ജമാഅത്തെ, പി.ഡി.പി. ബന്ധം: ഇരുമുന്നണികളെയും കുടഞ്ഞ് മോദി
കൊച്ചി: അധികാരത്തിലെത്താന് കോണ്ഗ്രസ് ജമാഅത്തെ ഇസ്ലാമിയെപ്പോലുള്ള സംഘടനകളെ കൂട്ടുപിടിക്കുകയാണെന്നു പ്രധാനമന്ത്രി നരേന്ദ്രമോദി.
വിഘടനവാദ അജന്ഡകളുള്ള ഇത്തരം സംഘടനകളെ കോണ്ഗ്രസ് പിന്തുണയ്ക്കുന്നത് ഗൗരവതരമായ സാഹചര്യമാണ്. വിഘടനവാദരാഷ്ട്രീയം പ്രോത്സാഹിപ്പിക്കുന്നതിലൂടെ കേരളത്തിലെ ജനങ്ങളുടെ ഐക്യം തകര്ക്കാനാണ് ഇവര് ശ്രമിക്കുന്നതെന്നും മോദി വിമര്ശിച്ചു.
എന്.ഡി.എ. തെരഞ്ഞെടുപ്പ് കണ്വെന്ഷന് ഉദ്ഘാടനം ചെയ്ത് പ്രസംഗിക്കുകയായിരുന്നു അദ്ദേഹം. ഇടതുമുന്നണിയും ഇത്തരം നിലപാടുകളില് വ്യത്യസ്തരല്ല. പി.ഡി.പി. പോലെയുള്ള ഭീകരപ്രസ്ഥാനങ്ങളുമായി എല്.ഡി.എഫിനു മുമ്പേ ബന്ധമുണ്ട്.
യുവാക്കള്ക്കിടയില് തീവ്രവാദം പടര്ത്തുന്ന ഇത്തരം ശക്തികളെ സംരക്ഷിക്കുന്ന നിലപാടാണ് ഇടതുപക്ഷത്തിന്റേത്. മാറിമാറി ഭരിക്കുമെന്ന് ഉറപ്പുള്ളതിനാല്, കേരളത്തിന്റെ വികസനം തടയുന്നതിലും വ്യവസായങ്ങള് തകര്ക്കുന്നതിലും രണ്ട് മുന്നണികളും ഒറ്റക്കെട്ടാണ്. കേരളത്തിന്റെ നാശത്തിനായി പ്രവര്ത്തിക്കുന്ന രണ്ട് കൂട്ടരെയും ജനം തിരിച്ചറിയണമെന്നും മോദി ആവശ്യപ്പെട്ടു.
LATEST NEWS
- സുധാകരന്മാര് ഇടംവലം തലവേദന; സ്വയം സ്ഥാനാര്ഥിത്വം പ്രഖ്യാപിച്ച് ജി. സുധാകരന്, ഹൈക്കമാന്ഡിനെ വെല്ലുവിളിച്ച്, മത്സരിക്കുമെന്നു കെ. സുധാകരന്
- കൊച്ചി വാട്ടര് മെട്രോ ആലപ്പുഴയിലേക്കും കൊല്ലത്തേക്കും; 11 സംസ്ഥാനങ്ങളിലും വാട്ടര് മെട്രോയ്ക്ക് സാധ്യതാപഠനം, ആലപ്പുഴയില് 8 പ്രധാന പാതകള് പഠനവിധേയമാക്കി
- ഇടതു ചേര്ന്ന് വലത്തു മാറി, വീണ്ടും ഇടതമര്ന്ന് വര്ക്കല
- തൃണമൂല് നേതാക്കള് ജി. സുധാകരനെ സന്ദര്ശിച്ചു
- കേന്ദ്രസര്ക്കാര് സത്യാവസ്ഥ വ്യക്തമാക്കണം: ജോസ് കെ. മാണി
