നഗരസഭയ്ക്ക് 'ക്ലീന്'ചിറ്റ് നല്കി ആറ്റുകാല് ക്ഷേത്രം ട്രസ്റ്റ്
തിരുവനന്തപുരം: ആറ്റുകാല് പൊങ്കാലയുമായി ബന്ധപ്പെട്ട ശുചീകരണവിവാദത്തില്, നഗരസഭയ്ക്കു 'ക്ലീന് ചിറ്റ്' നല്കി ക്ഷേത്രം ട്രസ്റ്റിന്റെ വിശദീകരണം. ക്ഷേത്രപരിസരത്തു ശുചീകരണം നടത്തുന്നതു ട്രസ്റ്റ് നേരിട്ടാണെന്നും നഗരസഭയ്ക്കു വീഴ്ച
പറ്റിയിട്ടില്ലെന്നുമുള്ള വിശദീകരണം ബി.ജെ.പി. ഭരണസമിതിക്കെതിരേ രംഗത്തുവന്ന സി.പി.എമ്മിനെ വെട്ടിലാക്കി.
ഉത്സവം കഴിഞ്ഞ് രണ്ടുദിവസത്തിനകം പന്തലുകള് പൊളിച്ചുനീക്കുന്ന മുറയ്ക്ക്
ക്ഷേത്രവളപ്പിലെ മാലിന്യം ട്രസ്റ്റ് നീക്കം ചെയ്യുകയാണ് പതിവെന്നു വിശദീകരണത്തില് പറയുന്നു. ക്ഷേത്രവളപ്പിലെ കാര്യങ്ങളില് നഗരസഭയ്ക്ക് നേരിട്ട് ഉത്തരവാദിത്വമില്ലെന്നും
ട്രസ്റ്റ് വ്യക്തമാക്കി.
നഗരസഭയെ അപകീര്ത്തിപ്പെടുത്താന് സി.പി.എം. നടത്തിയ ശ്രമങ്ങള്ക്കുള്ള മറുപടിയാണ് ആറ്റുകാല് ക്ഷേത്രം ട്രസ്റ്റിന്റെ വിശദീകരണമെന്ന് മേയര് വി.വി. രാജേഷ് പറഞ്ഞു. കോര്പറേഷന് ജീവനക്കാര് രാപ്പകല് കഷ്ടപ്പെട്ട് നഗരം വൃത്തിയാക്കുമ്പോള്, ക്ഷേത്രവളപ്പിലെ സ്വാഭാവിക കാലതാമസത്തെ ഭരണസമിതിയുടെ വീഴ്ചയായി
ചിത്രീകരിക്കാനാണ് സി.പി.എം. ശ്രമിച്ചത്. ട്രസ്റ്റിന്റെ പ്രസ്താവനയോടെ കള്ളപ്രചാരണം പൊളിഞ്ഞെന്നും രാജേഷ് പറഞ്ഞു. ക്ഷേത്രപരിസരത്തെ മാലിന്യനീക്കം പാളിയെന്നു ഡി.വൈ.എഫ്.ഐ. ആരോപിച്ചതിനേത്തുടര്ന്ന് മന്ത്രി വി. ശിവന്കുട്ടി അന്വേഷണത്തിന് ഉത്തരവിട്ടിരുന്നു.
LATEST NEWS
- സുധാകരന്മാര് ഇടംവലം തലവേദന; സ്വയം സ്ഥാനാര്ഥിത്വം പ്രഖ്യാപിച്ച് ജി. സുധാകരന്, ഹൈക്കമാന്ഡിനെ വെല്ലുവിളിച്ച്, മത്സരിക്കുമെന്നു കെ. സുധാകരന്
- കൊച്ചി വാട്ടര് മെട്രോ ആലപ്പുഴയിലേക്കും കൊല്ലത്തേക്കും; 11 സംസ്ഥാനങ്ങളിലും വാട്ടര് മെട്രോയ്ക്ക് സാധ്യതാപഠനം, ആലപ്പുഴയില് 8 പ്രധാന പാതകള് പഠനവിധേയമാക്കി
- ഇടതു ചേര്ന്ന് വലത്തു മാറി, വീണ്ടും ഇടതമര്ന്ന് വര്ക്കല
- തൃണമൂല് നേതാക്കള് ജി. സുധാകരനെ സന്ദര്ശിച്ചു
- കേന്ദ്രസര്ക്കാര് സത്യാവസ്ഥ വ്യക്തമാക്കണം: ജോസ് കെ. മാണി
