ഹൈക്കോടതി വിധി ലംഘിച്ചു , കാലിക്കറ്റ് യൂണിവേഴ്സിറ്റിയിലെ ഓണാഘോഷം ; ജെസിബി, തുറന്ന ജീപ്പില് എൻട്രി
മലപ്പുറം: കാലിക്കറ്റ് സര്വകലാശാലയില് അപകടകരമായ രീതിയില് ഓണാഘോഷ പരിപാടി. കാലിക്കറ്റ് സര്വകലാശാല ക്യാമ്പസിലാണ് തുറന്ന ജീപ്പിലും ജെസിബിയിലും എത്തി വിദ്യാര്ത്ഥികള് ഓണാഘോഷ പരിപാടികള് നടത്തിയത്. ക്യാമ്പസിലെ ഫിസിക്കല് എജുക്കേഷന് വിദ്യാര്ത്ഥികളുടെ ഓണാഘോഷമായിരുന്നു പരിധി വിട്ടത്.
ഇന്നലെയായിരുന്നു ഓണാഘോഷ പരിപാടി നടന്നത്. ഭരണ സിരാ കേന്ദ്രത്തിന് മുന്നിലടക്കം തുറന്ന ജീപ്പില് അപകടകരമായി വിദ്യാര്ത്ഥികള് സഞ്ചരിച്ചു. മദ്യലഹരിയിലായിരുന്ന വിദ്യാര്ത്ഥികള് ക്യാമ്പസിലെ മതില് ഇടിച്ച് തകര്ത്തിട്ടുണ്ട്. ക്ലാസ് മുറിയിലും വിദ്യാര്ത്ഥികള് പടക്കം പൊട്ടിച്ചു. സ്പോര്ട്സ് ഹോസ്റ്റല് മുറിയില് പടക്കം പൊട്ടിച്ചത് ചോദിച്ച അധ്യാപകരെ ഭീഷണിപ്പെടുത്തിയതിന് അധ്യാപകര് തേഞ്ഞിപ്പലം പൊലീസിന് പരാതി നല്കിയിട്ടുണ്ട്.
വിഷയത്തില് സെക്യൂരിറ്റി ഓഫീസറോട് രജിസ്ട്രാര് റിപ്പോര്ട്ട് തേടി. അപകടകരമായ രീതിയില് ഓണാഘോഷ പരിപാടി നടത്തരുതെന്ന് ഹൈക്കോടതി വിധി നിലനില്ക്കേയാണ് ക്യാമ്പസില് ഇത്തരത്തില് ഓണപ്പരിപ്പാടി സംഘടിപ്പിച്ചത്.
LATEST NEWS
- ഹോര്മൂസ് തുറന്നു നല്കിയില്ലെങ്കില് ഇറാന്റെ ഊര്ജ്ജനിലയങ്ങള് തകര്ക്കുമെന്ന് ട്രംപ്: തിരച്ചടിക്കുമെന്ന് ഇറാന്
- ഇസ്രായേലിനെതിരെ ആക്രമണം കടുപ്പിച്ച് ഇറാന്: ഡിമോണയിലെ ആണവ നിലയത്തില് മിസൈല് ആക്രമണം
- ചരിത്രത്തിലെ ഏറ്റവും കഴിവുകെട്ട ആരോഗ്യമന്ത്രി, ഇടതുഭരണം ആരോഗ്യമേഖലയെ തകര്ത്തു: രാജീവ് ചന്ദ്രശേഖര്
- വനിതാക്കരുത്തില് ബി.ജെ.പി, കോണ്ഗ്രസില് മുറുമുറുപ്പ്; ശോഭാ സുരേന്ദ്രന് മത്സരിക്കുന്ന പാലക്കാട് എല്.ഡി.എഫിനും യു.ഡി.എഫിനും ദുര്ബല സ്ഥാനാര്ഥികള്, 'ഡീല്' വിവാദം
- രാഹുല് മാങ്കൂട്ടത്തിലിന്റെ ജാമ്യം റദ്ദാക്കണം, ആദ്യ പരാതിക്കാരിയുടെ ഹര്ജി; ഹൈക്കോടതിയുടേത് നിരീക്ഷണങ്ങള്, സര്ക്കാര് മൗനം പാലിക്കും
