സുരക്ഷാ ഉദ്യോഗസ്ഥനോട് കയര്ത്ത് അല്ലു അര്ജുന് ; വീഡിയോ, നടന് ഇത്രയും അഹങ്കാരം പാടില്ലെന്ന് സോഷ്യല് മീഡിയ
സോഷ്യല് മീഡിയയില് ചര്ച്ചയായി അല്ലു അര്ജുന്റെ വിഡിയോ. മുംബൈ എയര്പോര്ട്ടിലെ സുരക്ഷാ പരിശോധനയോട് അസഹിഷ്ണുതയോടെ പെരുമാറുന്ന അല്ലുവിന്റെ വിഡിയോ ആണ് വൈറലാകുന്നത്. വിമാനത്താവളത്തിലെ സിഐഎസ്എഫ് ഉദ്യോഗസ്ഥനുമായി സംസാരിക്കുന്ന അല്ലു അര്ജുനാണ് വിഡിയോയിലുള്ളത്. താരത്തിനെതിരെ നിരവധി പേരാണ് വിമര്ശനവുമായി രംഗത്തെത്തിയിരിക്കുന്നത്.
കഴിഞ്ഞ ദിവസമാണ് സംഭവം. വെളുത്ത ടി ഷര്ട്ടും കറുത്ത ട്രാക്ക് പാന്റ്സുമാണ് അല്ലു അര്ജുന്റെ വേഷം. ഒപ്പം മുഖത്ത് കറുത്ത കൂളിങ് ഗ്ലാസും മാസ്കും ധരിച്ചിരുന്നു. ഗേറ്റിന് മുമ്പില് വച്ച് സുരക്ഷാ ഉദ്യോഗസ്ഥന് താരം തന്റെ തിരിച്ചറിയല് രേഖ കൈമാറിയപ്പോള് മുഖം കാണിക്കാന് ആവശ്യപ്പെട്ടു. എന്നാല് തുടക്കത്തില് അല്ലു അര്ജുന് അതിന് തയ്യാറായില്ല. അല്പ്പ നേരം സുരക്ഷാ ഉദ്യോഗസ്ഥനുമായി അല്ലു അര്ജുനും ഒപ്പമുണ്ടായിരുന്നയാളും സംസാരിക്കുന്നത് വിഡിയോയില് കാണാം.
ഇതിന് ശേഷമാണ് അല്ലു അര്ജുന് കൂളിങ് ഗ്ലാസ് ഊരാന് തയ്യാറാകുന്നത്. എന്നാല് മാസ്ക് പൂര്ണമായും ഊരാതെ തന്നെ തന്റെ മുഖം കാണിച്ചു കൊടുക്കുകയായിരുന്നു താരം. ശേഷം താരം വിമാനത്താവളത്തിന്റെ അകത്തേക്ക് പ്രവേശിക്കുന്നതും വിഡിയോയിലുണ്ട്. ഈ രംഗങ്ങള് വൈറലായി മാറിയതോടെ നിരവധി പേരാണ് പ്രതികരണങ്ങളുമായി എത്തിയത്. താരത്തെ എതിര്ത്തും അനുകൂലിച്ചും നിരവധി പേരാണ് എത്തുന്നത്.
