കുടുംബാംഗങ്ങളെ 'വെട്ടി' മുങ്ങിയ പ്രതി 'കുത്തേറ്റ്' അവശനിലയില്; ഒളിച്ചിരുന്ന മലയില്നിന്ന് കടന്നല് കുത്തേറ്റു, പോലീസ് കസ്റ്റഡിയിലെടുത്ത് ആശുപത്രിയിലെത്തിച്ചു
കോഴഞ്ചേരി: കുടുംബാംഗങ്ങളെ വെട്ടിപ്പരുക്കേല്പ്പിച്ചു മുങ്ങിയ പ്രതി കടന്നല് കുത്തേറ്റ് അവശനിലയില്. സംഭവമറിഞ്ഞെത്തിയ പോലീസ് ഇയാളെ മെഡിക്കല് കോളജ് ആശുപത്രിയിലേക്കയച്ചു. ഭാര്യയെയും മകനെയും ഭാര്യാമാതാവിനെയും വെട്ടിപ്പരുക്കേല്പിച്ച ഭര്ത്താവ് ഇലവുംതിട്ട ചന്ദനക്കുന്ന് ലക്ഷം വീട് നഗറില് കുന്നംപള്ളില് മനോജാണ് കടന്നല് കുത്തേറ്റശേഷം പിടിയിലായത്.
വീട്ടുവഴക്കിനെത്തുടര്ന്നാണ് ഇയാള് കഴിഞ്ഞ 17നു രാത്രി ഒന്നോടെ ഭാര്യ രാജേശ്വരി(46)യെ വെട്ടിപ്പരുക്കേല്പിച്ചത്. തടസംപിടിക്കാന് ശ്രമിച്ചപ്പോഴാണു ഭാര്യാമാതാവ് പൊന്നമ്മ(96)യ്ക്കും മകന് അഭിഷേകിനും (18) വെട്ടേറ്റതെന്നു പോലീസ് പറഞ്ഞു. മൂവരെയും ഉടന് കോഴഞ്ചേരി ജില്ലാ ആശുപത്രിയിലെത്തിച്ചെങ്കിലും രാജേശ്വരിയുടെ നില ഗുരുതരമായിരുന്നതിനാല് കോട്ടയം മെഡിക്കല് കോളജ് ആശുപത്രിയിലേക്കു മാറ്റി. അഭിഷേക് ജില്ലാ ആശുപത്രിയില് ചികിത്സയിലാണ്. പൊന്നമ്മയുടെ പരുക്കു ഗുരുതരമല്ല.
സംഭവശേഷം മുങ്ങിയ മനോജ് നാമക്കുന്നു മലയിലായിരുന്നു ഒളിച്ചത്. ഇതിനിടെയാണു കടന്നല് കുത്തേറ്റത്. പിന്നീട് അവശനിലയില് സമീപത്തെ വീട്ടിലെത്തി രക്ഷിക്കണമെന്ന് ആവശ്യപ്പെട്ടു.
അവര് വിവരമറിയിച്ചതനുസരിച്ചു പോലീസെത്തി ഇയാളെ കസ്റ്റഡിയിലെടുത്ത് ജില്ലാ ആശുപത്രിയിലെത്തിച്ചു. നില മോശമായതിനെത്തുടര്ന്നാണു കോട്ടയം മെഡിക്കല് കോളജ് ആശുപത്രിയിലേക്കു മാറ്റിയത്. ഇലവുംതിട്ട പോലീസ് അന്വേഷണം ആരംഭിച്ചു.
YOU MAY BE INTERESTED
LATEST NEWS
- രണ്ടല്ല ഒന്നാണ്, ജനപ്രിയസിനിമകളുടെ സീനുകള് ചേര്ത്ത് പരിഹാസ പരസ്യം; യുഡിഎഫിനും എല്ഡിഎഫിനുമെതിരെ എന്ഡിഎ
- സ്ഥാനാര്ത്ഥിത്വത്തില് വിട്ടുവീഴ്ചയില്ല: അനുനയ നീക്കവുമായി രമേശ് ചെന്നിത്തല, നിലപാടില് ഉറച്ച് കെ. സുധാകരന്
- ഖാര്ഗ് ദ്വീപില് വീണ്ടും യുഎസ് ആക്രമണം: ഭൂരിഭാഗം എണ്ണ കേന്ദ്രങ്ങളും തകര്ത്തെന്ന് ഡൊണാള്ഡ് ട്രംപ്
- അലുവ അതുലിന്റെ കൊലപാതകം: മുഴുവന് പ്രതികളും പിടിയില്
- പാചകവാതകക്ഷാമം: 'വാര് റൂം' തുറന്ന് സംസ്ഥാനസര്ക്കാര്; വാണിജ്യ സിലിണ്ടറില് ഇളവ് പരിഗണിക്കാമെന്ന് കമ്പനികള്, സ്റ്റോക്ക് എല്ലാ ദിവസവും വിലയിരുത്തും
