സെല്‍ഫിയെടുക്കാന്‍ അടുത്തേക്ക് വന്ന യുവാവിനെ തളളിമാറ്റി ജയാ ബച്ചന്‍; വീഡിയോ

സെല്‍ഫിയെടുക്കാന്‍ അടുത്തേക്ക് വന്ന യുവാവിനെ തളളിമാറ്റി നടിയും രാജ്യസഭാ എം.പി.യുമായ ജയാ ബച്ചന്‍. ന്യൂഡല്‍ഹിയിലെ കോണ്‍സ്റ്റിറ്റിയൂഷന്‍ ക്ലബ്ബില്‍ ചൊവ്വാഴ്ചയാണ് സംഭവം. സംഭവത്തിന്റെ ദൃശ്യം സോഷ്യല്‍ മീഡിയയില്‍ വൈറലാണ്.

നിങ്ങള്‍ എന്താണ് ഈ ചെയ്യുന്നത്, ഇത് എന്താണ്, ദേഷ്യപ്പെട്ടുകൊണ്ട് ജയാബച്ചന്‍ യുവാവിനോട് ചോദിച്ചു. ജയാ ബച്ചന്റെ സഹ പാര്‍ലമെന്റ് അംഗവും ശിവസേന ( യുബിടി) നേതാവുമായ പ്രിയങ്ക ചതുര്‍വേദിയും ഈ സമയത്ത് അവരോടൊപ്പമുണ്ടായിരുന്നു. നടിയുടെ പെരുമാറ്റത്തെ വിമര്‍ശിച്ചു കൊണ്ട് ഒട്ടേറെ ആളുകള്‍ രംഗത്തെത്തി.

#WATCH | Delhi: Samajwadi Party MP Jaya Bachchan scolded a man and pushed him away, while he was trying to take a selfie with her. pic.twitter.com/UxIxwrXSM0— ANI (@ANI) August 12, 2025

നേരത്തെ, നടനും സംവിധായകനുമായ മനോജ് കുമാറിന്റെ മരണാനന്തര ചടങ്ങിനിടെയും സമാനമായ സംഭവമുണ്ടായിരുന്നു. പ്രായമായ ഒരു പുരുഷന്‍ ചിത്രം എടുക്കാന്‍ ശ്രമിച്ചതായിരുന്നു അന്ന് നടിയെ പ്രകോപിപ്പിച്ചത്. ഇത്തരമൊരു ചടങ്ങില്‍വെച്ച് ഫോട്ടോ എടുത്തതിന് ഒപ്പമുണ്ടായിരുന്ന വ്യക്തിയെ അവര്‍ ശകാരിക്കുകയും ചെയ്തു.