ഞാനിത് ഇട്ടിട്ട് പോണോ? ഞാന് സംസാരിക്കുമ്പോള് മിണ്ടരുത്; ആരാധകനോട് ജൂനിയര് എന്ടിആര് -വീഡിയോ
ആരാധകര് കാത്തിരിക്കുകയാണ് വാര് 2വിന് വേണ്ടി. ബോളിവുഡിന്റെ സൂപ്പര് താരം ഹൃത്വിക് റോഷനും ടോളിവുഡിന്റെ സൂപ്പര് താരം ജൂനിയര് എന്ടിആറും കൈകോര്ക്കുന്ന ചിത്രമാണ് വാര് 2. സിനിമയുടെ ട്രെയ്ലര് ആകാംഷ പകരുന്നതായിരുന്നു. അതിഗംഭീര ആക്ഷന് രംഗങ്ങള് മുതല് ഹൃത്വിക്കും താരക്കും തകര്ത്താടുന്ന ഡാന്സ് നമ്പറുമെല്ലാമുള്ള ചിത്രമാകും വാര് 2 എന്ന് ട്രെയ്ലര് വ്യക്തമാക്കുന്നുണ്ട്.
ഇതിനിടെ എന്ടിആറിന്റെ ഒരു വിഡിയോ സോഷ്യല് മീഡിയയില് വൈറലാവുകയാണ്. കഴിഞ്ഞ ദിവസം ഹൈദരാബാദില് വച്ച് നടന്ന വാര് 2 പ്രീ റിലീസ് പരിപാടിയില് നിന്നുള്ള വിഡിയോയാണ് വൈറലാകുന്നത്. വിഡിയോയില് തന്റെ ആരാധകനോട് കയര്ത്തു സംസാരിക്കുന്ന ജൂനിയര് എന്ടിആര് ആണുള്ളത്.
പരിപാടിയില് ജൂനിയര് എന്ടിആര് സംസാരിക്കവെയായിരുന്നു സംഭവം. തന്റെ പ്രസംഗത്തിനിടെ സദസില് നിന്നും ഉച്ചത്തില് ആര്പ്പുവിളിക്കുകയും സംസാരിക്കുകയും ചെയ്ത ആരാധകനോടാണ് ജൂനിയര് എന്ടിആര് ദേഷ്യപ്പെട്ടത്.
''സഹോദരാ, ഞാന് പോകണോ? ഞാന് പോകട്ടെ? ഞാന് എന്താണ് നിങ്ങളോട് പറഞ്ഞത്? ഞാന് സംസാരിക്കുമ്പോള് നിശബ്ദത പാലിക്കണമെന്നല്ലേ. എനിക്ക് മൈക്ക് താഴെ വച്ച് ഈ വേദി വിട്ട് പോകാന് ഒരു സെക്കന്റ് പോലും വേണ്ടി വരില്ല. ഞാന് സംസാരിക്കണോ? നിശബ്ദത പാലിക്കുക'' എന്നായിരുന്നു ജൂനിയര് എന്ടിആര് പറഞ്ഞത്. കട്ടക്കലിപ്പില് സംസാരിക്കുന്ന ജൂനിയര് എന്ടിആറിന്റെ വിഡിയോ സോഷ്യല് മീഡിയയില് ചര്ച്ചയാവുകയാണ്. താരത്തെ എതിര്ത്തും അനുകൂലിച്ചും ആരാധകരെത്തുന്നുണ്ട്.
അതേസമയം ജൂനിയര് എന്ടിആറിന്റെ ആദ്യ ഹിന്ദി ചിത്രമാണ് വാര് 2. നേരത്തെ ഹൃത്വിക് റോഷനും ടൈഗര് ഷ്രോഫും പ്രധാന വേഷങ്ങളിലെത്തിയ ആദ്യ ഭാഗം വലിയ വിജയം നേടിയിരുന്നു. രണ്ടാം ഭാഗത്തില് കിയാര അദ്വാനിയാണ് നായിക. വൈആര്എഫിന്റെ സ്പൈ യൂണിവേഴ്സിലെ പുതിയ ചിത്രമാണ് വാര് 2. രജനികാന്ത് ചിത്രം കൂലിയ്ക്കൊപ്പമാണ് വാറും തിയേറ്ററുകളിലേക്ക് എത്തുന്നത്.
Don’t ever compare this guy with Charan 😭 #JrNTR #RamCharan pic.twitter.com/DRO2XT9TL7— MysoreBonda 🚩 (@MysoreB0nda) August 10, 2025
LATEST NEWS
- ഹോള്ട്ടര് നെക്ക് ബ്ലൗസിനൊപ്പം കോക്ക്ടെയിൽ സാരിയില് ഗ്ലാമര് എലഗന്റ് ലുക്കില് സണ്ണി ലിയോണ്; താരത്തിന്റെ ബോളിവുഡ് ഏറ്റെടുത്ത് ആരാധകര്
- ‘എന്റെ 17 സിനിമകൾ തുടർച്ചയായി പരാജയപ്പെട്ടു, കാനഡയില് ജോലിക്ക് പോയി; ഞാന് ഇന്ത്യക്കാരനാണ്, എന്നുമങ്ങനെ തുടരും...’ കനേഡിയന് പാസ്പോര്ട്ട് വിവാദത്തെപ്പറ്റി അക്ഷയ് കുമാര്
- ‘ഒരാളുടെ സ്വകാര്യ ജീവിതം തലക്കെട്ടുകളാക്കും മുമ്പ് ഔദ്യോഗിക സ്ഥിരീകരണത്തിന് കാത്തിരിക്കൂ; ‘44’ ഹൈലൈറ്റ് ചെയ്യുന്നതെന്തിന്?...’ അനുഷ്ക ഷെട്ടിയുടെ വിവാഹവാർത്ത അപ്പാടെ തള്ളി താരത്തിന്റെ ടീം
- ‘പാപ്പന്സ് സ്റ്റൈൽ അലേർട്ട്...’; 2 നിറങ്ങൾ സമന്വയിപ്പിച്ച കുർത്തയിലും മുണ്ടിലുമുള്ള സിഗ്നേച്ചര് ലുക്ക് പങ്കിട്ട് ജയസൂര്യ; സരിതയുടെ ഡിസൈന് ഇത്തവണയും മാസ്സ് എന്ന് കമന്റുകള്
- ' കാലങ്ങളായുളള സ്വപ്നം, എന്റെ ഹൃദയം നിറയുന്നു' ; മരത്തിന് മുകളില് കഫേ തുടങ്ങിയ സന്തോഷം പങ്കുവച്ച് ഹരീഷ് ഉത്തമന്
