യു.എന്.എ. അധ്യക്ഷന് ജാസ്മിന് ഷായുടെ സ്വത്തുക്കള് ഇ.ഡി. കണ്ടുകെട്ടി
കൊച്ചി: യുണൈറ്റഡ് നഴ്സസ് അസോസിയേഷന് (യു.എന്.എ.) ഫണ്ട് തട്ടിപ്പു കേസില് ജാസ്മിന് ഷായുടെയും കൂട്ടാളികളുടെയും സ്വത്തുക്കള് എന്ഫോഴ്സ്മെന്റ് ഡയറക്ടറേറ്റ് (ഇ.ഡി) കണ്ടുകെട്ടി. ഭാര്യ ഷബ്ന, യു.എന്.എയുടെ മറ്റു ഭാരവാഹികള് എന്നിവരുടെ 1.44 കോടി രൂപയുടെ സ്വത്താണ് ഇ.ഡി. കണ്ടുകെട്ടിയത്. മലപ്പുറം, പാലക്കാട്, തൃശൂര്, ഇടുക്കി ജില്ലകളിലുള്ള ഭൂമിയും ഫ്ളാറ്റുമാണ് കണ്ടുകെട്ടിയത്. 2017-2019 ല് യു.എന്.എ. ദേശീയ അധ്യക്ഷനായിരുന്ന ജാസ്മിന് ഷാ മറ്റു ഭാരവാഹികളുമായി ചേര്ന്നു നടത്തിയ തട്ടിപ്പിന്റെ പേരിലാണ് നടപടി. നഴ്സുമാരില്നിന്നു പിരിച്ചെടുത്ത മെമ്പര്ഷിപ്പ് ലെവിയും മറ്റു ഫണ്ടുകളും വ്യാപകമായി ദുരുപയോഗം ചെയ്തെന്നാണ് കണ്ടെത്തല്. ൈക്രംബ്രാഞ്ച് രജിസ്റ്റര് ചെയ്ത കേസിന്റെയും തൃശൂര് സി.ജെ.എം. കോടതിയില് സമര്പ്പിച്ച കുറ്റപത്രത്തിന്റെയും അടിസ്ഥാനത്തിലാണ് കള്ളപ്പണം വെളുപ്പിക്കല് നിരോധന നിയമപ്രകാരം എന്ഫോഴ്സ്മെന്റ് ഡയറക്ടറേറ്റ് കേസെടുത്തത്. അന്വേഷണം പുരോഗമിക്കുകയാണെന്നും വരുംദിവസങ്ങളില് കൂടുതല് നടപടികള് ഉണ്ടായേക്കുമെന്നും ഇ.ഡി. വ്യക്തമാക്കി.
LATEST NEWS
- സുധാകരന്മാര് ഇടംവലം തലവേദന; സ്വയം സ്ഥാനാര്ഥിത്വം പ്രഖ്യാപിച്ച് ജി. സുധാകരന്, ഹൈക്കമാന്ഡിനെ വെല്ലുവിളിച്ച്, മത്സരിക്കുമെന്നു കെ. സുധാകരന്
- കൊച്ചി വാട്ടര് മെട്രോ ആലപ്പുഴയിലേക്കും കൊല്ലത്തേക്കും; 11 സംസ്ഥാനങ്ങളിലും വാട്ടര് മെട്രോയ്ക്ക് സാധ്യതാപഠനം, ആലപ്പുഴയില് 8 പ്രധാന പാതകള് പഠനവിധേയമാക്കി
- ഇടതു ചേര്ന്ന് വലത്തു മാറി, വീണ്ടും ഇടതമര്ന്ന് വര്ക്കല
- തൃണമൂല് നേതാക്കള് ജി. സുധാകരനെ സന്ദര്ശിച്ചു
- കേന്ദ്രസര്ക്കാര് സത്യാവസ്ഥ വ്യക്തമാക്കണം: ജോസ് കെ. മാണി
