വെബ്സൈറ്റ് ഹാക്ക് ചെയ്തു? സ്കൂള് ഉച്ചഭക്ഷണ പദ്ധതിക്ക് സോഫ്റ്റ്വേര് 'കല്ലുകടി', പരിഹരിച്ചില്ലെങ്കില് അന്നംമുട്ടും, പാചകത്തൊഴിലാളികളുടെ ശമ്പളം മുടങ്ങും
കൊച്ചി; സ്കൂള് ഉച്ചഭക്ഷണ പദ്ധതിയുടെ ദൈനംദിന നടത്തിപ്പിനെ ബാധിക്കുംവിധത്തില് മിഡ് ഡേ മീല് സ്കീം (എം.ഡി.എം.എസ്) സോഫ്റ്റ്വേര് തകരാറില്. വെബ്സൈറ്റ് ഹാക്ക് ചെയ്തിരിക്കാമെന്ന് അനുമാനം. കഴിഞ്ഞ അഞ്ചുമുതല് ഓണ്ലൈനായി വിവരങ്ങള് രേഖപ്പെടുത്താന് സാധിച്ചിട്ടില്ല.
സ്കൂള് ഉച്ചഭക്ഷണത്തിന്റെ ഹാജര്നിലയും, വിതരണം ചെയ്യുന്നതിന്റെ വിശദവിവരങ്ങളും ദൈനംദിനം രേഖപ്പെടുത്തുന്നത് എം.ഡി.എം.എസ്. സോഫ്റ്റ്വേര് മുഖേനയാണ്. മാവേലി സ്റ്റോറില്നിന്നും അരി ലഭിക്കുമ്പോള് സ്റ്റോക്ക് രേഖപ്പെടുത്തുന്നതും, ഓരോ മാസത്തെയും റിപ്പോര്ട്ടുകളായ എന്.എം.പി.1, കെ 2 എന്നിവ ജനറേറ്റ് ചെയ്യുന്നതും ഈ സോഫ്റ്റ്വേര് മുഖേനയാണ്. എന്.എം.പി. 1, കെ 2 എന്നിവ ജനറേറ്റ് ചെയ്യാന് സാധിച്ചില്ലെങ്കില് പാചകത്തൊഴിലാളികളുടെ ശമ്പളം മുടങ്ങും.
ഈ മാസത്തെ എക്സ്പെന്ഡീച്ചര് സ്റ്റേറ്റ്മെന്റ് തയാറാക്കാന് സാധിക്കില്ല. പദ്ധതിച്ചെലവിനുള്ള തുക ലഭിക്കുന്നത് മുടങ്ങും. അരിയുടെ സ്റ്റോക്ക് എന്ട്രി നടത്താന് സാധിക്കാത്തത് പ്രശ്നം കൂടുതല് വഷളാക്കിയതായി പ്രധാനാധ്യാപകര് പറയുന്നു. 31ന് മുമ്പ് പരിഹരിച്ചില്ലെങ്കില് പ്രശ്നം അതീവ ഗുരുതരമാകും. പരിഹരിക്കാന് ശ്രമിച്ചുവരുന്നതായാണ് അധികൃതര് പറയുന്നത്. നിലവില് വിവരങ്ങള് രജിസ്റ്ററുകളില് രേഖപ്പെടുത്തി വയ്ക്കാനാണ് നിര്ദേശം.
ബൈജു ഭാസി
YOU MAY BE INTERESTED
LATEST NEWS
- ഖാര്ഗ് ദ്വീപില് വീണ്ടും യുഎസ് ആക്രമണം: ഭൂരിഭാഗം എണ്ണ കേന്ദ്രങ്ങളും തകര്ത്തെന്ന് ഡൊണാള്ഡ് ട്രംപ്
- അലുവ അതുലിന്റെ കൊലപാതകം: മുഴുവന് പ്രതികളും പിടിയില്
- പാചകവാതകക്ഷാമം: 'വാര് റൂം' തുറന്ന് സംസ്ഥാനസര്ക്കാര്; വാണിജ്യ സിലിണ്ടറില് ഇളവ് പരിഗണിക്കാമെന്ന് കമ്പനികള്, സ്റ്റോക്ക് എല്ലാ ദിവസവും വിലയിരുത്തും
- സുധാകരന്മാര് ഇടംവലം തലവേദന; സ്വയം സ്ഥാനാര്ഥിത്വം പ്രഖ്യാപിച്ച് ജി. സുധാകരന്, ഹൈക്കമാന്ഡിനെ വെല്ലുവിളിച്ച്, മത്സരിക്കുമെന്നു കെ. സുധാകരന്
- കൊച്ചി വാട്ടര് മെട്രോ ആലപ്പുഴയിലേക്കും കൊല്ലത്തേക്കും; 11 സംസ്ഥാനങ്ങളിലും വാട്ടര് മെട്രോയ്ക്ക് സാധ്യതാപഠനം, ആലപ്പുഴയില് 8 പ്രധാന പാതകള് പഠനവിധേയമാക്കി
