' ഈ പുതിയ യാത്രയുടെ തുടക്കം എന്റെ സുഹൃത്തുമായി പങ്കിട്ടു' ; രാജ്യസഭാംഗമായി സത്യപ്രതിജ്ഞ ചടങ്ങിന് മുന്നോടിയായി രജനികാന്തിനെ സന്ദര്‍ശിച്ച് കമല്‍ഹാസന്‍

photo-x.com/ikamalhaasan/

മുംബൈ: രാജ്യസഭാംഗമായി സത്യപ്രതിജ്ഞ ചെയ്യുന്ന ചടങ്ങിന് മുന്നോടിയായി സുഹൃത്ത് രജനികാന്തിനെ സന്ദര്‍ശിച്ച് കമല്‍ഹാസന്‍. തന്റെ എക്‌സ് അക്കൗണ്ടില്‍ രജനികാന്തിനൊപ്പമുളള ചിത്രങ്ങള്‍ അദ്ദേഹം പങ്കുവെച്ചിട്ടുണ്ട്.

രാജ്യസഭാംഗമായുളള തന്റെ ഔദ്യോഗിക ഉത്തരവ് രജനികാന്തിനെ അദ്ദേഹം കാണിക്കുകയും ചിത്രം പങ്കുവെയ്ക്കുകയും ചെയ്തിട്ടുണ്ട്. മറ്റൊരു ഫോട്ടോയില്‍ ഇരുവരും പരസ്പരം ആലിംഗനം ചെയ്യുന്നതും കാണാം.

'' ഈ പുതിയ യാത്രയുടെ തുടക്കം ഞാന്‍ എന്റെ സുഹൃത്ത് രജനികാന്തുമായി പങ്കിട്ടു. എനിക്ക് സന്തോഷം തോന്നുന്നു'' എന്നാണ് കമല്‍ഹാസന്‍ ചിത്രങ്ങള്‍ക്കൊപ്പം എക്‌സില്‍ കുറിച്ചത്.

കമല്‍ഹാസനൊപ്പമുളള ചിത്രം രജനികാന്തും തന്റെ എക്‌സ് അക്കൗണ്ടില്‍ പങ്കുവെച്ചു. ''രാജ്യസഭാംഗമായി സത്യപ്രതിജ്ഞ ചെയ്യാന്‍ പോകുന്ന എന്റെ പ്രിയ സുഹൃത്ത് കമല്‍ഹാസന് ന് ഹൃദയം നിറഞ്ഞ അഭിനന്ദനങ്ങള്‍'' എന്നാണ് രജനികാന്ത് ചിത്രത്തിനൊപ്പം കുറിച്ചത്.

மாநிலங்களவை உறுப்பினராகப் பதவியேற்கவிருக்கும் என்னுடைய அருமை நண்பர் @ikamalhaasan அவர்களுக்கு மனமார்ந்த வாழ்த்துகள். pic.twitter.com/K99sFlKOBR— Rajinikanth (@rajinikanth) July 16, 2025