എം.പിമാര് മത്സരിക്കുന്നത് ഹൈക്കമാന്ഡ് തീരുമാനിക്കും; താന് മത്സരിക്കില്ലെന്ന് കെ.സി.
തൃശൂര്: എം.പി.മാര് നിയമസഭാ തെരഞ്ഞെടുപ്പില് മത്സരിക്കുന്നതുമായി ബന്ധപ്പെട്ട അന്തിമ തീരുമാനം ഹൈക്കമാന്ഡിന്റേതായിരിക്കുമെന്നും മത്സരിക്കാന് താനില്ലെന്നും എ.ഐ.സി.സി. ജനറല് സെക്രട്ടറി കെ.സി. വേണുഗോപാല്. ഹൈക്കമാന്ഡ് തീരുമാനത്തിന് വിരുദ്ധ നിലപാട് കെ. സുധാകരനും സ്വീകരിക്കില്ല. എല്ലാ വശങ്ങളും പരിശോധിച്ചുള്ള തീരുമാനമാകും ഹൈക്കമാന്ഡ് കൈകൊള്ളുക. ജനാധിപത്യത്തില് പ്രധാനമായ തെരഞ്ഞെടുപ്പില് മത്സരിക്കുമെന്ന കെ. സുധാകരന്റെ നിലപാട് മഹാ അപരാധമായി കാണാനാവില്ല. സുധാകരനുമായി ഇക്കാര്യത്തില് നേരിട്ട് സംസാരിച്ചതാണ്. അദ്ദേഹത്തിന് യാതൊരുവിധത്തിലുള്ള പരിഭവവുമില്ല. അദേഹം പാര്ട്ടിക്കൊപ്പം
ഉറച്ചുനില്ക്കും. സംസ്ഥാനത്ത് ഗുണ്ടാരാജാണ് നടപ്പാകുന്നത്. ചവറയില് പോലീസ് സംരക്ഷണത്തിലാണ് ഗുണ്ടകള് ഒരാളെ കൊലപ്പെടുത്തിയത്. ഇത്തരം സാഹചര്യം ഞെട്ടിപ്പിക്കുന്നതാണ്. ശബരിമല ആചാര സംരക്ഷണ വിഷയത്തില് സര്ക്കാര് മലക്കംമറിഞ്ഞത് നല്ല കാര്യം. എന്നാല് ഇത് നേരത്തെയായിരുന്നെങ്കില് ഒരുപാട് പ്രയാസങ്ങള് ഒഴിവാക്കാമായിരുന്നെന്നും കെ.സി. പറഞ്ഞു.
LATEST NEWS
- സുധാകരന്മാര് ഇടംവലം തലവേദന; സ്വയം സ്ഥാനാര്ഥിത്വം പ്രഖ്യാപിച്ച് ജി. സുധാകരന്, ഹൈക്കമാന്ഡിനെ വെല്ലുവിളിച്ച്, മത്സരിക്കുമെന്നു കെ. സുധാകരന്
- കൊച്ചി വാട്ടര് മെട്രോ ആലപ്പുഴയിലേക്കും കൊല്ലത്തേക്കും; 11 സംസ്ഥാനങ്ങളിലും വാട്ടര് മെട്രോയ്ക്ക് സാധ്യതാപഠനം, ആലപ്പുഴയില് 8 പ്രധാന പാതകള് പഠനവിധേയമാക്കി
- ഇടതു ചേര്ന്ന് വലത്തു മാറി, വീണ്ടും ഇടതമര്ന്ന് വര്ക്കല
- തൃണമൂല് നേതാക്കള് ജി. സുധാകരനെ സന്ദര്ശിച്ചു
- കേന്ദ്രസര്ക്കാര് സത്യാവസ്ഥ വ്യക്തമാക്കണം: ജോസ് കെ. മാണി
