‘തലൈവാ, ആദ്യ കാഴ്ചയില് കരച്ചിലടക്കാനായില്ല; 50 വര്ഷമായി ഈ വ്യവസായത്തിലുള്ളവരും, അറിയാവുന്നവരും നിങ്ങളെ സ്നേഹിക്കുന്നു...’ വൈകാരിക കുറിപ്പുമായി വിഘ്നേഷ് ശിവന്
തമിഴകത്തിന്റെ സ്വന്തം തലൈവരായി ആരാധകര് മനസ്സില് കുടിയിരുത്തിയ താരമാണ് രജനികാന്ത്. വര്ഷങ്ങളായി തന്റെ സ്റ്റൈലും സ്വാഗും കൊണ്ട് വെള്ളിത്തിരയില് നിറഞ്ഞു നില്ക്കുന്ന രജനികാന്തിനെ സ്നേഹിക്കുകയും ബഹുമാനിക്കുകയും ചെയ്യുന്നവരില് ആരാധകര് മാത്രമല്ല അഭിനേതാക്കളും സംവിധായകരുമൊക്കെയുണ്ട്.
നടന മാസ്മരികതയുടെ 50 വര്ഷത്തിന് എല്ലാ ആശംസകളും സ്നേഹവും അറിയിക്കുകയാണ് ആരാധകരും സിനിമാലോകവും. സൂപ്പർസ്റ്റാറിന്റെ സിനിമയിലെ സുവർണ്ണ ജൂബിലി രാജ്യവ്യാപകമായ ഒരു ആഘോഷമായി മാറിയിരിക്കുകയാണ്. കൂലിയുടെ ഗംഭീര റിലീസിനെ വരവേല്ക്കുന്ന ആരാധകരും സിനിമാ വ്യവസായത്തിന്റെ വിവിധ ഭാഗങ്ങളില് നിന്നുള്ളവരും താരത്തിന് ആശംസകള് കുറിക്കുന്നുണ്ട്.
ഇപ്പോഴിതാ തന്റെ മനസ്സിലെ തമിഴ് ഐക്കണിനെ ആദ്യമായി കണ്ടുമുട്ടിയ ആ അതിമനോഹരമായ നിമിഷം ഓര്ത്ത് ഇൻസ്റ്റാഗ്രാമിൽ ഒരു വൈകാരികമായ പോസ്റ്റ് പങ്കിടുകയാണ് സംവിധായകനും നിർമ്മാതാവുമായ വിഘ്നേഷ് ശിവൻ. “ഞാൻ നിങ്ങളെ ആദ്യമായി കണ്ടപ്പോൾ, എനിക്ക് കണ്ണുനീർ അടക്കാനായില്ല... തലൈവ... ഈ വ്യവസായത്തിലെ എല്ലാവരും, നിങ്ങളെ അറിയുന്ന എല്ലാവരും നിങ്ങളെ സ്നേഹിക്കുന്നു... നിങ്ങൾ ശരിക്കും ഒരു നല്ല മനുഷ്യനായതുകൊണ്ടാണത്.... ഒരു താരമാകുന്നതും നിങ്ങൾ മനുഷ്യനായിരിക്കുന്നതും ഈ സ്നേഹത്തെയെല്ലാം ന്യായീകരിക്കുന്നതുമാണ്... 50 വർഷത്തെ വിനോദം, 50 വർഷത്തെ സ്റ്റൈല്, നിങ്ങളുടെ വിശ്വസ്തരായ ആരാധകരിൽ നിന്നുള്ള 50 വർഷത്തെ സ്നേഹം...എന്നേക്കും തുടരും...” എന്നാണ് രജനികാന്തിനൊപ്പമുള്ള ചിത്രം പങ്കിട്ട് വിഘ്നേഷ് കുറിച്ചത്. ആദ്യ ദിവസം തന്നെ ‘കൂലി’ കാണാൻ പദ്ധതിയിട്ടിട്ടുണ്ടെന്നും മുഴുവൻ ടീമിനും വിജയം ആശംസിച്ചുവെന്നും വിഘ്നേഷ് പങ്കുവെച്ചു.
ലോകേഷ് കനകരാജ് സംവിധാനം ചെയ്ത രജനികാന്ത് ചിത്രം ‘കൂലി’ ആഗോളതലത്തിൽ ആദ്യദിനം തന്നെ വമ്പൻ വിജയമാകുമെന്നാണ് എല്ലാവരും പ്രതീക്ഷിക്കുന്നത്. ചിത്രത്തിൽ സത്യരാജ്, നാഗാർജുന, സൗബിൻ ഷാഹിർ, ഉപേന്ദ്ര, ശ്രുതി ഹാസൻ എന്നിവരും അഭിനയിക്കുന്നു. സ്പെഷ്യൽ അപ്പിയറൻസ് ആയി ആമിർ ഖാനും ചിത്രത്തിലെത്തുന്നുണ്ട്. കലാനിധി മാരനാണ് ചിത്രം നിർമിച്ചിരിക്കുന്നത്.
LATEST NEWS
- ഹോള്ട്ടര് നെക്ക് ബ്ലൗസിനൊപ്പം കോക്ക്ടെയിൽ സാരിയില് ഗ്ലാമര് എലഗന്റ് ലുക്കില് സണ്ണി ലിയോണ്; താരത്തിന്റെ ബോളിവുഡ് ഏറ്റെടുത്ത് ആരാധകര്
- ‘എന്റെ 17 സിനിമകൾ തുടർച്ചയായി പരാജയപ്പെട്ടു, കാനഡയില് ജോലിക്ക് പോയി; ഞാന് ഇന്ത്യക്കാരനാണ്, എന്നുമങ്ങനെ തുടരും...’ കനേഡിയന് പാസ്പോര്ട്ട് വിവാദത്തെപ്പറ്റി അക്ഷയ് കുമാര്
- ‘ഒരാളുടെ സ്വകാര്യ ജീവിതം തലക്കെട്ടുകളാക്കും മുമ്പ് ഔദ്യോഗിക സ്ഥിരീകരണത്തിന് കാത്തിരിക്കൂ; ‘44’ ഹൈലൈറ്റ് ചെയ്യുന്നതെന്തിന്?...’ അനുഷ്ക ഷെട്ടിയുടെ വിവാഹവാർത്ത അപ്പാടെ തള്ളി താരത്തിന്റെ ടീം
- ‘പാപ്പന്സ് സ്റ്റൈൽ അലേർട്ട്...’; 2 നിറങ്ങൾ സമന്വയിപ്പിച്ച കുർത്തയിലും മുണ്ടിലുമുള്ള സിഗ്നേച്ചര് ലുക്ക് പങ്കിട്ട് ജയസൂര്യ; സരിതയുടെ ഡിസൈന് ഇത്തവണയും മാസ്സ് എന്ന് കമന്റുകള്
- ' കാലങ്ങളായുളള സ്വപ്നം, എന്റെ ഹൃദയം നിറയുന്നു' ; മരത്തിന് മുകളില് കഫേ തുടങ്ങിയ സന്തോഷം പങ്കുവച്ച് ഹരീഷ് ഉത്തമന്
