സര്ക്കാര് ഡേറ്റ ചോര്ത്തിയില്ല; ഹര്ജി തള്ളി ഹൈക്കോടതി
കൊച്ചി: ശമ്പളവിതരണ സോഫ്റ്റ്വേറായ 'സ്പാര്ക്കി'ലെ വിവരങ്ങള് ചോര്ത്തി ജീവനക്കാര്ക്കു മുഖ്യമന്ത്രിയുടെ സന്ദേശമയച്ചെന്ന കേസില് സര്ക്കാരിന് ആശ്വാസം. ഡേറ്റ ചോര്ച്ചയില്ലെന്നും സന്ദേശമയച്ചത് രാഷ്ട്രീയപ്രചാരണത്തിന്റെ ഭാഗമല്ലെന്നും ഹൈക്കോടതി വ്യക്തമാക്കി.
സ്പാര്ക്കിലെ വിവരങ്ങള് ഉപയോഗിച്ച് സന്ദേശമയച്ചതില് സ്വകാര്യതാലംഘനമില്ല. സന്ദേശം നിയമവിരുദ്ധമല്ല, സദ്ഭരണത്തിന്റെ ഭാഗമാണെന്നും ജസ്റ്റിസ് ബെച്ചു കുര്യന് തോമസ് വ്യക്തമാക്കി. ജീവനക്കാര്ക്കു സന്ദേശമയയ്ക്കാന് സര്ക്കാര് ഡേറ്റ ചോര്ത്തിയിട്ടില്ല. ഐ.ടി. മിഷനാണ് സന്ദേശമയച്ചതെന്ന സര്ക്കാര് വാദം കോടതി അംഗീകരിച്ചു. ജീവനക്കാരുടെ സ്വകാര്യത ലംഘിച്ചെന്നാരോപിച്ച് സമര്പ്പിച്ച ഹര്ജി തള്ളി. ഡി.എ. കുടിശിക അനുവദിച്ച വിവരം സര്ക്കാര് ജീവനക്കാരെ അറിയിച്ചത് നിയമസഭാ തെരഞ്ഞെടുപ്പ് ലക്ഷ്യമിട്ടാണെന്നായിരുന്നു ഹര്ജിക്കാരുടെ വാദം. അയച്ചത് തെരഞ്ഞെടുപ്പ് സന്ദേശങ്ങളല്ല, ഭരണനിര്വഹണത്തിന്റെ ഭാഗമായ സന്ദേശങ്ങളാണെന്നു സര്ക്കാര് വാദിച്ചു. സര്ക്കാര് സേവനങ്ങള് ജനങ്ങളിലെത്തിക്കാന് ഐ.ടി. മിഷന് തയാറാക്കിയ വാട്സ്ആപ് പ്ലാറ്റ്ഫോമാണ് ഉപയോഗിച്ചത്. സന്ദേശമയച്ചതിനു പിന്നില് രാഷ്ട്രീയമോ തെരഞ്ഞെടുപ്പ് താത്പര്യങ്ങളോ ഇല്ല. ഏതെങ്കിലും രാഷ്ട്രീയകക്ഷിയെ പരാമര്ശിക്കുകയോ വോട്ട് അഭ്യര്ഥിക്കുകയോ ചെയ്തിട്ടില്ല.
തെരഞ്ഞെടുപ്പ് പെരുമാറ്റച്ചട്ടം നിലവിലില്ലെന്നും സര്ക്കാര് വ്യക്തമാക്കി. ജീവനക്കാര് സ്പാര്ക്കില് നല്കിയ വിവരങ്ങളില്നിന്നു നിയമവിരുദ്ധമായി ഫോണ് നമ്പര് ശേഖരിച്ച് സര്ക്കാരിന്റെ നേട്ടങ്ങളുടെ പ്രചാരണത്തിനായി ഉപയോഗിച്ചെന്നാരോപിച്ച് രണ്ട് ഉദ്യോഗസ്ഥരാണ് കോടതിയെ സമീപിച്ചത്.
LATEST NEWS
- സുധാകരന്മാര് ഇടംവലം തലവേദന; സ്വയം സ്ഥാനാര്ഥിത്വം പ്രഖ്യാപിച്ച് ജി. സുധാകരന്, ഹൈക്കമാന്ഡിനെ വെല്ലുവിളിച്ച്, മത്സരിക്കുമെന്നു കെ. സുധാകരന്
- കൊച്ചി വാട്ടര് മെട്രോ ആലപ്പുഴയിലേക്കും കൊല്ലത്തേക്കും; 11 സംസ്ഥാനങ്ങളിലും വാട്ടര് മെട്രോയ്ക്ക് സാധ്യതാപഠനം, ആലപ്പുഴയില് 8 പ്രധാന പാതകള് പഠനവിധേയമാക്കി
- ഇടതു ചേര്ന്ന് വലത്തു മാറി, വീണ്ടും ഇടതമര്ന്ന് വര്ക്കല
- തൃണമൂല് നേതാക്കള് ജി. സുധാകരനെ സന്ദര്ശിച്ചു
- കേന്ദ്രസര്ക്കാര് സത്യാവസ്ഥ വ്യക്തമാക്കണം: ജോസ് കെ. മാണി
