ഒരു അസ്ഥി കടലില് ഒഴുക്കി ; ലഹരി ഉപയോഗത്തിനിടെ മരിച്ച യുവാവിനെ കുഴിച്ചിട്ട കേസില് കൂടുതല് വെളിപ്പെടുത്തല്
കോഴിക്കോട്: അമിത അളവില് ലഹരി കുത്തിവച്ചതിനെ തുടര്ന്ന് മരിച്ച യുവാവിനെ കുഴിച്ചിട്ട സംഭവത്തില് പ്രതികളുടെ കൂടുതല് മൊഴി പുറത്ത്. എരഞ്ഞിപ്പാലം സ്വദേശി നിഖില്, വേങ്ങേരി സ്വദേശി ദീപേഷ് എന്നിവരാണ് എലത്തൂര് പൊലിസിന്റെ പിടിയിലായത്.
വിജിലിന്റെ മൃതദേഹം ചതുപ്പില് താഴ്ത്തി എട്ടു മാസത്തിനുശേഷം ഒരു അസ്ഥി കടലില് ഒഴുക്കിയതായി പ്രതികള് മൊഴി നല്കി. അമിത അളവില് ലഹരി മരുന്ന് നല്കിയതിനെ തുടര്ന്ന് വിജില് ബോധരഹിതനായപ്പോള് കുഴിച്ചിടുകയായിരുന്നു.
സരോവരം പാര്ക്കില് കുഴിച്ചിട്ടതാണെന്നായിരുന്നു നേരത്തെ പിടിയിലായ യുവാക്കള് മൊഴി നല്കിയിരുന്നത്. 2019ലായിരുന്നു കേസിന് ആസ്പദമായ സംഭവം നടന്നത്. വിജിലിന്റെ ബൈക്ക് കല്ലായി റെയില്വേ സ്റ്റേഷന് സമീപം ഉപേക്ഷിച്ചതായും അന്വേഷണ സംഘത്തിന് മനസ്സിലായി.
ഇത് കണ്ടെത്താനുള്ള ശ്രമം ഇന്ന് നടത്തും. വെസ്റ്റ് ഹില് ചുങ്കം സ്വദേശിയാണ് വിജില്. റിമാന്ഡില് ഉള്ള ഒന്നും മൂന്നും പ്രതികളായ നിഖിലിനെയും ദീപേഷിനെയും കസ്റ്റഡിയില് വാങ്ങാന് അന്വേഷണസംഘം ഇന്ന് അപേക്ഷ നല്കും. കൊയിലാണ്ടി കോടതിയിലാണ് അപേക്ഷ നല്കുക. പ്രതികളെ കസ്റ്റഡിയില് ലഭിച്ചാലുടന് മൃതദേഹം കണ്ടെടുക്കാന് നടപടികള് തുടങ്ങുമെന്ന് പൊലീസ് അറിയിച്ചു.
LATEST NEWS
- ഇടതുമുന്നണിയില് നേരിട്ടത് കടുത്ത അവഗണന: മുസ്ലിം ലീഗിലേക്ക് തിരിച്ചെത്തി കാരാട്ട് റസാഖ്
- ഹോര്മൂസ് തുറന്നു നല്കിയില്ലെങ്കില് ഇറാന്റെ ഊര്ജ്ജനിലയങ്ങള് തകര്ക്കുമെന്ന് ട്രംപ്: തിരച്ചടിക്കുമെന്ന് ഇറാന്
- ഇസ്രായേലിനെതിരെ ആക്രമണം കടുപ്പിച്ച് ഇറാന്: ഡിമോണയിലെ ആണവ നിലയത്തില് മിസൈല് ആക്രമണം
- ചരിത്രത്തിലെ ഏറ്റവും കഴിവുകെട്ട ആരോഗ്യമന്ത്രി, ഇടതുഭരണം ആരോഗ്യമേഖലയെ തകര്ത്തു: രാജീവ് ചന്ദ്രശേഖര്
- വനിതാക്കരുത്തില് ബി.ജെ.പി, കോണ്ഗ്രസില് മുറുമുറുപ്പ്; ശോഭാ സുരേന്ദ്രന് മത്സരിക്കുന്ന പാലക്കാട് എല്.ഡി.എഫിനും യു.ഡി.എഫിനും ദുര്ബല സ്ഥാനാര്ഥികള്, 'ഡീല്' വിവാദം
