കേരള സര്വകലാശാല: രജിസ്ട്രാര് ഇന് ചാര്ജ് ആര്. രശ്മിയെ മാറ്റി, സാം സോളമനെ നിയമിച്ചു, ഇടത് സിന്ഡിക്കേറ്റ് അംഗങ്ങളുടെ ആവശ്യം വി.സി. അംഗീകരിച്ചു
തിരുവനന്തപുരം: കേരള സര്വകലാശാലയില് രജിസ്ട്രാര് ഇന് ചാര്ജിനെ വീണ്ടും മാറ്റി. ഇടത് സിന്ഡിക്കേറ്റ് അംഗങ്ങളുടെ ആവശ്യം താല്ക്കാലിക വൈസ് ചാന്സലര് മോഹനന് കുന്നുമ്മല് അംഗീകരിക്കുകയായിരുന്നു. ആര് രശ്മിയെ മാറ്റി രജിസ്ട്രാര് തസ്തികയില് പ്രഫ. സാം സോളമനെ നിയമിക്കാന് സിന്ഡിക്കേറ്റ് യോഗം തീരുമാനിച്ചു. ഗവര്ണര്-സര്ക്കാര് ധാരണയ്ക്ക് പിന്നാലെ സസ്പെന്ഷനില് ആയിരുന്ന രജിസ്ട്രാര് ഡോ. കെ.എസ്. അനില് കുമാറിനെ കോളജിലേക്ക് സ്ഥലംമാറ്റിയിരുന്നു. ഇതിന് പിന്നാലെ ചേര്ന്ന സിന്ഡിക്കേറ്റ് യോഗത്തിലാണ് രജിസ്ര്ടാര് ഇന് ചാര്ജിനെയും മാറ്റിയത്. നിലവിലെ രജിസ്ട്രാര് ഇന് ചാര്ജ് ആര്. രശ്മിയെ കാര്യവട്ടം ക്യാമ്പസിലെക്കാണ് മറ്റിയത്.
പകരം ഒപ്റ്റോ ഇലക്ട്രോണിക്സ് വിഭാഗം മേധാവി ഡോ. സാം സോളമനെ പുതിയ രജിസ്ട്രാര് ഇന് ചാര്ജാക്കാന് സിന്ഡിക്കേറ്റ് യോഗം തീരുമാനിക്കുകയായിരുന്നു. സര്ക്കാരും ഗവര്ണറും തമ്മിലുള്ള സമവായത്തിന് ശേഷം നടന്ന ആദ്യ യോഗമായിരുന്നു ഇന്നലെ നടന്നത്. രജിസ്ട്രാര് തസ്തികയിലേക്ക് സ്ഥിര നിയമനം നടക്കുന്നത് വരെയാകും സാം സോളമന്റെ കാലാവധി.
ഡോ.മിനി കാപ്പനും ആര്. രശ്മിക്കും പിന്നാലെ മൂന്നാമത്തെ രജിസ്ട്രാര് ഇന് ചാര്ജാണ് ഡോ. സാം സോളമന്. പൂര്ണ അഡീഷണല് ചുമതലയാണ് സാം സോളമന് നല്കുന്നത്.
LATEST NEWS
- 64 കാരിയെ പീഡിപ്പിക്കാൻ ശ്രമിച്ച 55 കാരൻ പിടിയിൽ
- വ്യാജവാര്ത്ത ചമച്ച ഓണ് ലൈന് പോര്ട്ടലിനെതിരേ പരാതി
- പാലക്കാട് കൊടുവായൂര് മരുതി ഭഗവതി ക്ഷേത്രം മലബാര് ദേവസ്വം ബോര്ഡ് ഏറ്റെടുക്കുന്നത് ഹൈക്കോടതി തടഞ്ഞു
- കെ സി വേണുഗോപാൽ ഇടപെട്ട് സീറ്റ് വാഗ്ദാനം; രാജി പിന്വലിച്ച് അലോഷ്യസ്, KSU ഹൃദയ തുടിപ്പെന്ന് പോസ്റ്റ്
- സ്ഥാനാര്ത്ഥിത്വം നല്കിയില്ല; കെഎസ്യു സംസ്ഥാന അധ്യക്ഷന് അലോഷ്യസ് സേവ്യര് രാജിവെച്ചു
