നീ എന്റെ അരികില്‍ ഉണ്ടെങ്കില്‍ ജീവിതം കൂടുതല്‍ അര്‍ത്ഥവത്താകുന്നു; പ്രിയപ്പെട്ടവള്‍ക്ക് പിറന്നാള്‍ ആശംസകളുമായി മീര നന്ദന്‍

photo-www.instagram.com/nandan_meera/

ആൻ അഗസ്റ്റിന് ഹൃദയത്തിൽ തൊടുന്നൊരു കുറിപ്പുമായി മീര നന്ദൻ . വർഷങ്ങൾ ആയുള്ള സൗഹൃദം ആണ് മീര നന്ദനും ആൻ അഗസ്റ്റിനും തമ്മിൽ. കൂട്ടുകാരിക്കും അപ്പുറമായി ഒരു ബന്ധമാണ് ഞങ്ങൾ തമ്മിലെന്ന് മുൻപും മീരയും ആൻ അഗസ്റ്റിനും പറഞ്ഞിട്ടുണ്ട്. വിവിധ ഷോകളിൽ ഒരുമിച്ചെത്തിയതും,ഫോറിൻ ടൂറുകളിൽ ഒരുമിച്ചു പോയതും എല്ലാം ഇരുവരും പങ്കിട്ടിട്ടുണ്ട്.

മീരയുടെ വിവാഹത്തിന് മുൻപിൽ നിന്നത് ആൻ ആണ്. ഗുരുവായൂരിൽ വച്ച് നടന്ന വിവാഹത്തിലും റീസെപ്‌ഷനിലും ലണ്ടനിലെ വിവാഹ സത്കാരത്തിലും എല്ലാം ആൻ സംബന്ധിച്ചു. തനിക്ക് ജീവിതത്തിൽ കിട്ടിയ ഏറ്റവും വലിയ ഭാഗ്യമാണ് ആൻ. ഒരു കൂട്ടുകാരി എന്നതിൽ അപ്പുറം ആണ് എനിക്ക് ആൻ. കാരണം എന്റെ നല്ലതും മോശവും ആയ എല്ലാ സമയത്തും എന്റെ കൂടെ ഉണ്ടായിരുന്നവൾ ജീവിതത്തിനു അർഥം നല്കിയവൾ എന്നൊക്കെയാണ് ആൻ അഗസ്റ്റിനെ കുറിച്ച് മീര പറയുന്നത്.

എന്റെ പ്രിയപ്പെട്ട സഹോദരി! എന്റെ എക്കാലത്തെയും പ്രിയപ്പെട്ടവൾക്ക് പിറന്നാൾ.. എന്റെ ഏറ്റവും മികച്ച അവസ്ഥയിൽ നീ എന്നെ കണ്ടിട്ടുണ്ട്, അന്ന് എന്നെ താങ്ങിനിർത്തിയത് നീയാണ്. ഞാൻ ശമ്പളം കൊടുക്കാതെ എന്റെ ഒപ്പം നിർത്തുന്ന എന്റെ തെറാപ്പിസ്റ്റ്, എന്റെ രഹസ്യ സൂക്ഷിപ്പുകാരി, എന്റെ ചിരിക്കും കരച്ചിലിനും ഒപ്പം നിൽക്കുന്നവൾ. എന്റെ കുടുംബം ആണവൾ.

നീ എന്റെ അരികിൽ ഉണ്ടെങ്കിൽ ജീവിതം കൂടുതൽ അർത്ഥവത്താകുന്നു, നീ ഇല്ലാതെ എനിക്ക് എങ്ങനെ ആണ് ജീവിതമെന്നുപോലും ത്യസന്ധമായി അറിയില്ല. more chaos, healing, growth, and late-night heart-to-hearts മീര കുറിച്ചു.