ഉറിയില് ഷെല്ലാക്രമണം തുടര്ന്ന് പാക്കിസ്ഥാന്: 45 കാരി കൊല്ലപ്പെട്ടു, ഒരാള്ക്ക് പരുക്ക്
ജമ്മു-കാശ്മീര്: വടക്കന് കശ്മീരിലെ ബാരാമുള്ള ജില്ലയിലെ ഉറിയില് ഷെല്ലാക്രമണം തുടരുന്നു. ഇന്ന് പുലര്ച്ചെയായിരുന്നു ആക്രമണം തുടങ്ങിയത്. ആക്രമണത്തില് ഒരു സ്ത്രീ കൊല്ലപ്പെടുകയും മറ്റൊരാള്ക്ക് പരുക്കേല്ക്കുകയും ചെയ്തു.മൊഹുറയ്ക്ക് സമീപം റസേര്വാനിയില് നിന്ന് ബാരാമുള്ളയിലേക്ക് പോകുകയായിരുന്ന വാഹനം ഷെല്ലില് ഇടിച്ചായിരുന്നു മരണം. റസേര്വാനിയില് താമസിക്കുന്ന 45 കാരി നര്ഗീസ് ബീഗം ആണ് പാക് ഷെല്ലാക്രമണത്തില് മരിച്ചത്.
കുടുംബത്തോടൊപ്പം രക്ഷപ്പെടാനുള്ള ശ്രമത്തിനിടെയാണ് വാഹനത്തില് ഷെല് പതിക്കുന്നത്. സംഭവസ്ഥലത്ത് വെച്ചുതന്നെ നര്ഗീസ് മരണപ്പെടുകകയിരുന്നു. നര്ഗീസിന് പുറമെ ഹഫീസ എന്ന മറ്റൊരു സ്ത്രീക്കും ഷെല്ലാക്രമണത്തില് പരുക്കേറ്റിട്ടുണ്ട്. ഇവരെ ഉടന് തന്നെ ചികിത്സയ്ക്കായി ജിഎംസി ബാരാമുള്ളയിലേക്ക് മാറ്റി. ഉറിയില് അടക്കം യാതൊരു സുരക്ഷയുമില്ലാത്ത സാഹചര്യമാണുള്ളതെന്നാണ് റിപ്പോര്ട്ടുകള്. പ്രദേശത്ത് വളരെ മോശം അവസ്ഥയാണുള്ളതെന്നും നര്ഗീസിന്റെ ബന്ധുക്കള് ചൂണ്ടിക്കാട്ടി.
നിരവധി വാഹനങ്ങള്ക്കും വീടുകള്ക്കുമാണ് ഉറിയില് നടന്ന ഷെല്ലാക്രമണത്തില് കേടുപാട് സംഭവിച്ചിട്ടുള്ളത്. നിരവധിപേര്ക്ക് പരുക്കേല്ക്കുകയും ചെയ്തുവെന്നാണ് റിപ്പോര്ട്ട്. ജമ്മുവില് പുലര്ച്ചെ 4.15 വരെ പാകിസ്താന്റെ ഡ്രോണ് ആക്രമണശ്രമം ഉണ്ടായി. ഡ്രോണുകള് ഇന്ത്യന് പ്രതിരോധ സംവിധാനം തകര്ത്തു. കുപ്വാരയില് തുടര്ച്ചയായി വെടിവയ്പ് തുടരുകയാണ് പാക്കിസ്ഥാന്.
YOU MAY BE INTERESTED
LATEST NEWS
- ചെറ്റപ്പുരയും ചെറ്റക്കുടിലും പാവപ്പെട്ടവന്റെ വീടാണ്, മുഖ്യമന്ത്രി ചെറ്റ എന്ന് വിളിച്ചതില് അഭിമാനം തന്നെ': ജി സുധാകരന്
- റഷ്യൻ യുവതിക്ക് നേരെ ലൈംഗികാതിക്രമം; ഒളിവിലായിരുന്ന പ്രതി പിടിയിൽ
- എയർ ഇന്ത്യ വിമാനം വന്നില്ല: കരിപ്പൂർ വിമാനത്താവളത്തിൽ ഉംറ തീർത്ഥാടകർ ഉൾപ്പെടെയുള്ള യാത്രക്കാർ കുടുങ്ങി
- കേരളത്തിൽ ചൂട് കൂടും; 11 ജില്ലകളിൽ യെല്ലോ അലർട്ട്
- അമ്മയുടെ വർക്ക് ഫ്രം ഹോം അപേക്ഷ നിരസിച്ചതിന് പിന്നാലെ നവജാത ശിശു മരിച്ചു; 211 കോടി രൂപ നഷ്ടപരിഹാരം നൽകണമെന്ന് കോടതി
