ബിഹാർ നിയമസഭാ തിരഞ്ഞെടുപ്പ് രണ്ട് ഘട്ടം; ആദ്യഘട്ട വോട്ടെടുപ്പ് നവംബർ ആറിന്, വോട്ടെണ്ണൽ‌ 14ന്

photo; representative

ബിഹാർ നിയമസഭാ തിരഞ്ഞെടുപ്പ് തീയതികൾ പ്രഖ്യാപിച്ചു. നവംബർ ആറിനും പതിനൊന്നിനും രണ്ട് ഘട്ടമായാണ് വോട്ടെടുപ്പ്. ആദ്യഘട്ടം നാമനിർദ്ദേശപത്രിക സമർപ്പിക്കാനുള്ള തീയതി ഒക്ടോബർ 17ഉം രണ്ടാംഘട്ടം നാമനിർദ്ദേശപത്രിക സമർപ്പിക്കാനുള്ള തീയതി ഒക്ടോബർ 20 ഉം ആണ്. വോട്ടെണ്ണൽ നവംബർ14ന് നടക്കും.

ബിഹാറിൽ 7.43 കോടി ആകെ വോട്ടർമാരാണുള്ളത്. തിരഞ്ഞെടുപ്പിനായി 90712 ആകെ പോളിംഗ് സ്റ്റേഷനുകൾ സജ്ജമാക്കും. പോളിംഗ് സ്റ്റേഷനുകളിൽ എല്ലാത്തരത്തിലുള്ള സംവിധാനങ്ങളും ഏർപ്പെടുത്തും. പോളിംഗ് സ്റ്റേഷനുകൾ ഗ്രൗണ്ട് ഫ്ലോറുകളിൽ തന്നെയായിരിക്കും.വോളണ്ടിയർമാരെയും വീൽചെയർ സംവിധാനങ്ങളും ഉണ്ടാകുമെന്ന് മുഖ്യ തിരഞ്ഞെടുപ്പ് കമ്മിഷണർ അറിയിച്ചു. അക്രമങ്ങൾക്കെതിരെ ഒരു വിട്ടുവീഴ്ചയും ഉണ്ടാകില്ലെന്ന് അദേഹം വ്യക്തമാക്കി. പോളിങ് സ്റ്റേഷനുകളിൽ സിആർപിഎഫ് സംഘത്തെയും വിന്യസിക്കുമെന്ന് മുഖ്യ തിരഞ്ഞെടുപ്പ് കമ്മിഷണർ അറിയിച്ചു.