' ഈ മിടുക്കിക്കുട്ടിയാണ് ഇന്നത്തെ ആരോഗ്യമന്ത്രി' ; പിറന്നാള്‍ ആശംസകളുമായി വി.ശിവന്‍കുട്ടി

കേരളത്തിന്റെ ആരോഗ്യമന്ത്രി വീണ ജോര്‍ജിന് പിറന്നാള്‍ ആശംസിച്ച് മന്ത്രി വി. ശിവന്‍കുട്ടി. ഫേസ്ബുക്കില്‍ പങ്കുവെച്ച പോസ്റ്റിലൂടെയായിരുന്നു മന്ത്രിയുടെ പിറന്നാള്‍ ആശംസ. വീണ ജോര്‍ജിന്റെ കുട്ടിക്കാലത്തെ ഒരു ചിത്രവും വി.ശിവന്‍കുട്ടി പങ്കുവെച്ചു.

' ഈ മിടുക്കിക്കുട്ടിയാണ് ഇന്നത്തെ ആരോഗ്യമന്ത്രി... ജന്മദിനാശംസകള്‍...' എന്നാണ് മന്ത്രി വി. ശിവന്‍കുട്ടി ഫേസ്ബുക്കില്‍ കുറിച്ചത്. മന്ത്രിയുടെ പിറന്നാള്‍ ആശംസയ്ക്ക് നന്ദി അറിയിച്ച് വീണ ജോര്‍ജും രംഗത്തെത്തി. ' പ്രിയപ്പെട്ട മിനിസ്റ്റര്‍, ഈ സ്‌നേഹത്തിനു ഹൃദയം നിറഞ്ഞ നന്ദി. സ്‌നേഹവും. ആശംസകള്‍ നേര്‍ന്ന എല്ലാ പ്രിയപ്പെട്ടവര്‍ക്കും നന്ദി'- വീണ ജോര്‍ജിന്റെ വാക്കുകള്‍.

1976 ആഗസ്റ്റ് 3ന് ആണ് വീണ ജോര്‍ജ് ജനിച്ചത്. മന്ത്രി പദവിയിലെത്തുന്നതിന് മുമ്പ് മാധ്യമപ്രവര്‍ത്തകയായിരുന്നു വീണ ജോര്‍ജ്.