ഹൃദയം കൊണ്ട്‘ ഹൃദയപൂര്വ’ത്തെ സ്വീകരിച്ചതിനു നന്ദി; സന്തോഷം പങ്കുവെച്ച് മോഹന്ലാല്
ഹൃദയപൂര്വം പ്രേക്ഷകര് ഇരുകൈ നീട്ടി സ്വീകരിച്ചതിലുളള സന്തോഷം പങ്കുവെച്ച് മോഹന്ലാല്. സിനിമ ആരാധകര് ഏറ്റെടുത്തതിലുളള സന്തോഷം ഒരു വീഡിയോ സന്ദേശത്തിലൂടെയാണ് താരം വെളിപ്പെടുത്തിയത്. അമേരിക്കയിലാണ് താരം ഇപ്പോഴുളളത്.
മോഹന്ലാലിന്റെ വാക്കുകള്
പ്രിയപ്പെട്ട പ്രേക്ഷകര് ഹൃദയം കൊണ്ട് ഹൃദയപൂര്വത്തെ സ്വീകരിച്ചു എന്നറിയുന്നതില് ഒരുപാടു സന്തോഷം. ഞാനിപ്പോള് യു.എസിലാണുളളത്. ഇവിടെയും നല്ല റിപ്പോര്ട്ടുകളാണ് സിനിമയെക്കുറിച്ച് ലഭിക്കുന്നത്. ഒരുപാടു സന്തോഷം. ഇങ്ങനെ ഒരു സിനിമയെ രണ്ടു കയ്യും നീട്ടി സ്വീകരിച്ചു അതൊരു വിജയചിത്രമായി മാറ്റിയ എല്ലാ പ്രേക്ഷകര്ക്കും എന്റെ ഹൃദയം നിറഞ്ഞ നന്ദി. എല്ലാവര്ക്കും സന്തോഷവും സമൃദ്ധിയും നിറഞ്ഞ ഒരു ഓണം ഞാന് ആശംസിക്കുന്നു. എല്ലാവര്ക്കും ഹൃദയം നിറഞ്ഞ ഹൃദയപൂര്വം ഓണാശംസകള്.
2015-ല് പുറത്തിറങ്ങിയ ' എന്നും എപ്പോഴും' എന്ന സിനിമയ്ക്ക് ശേഷം മോഹന്ലാലും സത്യന് അന്തിക്കാടും ഒന്നിക്കുന്ന ചിത്രമാണ് ഹൃദയപൂര്വ്വം. സത്യന് അന്തിക്കാടിന്റെ മകന് അനൂപ് സത്യനാണ് കഥ ഒരുക്കിയിരിക്കുന്നത്. മാളവിക മോഹനനാണ് ചിത്രത്തിലെ നായിക. ലാലു അലക്സ്, സംഗീത് പ്രതാപ്, സംഗീത, സിദ്ദിഖ്, ബാബുരാജ്, സബിതാ ആനന്ദ് തുടങ്ങിയവരും ചിത്രത്തില് അഭിനയിക്കുന്നുണ്ട്.
LATEST NEWS
- ‘പാപ്പന്സ് സ്റ്റൈൽ അലേർട്ട്...’; 2 നിറങ്ങൾ സമന്വയിപ്പിച്ച കുർത്തയിലും മുണ്ടിലുമുള്ള സിഗ്നേച്ചര് ലുക്ക് പങ്കിട്ട് ജയസൂര്യ; സരിതയുടെ ഡിസൈന് ഇത്തവണയും മാസ്സ് എന്ന് കമന്റുകള്
- ' കാലങ്ങളായുളള സ്വപ്നം, എന്റെ ഹൃദയം നിറയുന്നു' ; മരത്തിന് മുകളില് കഫേ തുടങ്ങിയ സന്തോഷം പങ്കുവച്ച് ഹരീഷ് ഉത്തമന്
- അനിയന് പിറന്നാള് ആശംസകളുമായി അനുപമ പരമേശ്വരന്; കുട്ടിക്കാല ചിത്രങ്ങള് പങ്കുവെച്ച് താരം
- ആ ദിവസം ഞാനും ഭാര്യയും ഞെട്ടിപ്പോയി, പ്രേതത്തെക്കുറിച്ചുളള എന്റെ കാഴ്ചപ്പാടില് മാറ്റമുണ്ടായി: അക്ഷയ് കുമാര്
- ' കഴുത' ; അധിക്ഷേപ കമന്റിന്ചുട്ട മറുപടി നല്കി മീനാക്ഷി
