പ്രോസിക്യൂട്ടറെ മാറ്റണമെന്ന് അതിജീവിത; വിചാരണ തടഞ്ഞ് ഹൈക്കോടതി
കൊച്ചി: ശാസ്താംകോട്ട കോളജില് പി.ജി. വിദ്യാര്ഥിനി ലൈംഗികപീഡനത്തിനിരയായ കേസില് വിചാരണ തടഞ്ഞ് ഹൈക്കോടതി. കൊട്ടാരക്കരയിലെ എസ്.സി, എസ്.ടി. പ്രത്യേകകോടതിയില് വിചാരണ ആരംഭിച്ചിരിക്കേ, പ്രോസിക്യൂട്ടറെ മാറ്റണമെന്നാവശ്യപ്പെട്ട് അതിജീവിത സമര്പ്പിച്ച ഹര്ജി പരിഗണിച്ചാണ് ജസ്റ്റിസ് കെ. ബാബുവിന്റെ ഉത്തരവ്.
പ്രതി ജയില് മോചിതനായശേഷം നേരിട്ടും ഗുണ്ടകളെ അയച്ചും അതിജീവിതയെ ഭീഷണിപ്പെടുത്തിയതുമായി ബന്ധപ്പെട്ട് പോലീസ് രണ്ടാമതും കേസെടുത്തിരുന്നു. പ്രോസിക്യൂട്ടര് പ്രതിഭാഗത്തിന് അനുകൂലമായി മൊഴി നല്കാന് സമ്മര്ദം ചെലുത്തിയെന്നും മറ്റൊരു പ്രോസിക്യൂട്ടറെ നിയോഗിക്കണമെന്നും ആവശ്യപ്പെട്ട് അതിജീവിത കൊല്ലം ജില്ലാ കലക്ടര്ക്ക് അപേക്ഷ നല്കി. കലക്ടര് ഇത് സര്ക്കാരിനു കൈമാറിയെങ്കിലും തീരുമാനം വൈകി. ഇതിനിടെ വിചാരണ ആരംഭിക്കുകയും ചെയ്തതോടെയാണ് അതിജീവിത അഭിഭാഷകരായ കുളത്തൂര് ജയ്സിങ്, സാജന് എസ്. ഹമീദ് എന്നിവര് മുഖേന ഹൈക്കോടതിയെ സമീപിച്ചത്. തുടര്ന്ന്, വിചാരണ രണ്ടുമാസത്തേക്ക് സ്റ്റേ ചെയ്യുകയായിരുന്നു.
രാജു പോള്
LATEST NEWS
- സുധാകരന്മാര് ഇടംവലം തലവേദന; സ്വയം സ്ഥാനാര്ഥിത്വം പ്രഖ്യാപിച്ച് ജി. സുധാകരന്, ഹൈക്കമാന്ഡിനെ വെല്ലുവിളിച്ച്, മത്സരിക്കുമെന്നു കെ. സുധാകരന്
- കൊച്ചി വാട്ടര് മെട്രോ ആലപ്പുഴയിലേക്കും കൊല്ലത്തേക്കും; 11 സംസ്ഥാനങ്ങളിലും വാട്ടര് മെട്രോയ്ക്ക് സാധ്യതാപഠനം, ആലപ്പുഴയില് 8 പ്രധാന പാതകള് പഠനവിധേയമാക്കി
- ഇടതു ചേര്ന്ന് വലത്തു മാറി, വീണ്ടും ഇടതമര്ന്ന് വര്ക്കല
- തൃണമൂല് നേതാക്കള് ജി. സുധാകരനെ സന്ദര്ശിച്ചു
- കേന്ദ്രസര്ക്കാര് സത്യാവസ്ഥ വ്യക്തമാക്കണം: ജോസ് കെ. മാണി
