എറണാകുളത്ത് സോഹന് സീനുലാല്, തൃക്കാക്കരയില് റോണ് ബാസ്റ്റ്യന്, ആലുവയില് എ ജെ റിയാസും ; മൂന്നു സ്വതന്ത്രരെ രംഗത്തിറക്കാന് സി.പി.എം.
കൊച്ചി: എറണാകുളത്ത് മൂന്നു സ്വതന്ത്ര സ്ഥാനാര്ഥികളെ രംഗത്തിറക്കാന് സി.പി.എം. യു.ഡി.എഫിന് മേല്ക്കൈയുള്ള എറണാകുളം, തൃക്കാക്കര, ആലുവ മണ്ഡലങ്ങളിലാണു സ്വതന്ത്രരെ നിര്ത്തി തെരഞ്ഞെടുപ്പു നേരിടാന് പാര്ട്ടി ഒരുങ്ങുന്നത്.
വ്യപാരി വ്യവസായി ഏകോപന സമിതി ജില്ലാ അധ്യക്ഷന് എ.ജെ. റിയാസിനെയാണ് ആലുവയില് പരിഗണിക്കുന്നത്. 2011 മുതല് കോണ്ഗ്രസിന്റെ അന്വര് സാദത്ത് ആണ് മണ്ഡലത്തെ പ്രതിനിധീകരിക്കുന്നത്. കോണ്ഗ്രസിന്റെ കുത്തക മണ്ഡലമായ ആലുവയില് 2006 ലെ തെരഞ്ഞെടുപ്പില് സി.പി.എമ്മിന്റെ എ.എം. യൂസഫായിരുന്നു വിജയിച്ചത്.
സി.പി.എം. സ്വതന്ത്രനെ പരിഗണിക്കുന്ന മറ്റൊരു മണ്ഡലം തൃക്കാക്കരയാണ്. ഡോ. റോണ് ബാസ്റ്റ്യനെ ആണ് പരിഗണിക്കുന്നത്. വിദ്യാര്ഥി രാഷ്ട്രീയത്തില് സജീവമായിരുന്ന റോണ് ബാസ്റ്റ്യന് എസ്.എഫ്.ഐ. നേതാവായിരുന്നു. സെബാസ്റ്റ്യന് പോളിന്റെ മകനാണു റോണ് ബാസ്റ്റ്യന്.
2022 ലെ ഉപതെരഞ്ഞെടുപ്പില് വിജയിച്ച കോണ്ഗ്രസിന്റെ ഉമാ തോമസ് ആണ് തൃക്കാക്കരയിലെ സിറ്റിംഗ് എംഎല്.എ. എറണാകുളത്ത് സംവിധായകനും നടനുമായ സോഹന് സീനുലാലിനെയാണ് പരിഗണിക്കുന്നത്.
സി.പി.എം. നേതാവ് പി.എന്. സീനുലാലിന്റെ മകനാണു സോഹന് സീനു ലാല്. കോണ്ഗ്രസിന്റെ ടി.ജെ. വിനോദ് ആണ് എറണാകുളത്തെ സിറ്റിംഗ് എം.എല്.എ. രൂപീകരിച്ച കാലം മുതല് കോണ്ഗ്രസിനൊപ്പം അടിയുറച്ചുനില്ക്കുന്ന മണ്ഡലമാണിത്.
LATEST NEWS
- സുധാകരന്മാര് ഇടംവലം തലവേദന; സ്വയം സ്ഥാനാര്ഥിത്വം പ്രഖ്യാപിച്ച് ജി. സുധാകരന്, ഹൈക്കമാന്ഡിനെ വെല്ലുവിളിച്ച്, മത്സരിക്കുമെന്നു കെ. സുധാകരന്
- കൊച്ചി വാട്ടര് മെട്രോ ആലപ്പുഴയിലേക്കും കൊല്ലത്തേക്കും; 11 സംസ്ഥാനങ്ങളിലും വാട്ടര് മെട്രോയ്ക്ക് സാധ്യതാപഠനം, ആലപ്പുഴയില് 8 പ്രധാന പാതകള് പഠനവിധേയമാക്കി
- ഇടതു ചേര്ന്ന് വലത്തു മാറി, വീണ്ടും ഇടതമര്ന്ന് വര്ക്കല
- തൃണമൂല് നേതാക്കള് ജി. സുധാകരനെ സന്ദര്ശിച്ചു
- കേന്ദ്രസര്ക്കാര് സത്യാവസ്ഥ വ്യക്തമാക്കണം: ജോസ് കെ. മാണി
