ഗവര്ണറുടെ കടുത്ത നടപടി; സംസ്കൃത സര്വകലാശാല വൈസ് ചാന്സലറെ നീക്കി
തിരുവനന്തപുരം: കാലടി ശ്രീശങ്കരാചാര്യ സംസ്കൃത സര്വകലാശാല വൈസ് ചാന്സലര് ഡോ. കെ.കെ. ഗീതാകുമാരിയെ സര്വകലാശാല ചാന്സലര്കൂടിയായ ഗവര്ണര് രാജേന്ദ്ര ആര്ലേക്കര് നീക്കി. പകരം, കേരള സാങ്കേതിക സര്വകലാശാല വി.സി: ഡോ. സിസ തോമസിനു സംസ്കൃത സര്വകലാശാലയുടെ അധികച്ചുമതല നല്കി.
ബി.എഫ്.എ. വിദ്യാര്ഥികളെ പാസാക്കുന്നതുമായി ബന്ധപ്പെട്ട സിന്ഡിക്കേറ്റ് തീരുമാനം നടപ്പിലാക്കരുതെന്നു ഗവര്ണര് വി.സിക്കു കത്ത് നല്കിയിരുന്നു. എന്നാല്, ആ കത്ത് പരിഗണിക്കേണ്ടതില്ലെന്ന നിലപാടാണ് വി.സി. സ്വീകരിച്ചതെന്നും ഇതാണ് ഇപ്പോഴത്തെ നടപടിക്കു കാരണമെന്നും സൂചനയുണ്ട്. തോറ്റ വിദ്യാര്ഥിയെ ജയിപ്പിച്ചതുമായി ബന്ധപ്പെട്ട ഫയല് ഹാജരാക്കാനും വിശദീകരണം നല്കാനും വി.സിയോടും പരീക്ഷാ കണ്േ്രടാളറോടും ലോകഭവനില്നിന്ന് ആവശ്യപ്പെട്ടെങ്കിലും ആ നിര്ദേശം വി.സി. നിരസിച്ചെന്നാണു പുറത്തുവരുന്ന മറ്റൊരു വിവരം. അധ്യാപക നിയമനവുമായി ബന്ധപ്പെട്ടും ഗവര്ണറും വി.സിയും തമ്മില് തര്ക്കം നിലനിന്നിരുന്നു.
LATEST NEWS
- സുധാകരന്മാര് ഇടംവലം തലവേദന; സ്വയം സ്ഥാനാര്ഥിത്വം പ്രഖ്യാപിച്ച് ജി. സുധാകരന്, ഹൈക്കമാന്ഡിനെ വെല്ലുവിളിച്ച്, മത്സരിക്കുമെന്നു കെ. സുധാകരന്
- കൊച്ചി വാട്ടര് മെട്രോ ആലപ്പുഴയിലേക്കും കൊല്ലത്തേക്കും; 11 സംസ്ഥാനങ്ങളിലും വാട്ടര് മെട്രോയ്ക്ക് സാധ്യതാപഠനം, ആലപ്പുഴയില് 8 പ്രധാന പാതകള് പഠനവിധേയമാക്കി
- ഇടതു ചേര്ന്ന് വലത്തു മാറി, വീണ്ടും ഇടതമര്ന്ന് വര്ക്കല
- തൃണമൂല് നേതാക്കള് ജി. സുധാകരനെ സന്ദര്ശിച്ചു
- കേന്ദ്രസര്ക്കാര് സത്യാവസ്ഥ വ്യക്തമാക്കണം: ജോസ് കെ. മാണി
