഇളവ് പരിഗണിക്കാമെന്ന് കമ്പനികള്, സ്റ്റോക്ക് എല്ലാ ദിവസവും വിലയിരുത്തും
