ഷഹബാസ് കൊലപാതകക്കേസ്: പ്രതികള്ക്കെതിരായ ആരോപണങ്ങള് ഗൗരവകരമെന്ന് ഹൈക്കോടതി
കൊച്ചി: താമരശ്ശേരിയിലെ പത്താം ക്ലാസ് വിദ്യാര്ത്ഥി ഷഹബാസിന്റെ കൊലപാതക കേസില് പ്രതികളായ വിദ്യാര്ത്ഥികളുടെ ജാമ്യ ഹര്ജി പരിഗണിക്കുന്നത് ഈ മാസം 25 ലേക്ക് മാറ്റി. പ്രതികള്ക്കെതിരായ ആരോപണങ്ങള് ഗൗരവകരമെന്ന് കോടതി നിരീക്ഷിച്ചു. പ്രതികളുടെ ജാമ്യ ഹര്ജിയില് ഹൈക്കോടതി സര്ക്കാരിന്റെ വിശദീകരണം തേടി. അതേസമയം, ഷഹബാസിന്റെ പിതാവിന്റെ കക്ഷി ചേരല് അപേക്ഷ ഹൈക്കോടതി അനുവദിച്ചു.
കേസില് കുറ്റാരോപിതരായ ആറ് വിദ്യാര്ത്ഥികള് നിലവില് വെള്ളിമാടുകുന്ന് ഒബ്സര്വേഷന് ഹോമിലാണ്. ഇവരുടെ ജാമ്യാപേക്ഷ നെരത്തെ കോഴിക്കോട് പ്രിന്സിപ്പല് സെഷന്സ് കോടതി തള്ളിയിരുന്നു. എളേറ്റില് വട്ടോളി എം ജെ ഹയര്സെക്കന്ഡറി സ്കൂള് പത്താം ക്ലാസ് വിദ്യാര്ത്ഥിയായിരുന്നു മരിച്ച മുഹമ്മദ് ഷഹബാസ്. താമരശ്ശേരിയില് ഷഹബാസ് ഉള്പ്പെടുന്ന എംജെ ഹയര് സെക്കന്ഡറി സ്കൂളിലെ വിദ്യാര്ത്ഥികളും താമരശ്ശേരി കോരങ്ങാട് ഹയര് സെക്കന്ഡറി സ്കൂളിലെ വിദ്യാര്ത്ഥികളും തമ്മില് ട്യൂഷന് സെന്ററിലെ കലാപരിപാടിയെ ചൊല്ലി സംഘര്ഷം ഉണ്ടായ സംഘര്മാണ് കൊലപാതകത്തിലേക്ക് നയിച്ചത്. ഫെബ്രുവരി 28 നായിരുന്നു സംഭവം. സംഘര്ഷത്തെ തുടര്ന്ന് വിദ്യാര്ത്ഥികള് ഷഹബാസിനെ ക്രൂരമായി മര്ദിക്കുകയായിരുന്നു.
നഞ്ചക്ക് എന്ന ആയുധം കൊണ്ട് തലയ്ക്ക് അടിയേറ്റ ഷഹബാസ് വീട്ടിലെത്തി വൈകാതെ ബോധരഹിതനാവുകയായിരുന്നു. രക്ഷിതാക്കള് ആദ്യം താമരശ്ശേരിയിലെ ആശുപത്രിയിലും പിന്നീട് കോഴിക്കോട് മെഡിക്കല് കോളേജിലും പ്രവേശിപ്പിച്ചെങ്കിലും വെന്റിലേറ്റര് സഹായത്തോടെ ഒരു ദിവസം മാത്രമാണ് ഷഹബാസിന്റെ ജീവന് നിലനിര്ത്താനായത്. മാര്ച്ച് 1ന് കോഴിക്കോട് മെഡിക്കല് കോളജ് ആശുപത്രിയില് ചികിത്സയിലിരിക്കെ ഷഹബാസ് മരിച്ചു.
YOU MAY BE INTERESTED
LATEST NEWS
- ചെറ്റപ്പുരയും ചെറ്റക്കുടിലും പാവപ്പെട്ടവന്റെ വീടാണ്, മുഖ്യമന്ത്രി ചെറ്റ എന്ന് വിളിച്ചതില് അഭിമാനം തന്നെ': ജി സുധാകരന്
- റഷ്യൻ യുവതിക്ക് നേരെ ലൈംഗികാതിക്രമം; ഒളിവിലായിരുന്ന പ്രതി പിടിയിൽ
- എയർ ഇന്ത്യ വിമാനം വന്നില്ല: കരിപ്പൂർ വിമാനത്താവളത്തിൽ ഉംറ തീർത്ഥാടകർ ഉൾപ്പെടെയുള്ള യാത്രക്കാർ കുടുങ്ങി
- കേരളത്തിൽ ചൂട് കൂടും; 11 ജില്ലകളിൽ യെല്ലോ അലർട്ട്
- അമ്മയുടെ വർക്ക് ഫ്രം ഹോം അപേക്ഷ നിരസിച്ചതിന് പിന്നാലെ നവജാത ശിശു മരിച്ചു; 211 കോടി രൂപ നഷ്ടപരിഹാരം നൽകണമെന്ന് കോടതി
