രാഹുലിന്റെ വോട്ടര് അധികാര് യാത്ര ഇന്ന് പട്നയില് സമാപിക്കും ; പ്രതിപക്ഷത്തെ നേതാക്കളില് വലിയ ആവേശം
പട്ന: പ്രതിപക്ഷ നേതാവ് രാഹുല് ഗാന്ധി നയിക്കുന്ന വോട്ടര് അധികാര് യാത്ര ഇന്ന് പട്നയില് സമാപിക്കും. പത്ത് ലക്ഷത്തിലധികം ആളുകള് പങ്കെടുക്കുമെന്നാണ് വിവരം. ഇന്ഡ്യ സഖ്യകക്ഷികളിലെ പ്രധാന നേതാക്കള് പരിപാടിയില് പങ്കെടുക്കും.
രാവിലെ 11ന് പട്നയിലെ ഗാന്ധി മൈതാനിയില് നിന്നും അംബേദ്കര് പാര്ക്കിലേക്ക് രാഹുല് ഗാന്ധിയുടെ നേതൃത്വത്തില് പദയാത്ര ആരംഭിക്കും. സിപിഐഎം ജനറല് സെക്രട്ടറി എം എ ബേബി, സിപിഐ ജനറല് സെക്രട്ടറി ഡി രാജ, ഝാര്ഖണ്ഡ് മുഖ്യമന്ത്രി ഹേമന്ത് സോറന്, ആര്ജെഡി നേതാവ് തേജസ്വി യാദവ് തുടങ്ങിയവര് യാത്രയുടെ ഭാഗമായിരുന്നു.
രാവിലെ 11ന് പട്നയിലെ ഗാന്ധി മൈതാനിയില് നിന്നും അംബേദ്കര് പാര്ക്കിലേക്ക് രാഹുല് ഗാന്ധിയുടെ നേതൃത്വത്തില് പദയാത്ര ആരംഭിക്കും. വോട്ട് കൊള്ളക്കെതിരെയാണ് രാഹുലിന്റെ നേതൃത്വത്തില് വോട്ടര് അധികാര് യാത്ര സംഘടിപ്പിച്ചത്.
ഓഗസ്റ്റ് 17ന് ബിഹാറിലെ സസാറാമില് നിന്നും ആരംഭിച്ച യാത്ര, ബിഹാറിലെ 20 ജില്ലകളിലൂടെ കടന്നുപോയി 1300 ലധികം കിലോമീറ്റര് സഞ്ചരിച്ചാണ് പട്നയില് എത്തുന്നത്. ആര്ജെഡി നേതാക്കളായ ലാലു പ്രസാദ് യാദവ്, തേജ്വസി യാദവ് എന്നിവരും വേദിയിലെ സാന്നിധ്യമായി.
ലാലു പ്രസാദിനെ ആശ്ലേഷിച്ചാണ് നേതാക്കള് സ്വീകരിച്ചത്. യാത്രയില് പ്രിയങ്കാ ഗാന്ധി എംപി, തമിഴ്നാട് മുഖ്യമന്ത്രി എംകെ സ്റ്റാലിന്, ആര്ജെഡി നേതാവ് തേജസ്വി യാദവ് തുടങ്ങിയ നേതാക്കള് രാഹുലിനെ അനുഗമിച്ചിരുന്നു.
YOU MAY BE INTERESTED
LATEST NEWS
- സിപിഐ സ്ഥാനാര്ത്ഥി പട്ടിക: സതീശനെതിരേ പറവൂരില് ടൈസണ് മാസ്റ്റര്, ചേര്ത്തലയില് പി പ്രസാദ്, നെടുമങ്ങാട് ജി ആര് അനില്
- കേരളം തിരഞ്ഞെടുപ്പിലേക്ക്:ഏപ്രിൽ 9-ന് വോട്ടെടുപ്പ്, വോട്ടെണ്ണൽ മെയ് നാലിന്
- ചൂട് കൂടുന്നു; സംസ്ഥാനത്ത് 9 ജില്ലകളിൽ യെല്ലോ അലേർട്ട്
- ഗള്ഫിലെ CBSE പ്ലസ്ടു പരീക്ഷകള് റദ്ദാക്കി; പരീക്ഷാഫലം സംബന്ധിച്ച തീരുമാനം പിന്നീട്
- കടുത്തുരുത്തി നിയോജക മണ്ഡലത്തിലെ വികസന മുരടിപ്പിനെതിരേ ഷോണ് ജോര്ജ്
