സുധാകരന്മാര് ഇടംവലം തലവേദന; സ്വയം സ്ഥാനാര്ഥിത്വം പ്രഖ്യാപിച്ച് ജി. സുധാകരന്, ഹൈക്കമാന്ഡിനെ വെല്ലുവിളിച്ച്, മത്സരിക്കുമെന്നു കെ. സുധാകരന്
കോട്ടയം: തെരഞ്ഞെടുപ്പ് പ്രഖ്യാപിക്കാന് മണിക്കൂറുകള് ബാക്കിനില്ക്കേ ഇടതിലും വലതിലും തലവേദന സൃഷ്ടിച്ച് സുധാകരന്മാര്. സ്വയം സ്ഥാനാര്ഥിത്വം പ്രഖ്യാപിച്ചാണ് സി.പി.എമ്മിന്റെ സമ്മുന്നത നേതാവായിരുന്ന ജി. സുധാകരന് സി.പി.എമ്മിനും ഇടതുമുന്നണിക്കും തലവേദന സൃഷ്ടിക്കുന്നതെങ്കില് ഹൈക്കമാന്ഡിനെ വെല്ലുവിളിച്ച് കണ്ണൂരില് മത്സരിക്കുമെന്നു പ്രഖ്യാപിച്ചാണ് കെ. സുധാകരന് കോണ്ഗ്രസിനും യു.ഡി.എഫിനും തലവേദന സൃഷ്ടിക്കുന്നത്.
അമ്പലപ്പഴയില് മത്സരിക്കുമെന്നാണ് ജി. സുധാകരന് പ്രഖ്യാപിച്ചത്. സ്വതന്ത്രനായി മത്സരിക്കുമെന്നാണ് പറയുന്നതെങ്കിലും അദേഹത്തിന് ആലപ്പഴയിലുള്ള ജനകീയത സി.പി.എമ്മിനെ അലോസരപ്പെടുത്തുന്നു. അമ്പലപ്പുഴയിലെ സുധാകരന്റെ സ്ഥാനാര്ഥിത്വം ആലപ്പുഴ ജില്ലയിലെ പല മണ്ഡലങ്ങളെയും സ്വാധീനിച്ചേക്കാമെന്ന ആശങ്കയാണ് സി.പി.എമ്മിന്. നിലവിലെ എം.എല്.എ എച്ച്. സലാമാണ് അമ്പലപ്പുഴയില് ഇത്തവണയും പാര്ട്ടി സ്ഥാനാര്ഥി. പാര്ട്ടിയുമായുള്ള 63 വര്ഷത്തെ ബന്ധം അവസാനിപ്പിച്ച് പോരിനിറങ്ങുന്ന ജി. സുധാകരനെ എങ്ങനെ തളയ്ക്കാമെന്നാണ് ഒടുവില് സി.പി.എം ചര്ച്ച.
മറുവശത്ത്, എം.പി സ്ഥാനമൊഴിഞ്ഞ് നിയമസഭയിലേക്കു മത്സരിക്കണമെന്നാണ് കെ. സുധാകരന്റെ ആവശ്യം. ഒരാള്ക്ക് അനുമതി നല്കിയാല് ഒമ്പത് എം.പിമാരും ഇതേ ആവശ്യമുന്നയിച്ച് രംഗത്തുണ്ടെന്നതാണ് കോണ്ഗ്രസ് നേതൃത്വം നേരിടുന്ന പ്രധാന വെല്ലുവിളി.
സുധാകരന്റെ നീക്കത്തില് ഞെട്ടലിലാണ് കോണ്ഗ്രസ്. ഹൈക്കമാന്ഡും കടുത്ത അതൃപ്തിയിലാണ്. സ്ഥാനാര്ഥിത്വം പ്രഖ്യാപിക്കും മുമ്പ് തന്നെ മത്സരിക്കുമെന്ന് സുധാകരന് പറഞ്ഞതില് സംസ്ഥാന നേതൃത്വത്തിനും അതൃപ്തിയുണ്ട്. എം.പിമാര് നിയമസഭയിലേക്ക് മത്സരിക്കുന്നത് തിരിച്ചടിയാകുമെന്ന ആശങ്കയാണ് ഹൈക്കമാന്ഡിന്. മത്സരവിലക്കിന്റെ കാരണവും മറ്റൊന്നല്ല.
ഷാലു മാത്യു
LATEST NEWS
- പാചകവാതകക്ഷാമം: 'വാര് റൂം' തുറന്ന് സംസ്ഥാനസര്ക്കാര്; വാണിജ്യ സിലിണ്ടറില് ഇളവ് പരിഗണിക്കാമെന്ന് കമ്പനികള്, സ്റ്റോക്ക് എല്ലാ ദിവസവും വിലയിരുത്തും
- 'പുറത്താക്കേണ്ടിവന്നേനേ'; ജി. സുധാകരന് പോയത് നന്നായെന്ന് സി.പി.എം., സഖാവല്ല, 'വെറും' സുധാകരനെന്ന് തിരുത്ത്! പ്രതിരോധിക്കാന് നേതാക്കള് ആലപ്പുഴയിലേക്ക്
- മുകുന്ദനില് തട്ടി കോണ്ഗ്രസ്; സ്വതന്ത്രനായി മത്സരിക്കട്ടെയെന്ന് ഒരുവിഭാഗം, തീരുമാനമെടുക്കാനാവാതെ സംസ്ഥാന നേതൃത്വം, പന്ത് ഹൈക്കമാന്ഡിന്റെ കോര്ട്ടില്
- നസ്രാണികള് ഒന്നിച്ചുനില്ക്കേണ്ടത് കാലഘട്ടത്തിന്റെ ആവശ്യം: കാതോലിക്കാ ബാവ
- കെ. സുധാകരന് വേണമെങ്കില് പറവൂര് വിട്ടുകൊടുക്കാം: വി.ഡി. സതീശന്
