അയ്യങ്കാളി ജയന്തി അവിട്ടാഘോഷ പരിപാടിയില് നിന്നും രാഹുലിനെ ഒഴിവാക്കി; പുതിയ പോസ്റ്റർ പുറത്തിറക്കി കെപിഎംഎസ്
പത്തനംതിട്ട: അയ്യങ്കാളി ജയന്തി അവിട്ടാഘോഷ പരിപാടി ഉദ്ഘാടന ചുമതലയില് നിന്നും രാഹുല് മാങ്കൂട്ടത്തില് എംഎല്എയെ മാറ്റി. ഡെപ്യൂട്ടി സ്പീക്കര് ചിറ്റയം ഗോപകുമാറിനാണ് പകരം ചുമതല. സെപ്തംബര് ആറിന് നടത്താനിരിക്കുന്ന പരിപാടിയില് നിന്നാണ് രാഹുല് മാങ്കൂട്ടത്തിലിനെ ഒഴിവാക്കിയത്.
ചിറ്റയം ഗോപകുമാറിനെ ഉദ്ഘാടകനാക്കി പുതിയ പോസ്റ്റര് പുറത്തിറക്കി. കെപിഎംഎസ് കുളനട യൂണിയനാണ് സംഘാടകര്. കുളനടയിലാണ് പരിപാടി സംഘടിപ്പിക്കുന്നത്. വിവാദങ്ങളുടെ പശ്ചാത്തലത്തിലാണ് ഒഴിവാക്കല് എന്നാണ് വിവരം. രാഹുൽ മാങ്കൂട്ടത്തിലിനെതിരെയുളള പെൺ വേട്ട വിവാദങ്ങളുടെ പശ്ചാത്തലത്തിലാണ് ഒഴിവാക്കല് എന്നാണ് വിവരം.
ലൈംഗികാരോപണങ്ങള്ക്ക് പിന്നാലെ യൂത്ത് കോണ്ഗ്രസ് അധ്യക്ഷസ്ഥാനം രാജിവെച്ച രാഹുലിനെ പാലക്കാട് നഗരസഭയും പൊതുപരിപാടികളില് നിന്നും വിലക്കിയിരുന്നു. പാലക്കാട്ടെ ബസ് സ്റ്റാന്ഡ് ഉദ്ഘാടന പരിപാടിയില് പങ്കെടുക്കരുതെന്ന് ആവശ്യപ്പെട്ട് രാഹുലിന് കത്തയക്കുകയായിരുന്നു. പരിപാടിയിലെ മുഖ്യാതിഥി രാഹുല് ആയിരുന്നു.
LATEST NEWS
- രമേഷ് പിഷാരടി നാടിന് വേണ്ടി എന്തെങ്കിലും ചെയ്തിട്ടുണ്ടോ? ഉപ്പുസത്യാഗ്രഹത്തില് പങ്കെടുത്തിട്ടുണ്ടെന്ന് പരിഹാസം
- കേരളം പിടിക്കാന് ബിജെപി, ആറ് സീറ്റിലെങ്കിലൂം ജയം ഉറപ്പാക്കും ; പ്രധാനമന്ത്രിയും മുഖ്യമന്ത്രിമാരും പ്രചരണത്തിന്
- നിയമസഭാ തിരഞ്ഞെടുപ്പ്: പത്രികാ സമര്പ്പണത്തിന് ഒരു ദിനം മാത്രം
- സാമ്പത്തിക പ്രതിന്ധി രൂക്ഷം, പെന്ഷനും ശമ്പളത്തിനും പണമില്ല: 3,700 കോടി രൂപ കടമെടുക്കാന് സംസ്ഥാനം
- ഇടതുമുന്നണിയില് നേരിട്ടത് കടുത്ത അവഗണന: മുസ്ലിം ലീഗിലേക്ക് തിരിച്ചെത്തി കാരാട്ട് റസാഖ്
