ഡോ. വന്ദനാ ദാസ് വധക്കേസ്: വിധി 17ന്
കൊല്ലം/മുട്ടുചിറ(കോട്ടയം): കേരള മനസാക്ഷിയെ നടുക്കിയ ഡോ. വന്ദനദാസ് വധക്കേസില് ഈ മാസം 17ന് കൊല്ലം അഡീഷണല് സെഷന്സ് കോടതി വിധി പറയും. കേസിന്റെ അന്തിമവാദം പൂര്ത്തിയായി.
മുട്ടുചിറ നമ്പിച്ചിറക്കാലായില് മോഹന്ദാസിന്റെയും വസന്തകുമാരിയുടെയും ഏക മകള് വന്ദനാ ദാസ് എം.ബി.ബി.എസ്. പഠനത്തിനു ശേഷം കൊട്ടാരക്കര താലൂക്ക് ആശുപത്രിയില് ഹൗസ് സര്ജന്സി ചെയ്യുന്നതിനിടെയാണ് 2023 മേയ് 10ന് പുലര്ച്ചെ അക്രമിയുടെ കുത്തേറ്റ് മരിച്ചത്. വൈദ്യ പരിശോധനയ്ക്കായി പോലീസ് എത്തിച്ച പ്രതി കുടവട്ടൂര് സ്വദേശിയും നെടുമ്പന യു.പി. സ്കൂള് അധ്യാപകനുമായിരുന്ന ജി. സന്ദീപ് സര്ജിക്കല് കത്രിക കൈക്കലാക്കി വന്ദനാ ദാസിനെ പലതവണ ശരീരത്തില് കുത്തി കൊലപ്പെടുത്തുകയായിരുന്നു.
ആശുപത്രിയില് ഉണ്ടായിരുന്ന പോലീസുകാരെയും ജീവനക്കാരെയും പ്രതി ആക്രമിച്ചു. ജോലിയില് നിന്ന് ഇയാളെ വിദ്യാഭ്യാസ വകുപ്പ് പുറത്താക്കിയിരുന്നു. സന്ദീപിന് മാനസിക പ്രശ്നം ഉണ്ടെന്നായിരുന്നു പ്രതിഭാഗത്തിന്റെ വാദം. സാക്ഷിമൊഴികള് അടക്കം ഹാജരാക്കി പ്രോസിക്യൂഷന് പ്രതിഭാഗത്തിന്റെ വാദങ്ങളെ എതിര്ത്തു. കേസില് 70-ലധികം സാക്ഷികളെയാണ് വിസ്തരിച്ചത്. 22 തൊണ്ടി മുതലുകളും 207 രേഖകളും ഹാജരാക്കി.
LATEST NEWS
- സുധാകരന്മാര് ഇടംവലം തലവേദന; സ്വയം സ്ഥാനാര്ഥിത്വം പ്രഖ്യാപിച്ച് ജി. സുധാകരന്, ഹൈക്കമാന്ഡിനെ വെല്ലുവിളിച്ച്, മത്സരിക്കുമെന്നു കെ. സുധാകരന്
- കൊച്ചി വാട്ടര് മെട്രോ ആലപ്പുഴയിലേക്കും കൊല്ലത്തേക്കും; 11 സംസ്ഥാനങ്ങളിലും വാട്ടര് മെട്രോയ്ക്ക് സാധ്യതാപഠനം, ആലപ്പുഴയില് 8 പ്രധാന പാതകള് പഠനവിധേയമാക്കി
- ഇടതു ചേര്ന്ന് വലത്തു മാറി, വീണ്ടും ഇടതമര്ന്ന് വര്ക്കല
- തൃണമൂല് നേതാക്കള് ജി. സുധാകരനെ സന്ദര്ശിച്ചു
- കേന്ദ്രസര്ക്കാര് സത്യാവസ്ഥ വ്യക്തമാക്കണം: ജോസ് കെ. മാണി
