ബിരിയാണിയിൽ ചിക്കൻ കുറഞ്ഞു'; പള്ളുരുത്തി ട്രാഫിക് സ്റ്റേഷനില് ഹോം ഗാര്ഡുകൾ തമ്മില് തല്ല്; റിട്ടയർമെന്റ് പാർട്ടിക്കിടെ സംഘര്ഷം
കൊച്ചി: ചിക്കൻ ബിരിയാണിയിൽ ചിക്കൻ ലഭിക്കാത്തതില് തമ്മില് തല്ല്. കൊച്ചി പള്ളുരുത്തി ട്രാഫിക് സ്റ്റേഷനിലാണ് സംഭവം. സെന്റ് ഓഫ് പാർട്ടിക്കിടെ ട്രാഫിക് ഹോം ഗാർഡുകൾ തമ്മിലാണ് തല്ലുണ്ടായത്.
ബിരിയാണിയില് ചിക്കന് കുറഞ്ഞ് പോയെന്ന് പറഞ്ഞായിരുന്നു ഹോം ഗാര്ഡുകളായ ജോര്ജ്, രാധാകൃഷ്ണന് എന്നിവര് തമ്മില് തല്ലിയത്.പള്ളുരുത്തി ട്രാഫിക് പോലീസ് സ്റ്റേഷനിലെ എസ്ഐയുടെ വിരമിക്കല് ചടങ്ങിന്റെ ഭാഗമായി ജീവനക്കാര്ക്ക് ഉച്ചഭക്ഷണമായി ബിരിയാണി ഒരുക്കിയിരുന്നു. ജോര്ജും രാധാകൃഷ്ണനും ബിരിയാണി കഴിക്കാന് എത്തിയപ്പോഴായിരുന്നു തര്ക്കവും തുടര്ന്ന് തമ്മില് തല്ലും.
ഒരാള് ചിക്കന് കഷ്ണങ്ങള് അധികമായി എടുത്തപ്പോള് അടത്തയാള്ക്ക് കുറച്ചാണ് കിട്ടിയത്. ഇതേ ചൊല്ലി ഇരുവരും തമ്മില് തര്ക്കത്തിലേര്പ്പെടുകയും അത് കയ്യാങ്കളിയില് കലാശിക്കുകയുമായിരുന്നു. ഇതിനിടെ രാധാകൃഷ്ണന് തലയ്ക്ക് പരിക്കേറ്റു. പിന്നാലെ ഇദ്ദേഹത്തെ ജനറല് ആശുപത്രിയില് പ്രവേശിപ്പിക്കുകയായിരുന്നു. ഉദ്യോഗസ്ഥര്ക്കെതിരെ നടപടിയുണ്ടാകുമെന്ന് അധികൃതര് അറിയിച്ചു.
LATEST NEWS
- തിരുവനന്തപുരത്ത്താമര വിരിയിക്കാൻ' കരമന ജയൻ, വിജയ പ്രതീക്ഷയിൽ സിപി ജോണ്, സീറ്റ് നിലനിര്ത്താൻ സുധീര് കരമനയും
- ഊര്ജ സ്രോതസുകള്ക്കുനേരെയുള്ള ആക്രമണത്തിൽ കടുത്ത ആശങ്കയുമായി ഇന്ത്യ; ഇറാൻ പ്രസിഡന്റുമായി സംസാരിച്ച് പ്രധാനമന്ത്രി നരേന്ദ്ര മോദി
- ‘ ദേ പോയതിനെക്കാൾ വേഗത്തിൽ തിരികെ ’ ; വി.സുരേന്ദ്രൻപിള്ള വീണ്ടും ആർജെഡിയിലേക്ക്
- രാജ്യത്തെ ഗുരുതര ഊർജ പ്രതിസന്ധിക്ക് കാരണം കോൺഗ്രസ്, ബിജെപി കേന്ദ്രസർക്കാരുകൾ സ്വീകരിച്ച നയങ്ങൾ: മുഖ്യമന്ത്രി
- ബി ഗോപാലകൃഷ്ണനെതിരെ തെരഞ്ഞെടുപ്പ് കമ്മീഷന് പരാതി നൽകി സിപിഎം
