കുഞ്ഞു റിദ്ധിമയെ ചുംബിച്ച് ഋഷി കപൂര്‍; പഴയകാല ചിത്രം പങ്കുവെച്ച് നീതു കപൂര്‍

photo-www.instagram.com/neetu54/

ഭര്‍ത്താവ് ഋഷി കപൂറിനും മകള്‍ റിദ്ധിമ കപൂറിനുമൊപ്പമുളള ഒരു പഴയകാല ചിത്രം പങ്കുവെച്ച് ബോളിവുഡ് താരം നീതു കപൂര്‍. ഋഷി കപൂര്‍ കുഞ്ഞു റിദ്ധിമയെയെ മടിയിലിരുത്തി തലയില്‍ ചുംബിക്കുന്നതും നീതു സ്‌നേഹത്തോടെ അവരെ നോക്കുന്നതും ചിത്രത്തില്‍ കാണാം.

‘അപൂര്‍വ്വവും നൊസ്റ്റാള്‍ജിയയും’ എന്നാണ് ചിത്രത്തിനൊപ്പം നീതു കുറിച്ചിരിക്കുന്നത്. മകള്‍ റിദ്ധിമയെ നീതു ടഗ് ചെയ്തിട്ടുണ്ട്. ഹൃദയസ്പര്‍ശിയായ ഈ ചിത്രം സോഷ്യല്‍ മീഡിയയില്‍ ശ്രദ്ധനേടുകയാണ്.

1980 ലായിരുന്നു ഋഷി കപൂറും നീതുവും വിവാഹിതരായത്. 1980-ൽ മകൾ റിദ്ധിമയെ സ്വാഗതം ചെയ്തുകൊണ്ട് അവർ മാതാപിതാക്കളായി. തുടർന്ന് 1982-ൽ മകൻ രൺബീർ ജനിച്ചു. ബോളിവുഡിലെ ഏറ്റവും ആരാധിക്കപ്പെടുന്ന ഓണ്‍-സ്‌ക്രീന്‍ ജോഡികളില്‍ ഒരാളായിരുന്നു ഋഷിയും നീതുവും. കഭി കഭി, സിന്ദാ ദില്‍, അമര്‍ അക്ബര്‍ ആന്റണി, ദൂസര ആദ്മി, ഖേല്‍ ഖേല്‍ മേം തുടങ്ങി നിരവധി പ്രോജക്ടുകളില്‍ ഇരുവരും ഒരുമിച്ച് പ്രവര്‍ത്തിച്ചിട്ടുണ്ട്.

രക്താര്‍ബുദവുമായി രണ്ട് വര്‍ഷത്തെ പോരാട്ടത്തിന് ശേഷം 2020 എപ്രില്‍ 30 ന് 76 ാം വയസ്സിലാണ് ഋഷി കപൂര്‍ മരിക്കുന്നത്. അതേസമയം മെയ് മാസത്തിൽ അവസാനിച്ച റിദ്ധിമയുടെ ആദ്യ ചിത്രത്തിന്റെ ചിത്രീകരണത്തിനായി നീതു അടുത്തിടെ ഷിംലയിലായിരുന്നു. 'ദാദി കി ഷാദി' എന്ന് താൽക്കാലികമായി പേരിട്ടിരിക്കുന്ന ഈ പ്രോജക്റ്റിൽ കൊമേഡിയനും നടനുമായ കപിൽ ശർമ്മയും ഒരു പ്രധാന വേഷത്തിൽ അഭിനയിക്കുന്നുണ്ട്.