സുരക്ഷാ ഉദ്യോഗസ്ഥനെ പിന്തുണച്ചാണ് മിക്കവരുമെത്തുന്നത്. അദ്ദേഹം നൂറ് ശതമാനം ശരിയാണ്. തന്റെ ജോലി മാത്രമാണ് അദ്ദേഹം ചെയ്തതെന്നും മുഖം കാണിക്കാന് അല്ലുവിനോട് പറയാന് അദ്ദേഹത്തിന് അധികാരമുണ്ടെന്നും സോഷ്യല് മീഡിയ പറയുന്നു. ജനങ്ങള് തങ്ങളെ ആരാധിക്കുന്നതിനാല് തങ്ങള് ഇവരേക്കാളെല്ലാം വളരെ മുകളിലാണെന്ന തോന്നല് താരങ്ങള്ക്കുണ്ടാകുമെന്നായിരുന്നു മറ്റൊരു പ്രതികരണം. 'മുഖം മുഴുവന് കാണിക്കു, എന്തിനാണ് ഇത്ര അഹങ്കാരം? മണ്ടന്മാരായ ആരാധകര് കാരണം തങ്ങള് ദൈവങ്ങളാണെന്ന് അവര് കരുതുന്നു, നിയമങ്ങള് എല്ലാവര്ക്കും ഒരുപോലെയാണ്' എന്നെല്ലാമാണ് ചിലരുടെ പ്രതികരണങ്ങള്.
അതേസമയം ആറ്റ്ലി സംവിധാനം ചെയ്യുന്ന പുതിയ സിനിമയുടെ തിരക്കിലാണ് അല്ലു അര്ജുന്. ദീപിക പദുക്കോണ് ആണ് ചിത്രത്തിലെ നായിക. രശ്മിക മന്ദാന, ജാന്വി കപൂര്, മൃണാല് ഠാക്കൂര് എന്നിവരും ചിത്രത്തില് പ്രധാന വേഷങ്ങളിലെത്തുന്നതായാണ് റിപ്പോര്ട്ടുകള്.
Good & Responsible Gesture From #AlluArjun👏At the airport security check yesterday, Allu Arjun was requested by an officer for a standard face and ID verification. Without a hint of hesitation, he obliged — removing his face covering, presenting his ID, and cooperating fully… pic.twitter.com/8TvJqGt3Zs— cinee worldd (@Cinee_Worldd) August 10, 2025
LATEST NEWS
- ഹോള്ട്ടര് നെക്ക് ബ്ലൗസിനൊപ്പം കോക്ക്ടെയിൽ സാരിയില് ഗ്ലാമര് എലഗന്റ് ലുക്കില് സണ്ണി ലിയോണ്; താരത്തിന്റെ ബോളിവുഡ് ഏറ്റെടുത്ത് ആരാധകര്
- ‘എന്റെ 17 സിനിമകൾ തുടർച്ചയായി പരാജയപ്പെട്ടു, കാനഡയില് ജോലിക്ക് പോയി; ഞാന് ഇന്ത്യക്കാരനാണ്, എന്നുമങ്ങനെ തുടരും...’ കനേഡിയന് പാസ്പോര്ട്ട് വിവാദത്തെപ്പറ്റി അക്ഷയ് കുമാര്
- ‘ഒരാളുടെ സ്വകാര്യ ജീവിതം തലക്കെട്ടുകളാക്കും മുമ്പ് ഔദ്യോഗിക സ്ഥിരീകരണത്തിന് കാത്തിരിക്കൂ; ‘44’ ഹൈലൈറ്റ് ചെയ്യുന്നതെന്തിന്?...’ അനുഷ്ക ഷെട്ടിയുടെ വിവാഹവാർത്ത അപ്പാടെ തള്ളി താരത്തിന്റെ ടീം
- ‘പാപ്പന്സ് സ്റ്റൈൽ അലേർട്ട്...’; 2 നിറങ്ങൾ സമന്വയിപ്പിച്ച കുർത്തയിലും മുണ്ടിലുമുള്ള സിഗ്നേച്ചര് ലുക്ക് പങ്കിട്ട് ജയസൂര്യ; സരിതയുടെ ഡിസൈന് ഇത്തവണയും മാസ്സ് എന്ന് കമന്റുകള്
- ' കാലങ്ങളായുളള സ്വപ്നം, എന്റെ ഹൃദയം നിറയുന്നു' ; മരത്തിന് മുകളില് കഫേ തുടങ്ങിയ സന്തോഷം പങ്കുവച്ച് ഹരീഷ് ഉത്തമന്
